Fréttablaðið - 06.09.2008, Blaðsíða 74

54 6. september 2008 LAUGARDAGUR
sport@frettabladid.is
NOREGUR-ÍSLAND
ÓMAR ÞORGEIRSSON
skrifar frá Osló
omar@frettabladid.is
KÖRFUBOLTI Helena Sverrisdóttir
hefur spilað frábærlega í fyrstu
þremur leikjum íslenska kvenna-
landsliðsins í Evrópukeppninni
og þessi öfluga körfuboltakona
er líka mjög áberandi á topplist-
um tölfræðinnar eftir fyrstu
þrjár umferðirnar.
Helena er sem stendur efst í
þremur stærstu tölfræðiþáttun-
um, í stigum, fráköstum og stoð-
sendingum, auk þess að vera í 2.
sæti í stolnum boltum og í 3. sæti
í vörðum skotum.
Helena hefur skorað 72 stig í 3
leikjum sem gera 24,0 stig að
meðaltali í leik. Næst á lista er
Hollendingurinn Leonie Kooij
sem hefur skorað 22,7 stig í leik
en Slóveninn Maja Erkic hefur
síðan skorað 20,3 stig í leik.
Helena hefur tekið 29 fráköst í
3 leikjum eða 9,7 að meðaltali í
leik en næst á lista eru þrír leik-
menn með 8,3 fráköst í leik. Það
eru Naomi Halman frá Hollandi,
Daliborka Jokic frá Slóveníu og
Kerdu Arbet frá Eistlandi. Signý
Hermannsdóttir er í 6. sæti í frá-
köstum með 8,0 að meðaltali.
Helena hefur síðan gefið 18
stoðsendingar í leikjunum þrem-
ur eða 6,0 að meðaltali. Í öðru
sæti þar er Slóveninn Nika Baric
með 5,0 stoðsendingar í leik. Hel-
ena er einnig með 2,7 stolna bolta
í leik og er þar í 2. sæti á eftir Sla-
vicu Dimovska frá Makedóníu en
hún spilaði með Fjölni í Iceland
Express-deildinni síðasta vetur.
Helena er að lokum í 3. sæti í
vörðum skotum með 1,7 varin
skot í leik en þar er Signý Her-
mannsdóttir efst með 9 varin skot
í þremur leikjum eða 3,0 að með-
altali í leik.
Helena nær reyndar líka inn á
topp tíu-listann í þriggja stiga
nýtingu þar sem hún hefur hitt úr
46,2 prósent þriggja stiga skota
sinna. Helena er þar í 10. sæti en
í 4. sæti er Kristrún Sigurjóns-
dóttir með 60 prósent nýtingu en
Kristrún hefur sett niður 9 af 15
þriggja stiga skotum sínum í
keppninni til þessa.
Ísland mætir Írlandi í Dublin í
dag í fjórða leik sínum í keppn-
inni en Írar hafa unnið 2 af 3
leikjum sínum á móti einum
íslenskum sigri í 3 leikjum. - óój
Helena Sverrisdóttir spilar vel með íslenska kvennalandsliðinu í körfu:
Efst í öllu í Evrópukeppninni
ALLT Í ÖLLU Helena Sverrisdóttir er
afar fjölhæf körfuboltakona.
FRÉTTABLAÐIÐ/VILHELM
> Kvennalandsliðið stendur í stað
Íslenska kvennalandsliðið í knattspyrnu
er í átjánda sæti á nýjum styrkleika-
lista Alþjóðaknattspyrnusambandsins,
FIFA. Stelpurnar standa því í stað
frá því að síðasti listi var gefinn út.
Bandaríkin eru á toppnum líkt
og oft áður og hið sterka lið
Þjóðverja kemur svo í öðru
sæti. Íslensku stelpurnar
mæta þeim frönsku í lok
mánaðarins ytra og ljóst að
þar verður við ramman reip
að draga enda franska liðið í
sjöunda sæti listans.
Það lá vel á landsliðsþjálfaranum Ólafi Jóhannessyni á blaðamanna-
fundi fyrir leik Íslands og Noregs í undankeppni HM 2010 í Ósló
í gær.
„Það er ekkert því til fyrirstöðu að við náum góðum leik
gegn Norðmönnum. Ástandið á leikmönnunum er mjög
gott og við vitum það sem við viljum vita um andstæð-
inga okkar. Ég hef leitað ráða hjá íslensku leikmönnunum
sem spila í Noregi og mér finnst ég hafa grætt mikið á því.
Þannig að þeir eiga ekki að koma okkur á óvart,“ segir Ólaf-
ur en ellefu af tuttugu og tveimur leikmönnum í landsliðs-
hópi Íslands hafa leikið eða leika sem stendur í Noregi.
Ólafur metur það svo að norska liðið sé betra en það
íslenska á pappírnum en að það sé aftur á móti
engin ástæða til þess að vera með neina minni-
máttarkennd.
„Þeir eiga að vera með betra lið en við. Það er
einfaldlega þannig. En það þýðir samt ekki að
við eigum ekki fínan möguleika á að ná góðum
úrslitum í leiknum. Jafntefli væru vissulega góð
úrslit en sigur yrði enn betri,“ segir Ólafur.
Ólafur telur að til þess að íslenska liðið nái markmiðum sínum í
leiknum sé algjör skylda að halda markinu hreinu framan af leik.
„Við komum til þess að verjast af krafti þar sem Norðmenn
eru með mjög hættulega sóknarmenn. Ég tel að fyrstu 20-25
mínúturnar verði örugglega mjög erfiðar og það er gríðarlega
mikilvægt að við verðum vakandi og náum að halda markinu
hreinu. Það er bara skilyrði.
Ef það tekst, þá gæti eftir það ýmislegt fallið með okkur, til
að mynda gætu áhangendur þeirra orðið óþreyjufullir og
sett enn meiri pressu á norska liðið. Byrjunin á leiknum er
því mjög mikilvæg fyrir okkur. Ég er reyndar alveg viss
um það að ef allir mínir leikmenn spila á hundrað
prósent getu þá eigum við ekkert minni mögu-
leika í þessum leik en Norðmenn. Það er því
engin ástæða til þess að vera með einhverja
minnimáttarkennd og við förum að sjálf-
sögðu í leikinn til þess að fá góð úrslit úr
honum,“ segir Ólafur ákveðinn.
ÓLAFUR JÓHANNESSON LANDSLIÐSÞJÁLFARI: TELUR ÍSLAND HAFA BURÐI TIL ÞESS AÐ NÁ GÓÐUM ÚRSLITUM
Norðmenn eiga ekki að koma okkur á óvart
FÓTBOLTI Það verður sérstakt
fyrir Indriða Sigurðsson að mæta
Norðmönnum á Ullevaal-leik-
vanginum en það er heimaleik-
vangur norska liðsins Lyn sem
Indriði leikur með.
„Það er mikil pressa á norska
liðinu og það er krafa frá áhang-
endum þess að okkur sé rúllað
upp. Það gæti unnið með okkur.
Á pappírunum tel ég okkur ekk-
ert vera lakara lið en það norska
og ef menn spila góða vörn og ná
sínum besta leik er allt hægt,“
segir Indriði Sigurðsson.
- óþ
Indriði Sigurðsson óttast ekki Norðmenn:
Ekki lakara lið á pappírunum
FÓTBOLTI Veigar Páll Gunnarsson
vonast til þess að fá að spreyta
sig á móti Norðmönnum í dag.
„Þetta er sérstakur leikur fyrir
okkur sem spilum hérna í Noregi.
Það yrði mjög skemmtilegt að fá
tækifæri til þess að mæta
liðsfélögum sínum í Stabæk. Það
verður klárlega tekið á þeim og
engin virðing sýnd, það er alveg á
hreinu,“ segir
Veigar Páll, sem
telur að
íslenska liðið
hafi alla burði
til þess að ná
góðum úrslitum.
„Ég held að þeir
séu líka smeykir
við okkur því það er
mikil pressa á þeim,“
sagði Veigar. - óþ
Veigar Páll Gunnarsson:
Norðmenn eru
smeykir
FÓTBOLTI Tveir leikreyndustu leik-
menn íslenska landsliðsins, fyrir-
liðinn Hermann Hreiðarsson og
framherjinn Eiður Smári Guð-
johnsen, eru tilbúnir í slaginn
gegn Norðmönnum á Ullevaal-
leikvanginum í kvöld.
Hermann á 77 landsleiki að baki
fyrir Íslands hönd og er því að
taka þátt í sinni sjöundu undan-
keppni stórmóts með liðinu. Hann
telur að Holland sé með sterkasta
liðið í riðli Íslands en að baráttan
um annað sætið gæti orðið hörð og
jöfn.
„Munurinn á þessum liðum er
ekkert svakalegur og ég tel að rið-
illinn sé mjög jákvæður fyrir
okkur. Ég meina, Ísland, Noregur,
Skotland og Makedónía, það er
ekkert himinn og haf þarna á milli.
Við viljum ekki meina það og við
verðum að sýna það inni á vellin-
um gegn Noregi,“ segir Hermann.
Hermann fær erfitt verkefni í
leiknum í kvöld þar sem sóknar-
menn Noregs með John Carew í
fararbroddi eru skeinuhættir.
„Ég hef mætt Carew nokkrum
sinnum og veit vel að hann er bæði
stór og sterkur leikmaður. Hann
er lykilmaður í þeirra sóknarleik
og við þurfum að hafa góðar gætur
á honum en það er bara gaman að
fá að mæta þessum bestu,“ segir
Hermann.
Eiður Smári hefur leikið 51
landsleik fyrir Ísland og er að fara
að taka þátt í sinni sjöttu undan-
keppni stórmóts með liðinu. Hann
er spenntur fyrir því að byrja und-
ankeppnina gegn Norðmönnum.
„Leikurinn gegn Noregi leggst
bara mjög vel í mig. Við verðum
samt að hafa allan varann á gegn
norska liðinu því þeir hafa sterka
leikmenn innanborðs og við þurf-
um að vera klárir á öllum okkar
hlutum í leiknum,“ segir Eiður
Smári.
Eiður Smári telur að íslenska
liðið þurfi smá tíma til þess að
aðlagast nýjum þjálfara og nýjum
leikmönnum en er bjartsýnn á
framtíð liðsins.
„Vonandi smellur þetta hjá
okkur strax gegn Norðmönnum og
þá getum við byggt á því. Annars
mega menn ekkert fara fram úr
sér því það tekur tíma fyrir nýjan
þjálfara að læra á leikmennina og
öfugt og svo eru ákveðin kynslóða-
skipti í gangi hjá liðinu. En ef við
sýnum okkar rétta andlit þá er ég
ekkert smeykur um framhaldið,“
segir Eiður Smári.
Það er ekkert að óttast
Það er gott hljóð í þeim Hermanni Hreiðarssyni og Eiði Smára Guðjohnsen fyrir
fyrsta leik Íslands í undankeppni HM 2010. Þeir félagar telja Norðmenn vera
hættulega en segja þó að Ísland hafi alla burði til þess að ná góðum úrslitum.
KLÁR Í SLAGINN Eiður Smári Guðjohnsen verður í eldlínunni með íslenska landslið-
inu gegn Noregi í dag. Hann sést hér ganga til blaðamannafundar á Radisson Plaza í
Osló í gær. NORDIC PHOTOS/AFP
Sundpóló)
erfiðara en sund!
...en bara svo MIKLU skemmtilegra!
...erfiðara en handbolti!
Hvað er það?
12 vikna námskeið hjá Sundknattleiksfélagi
Reykjavíkur hefst þann 15. september & mun fara
fram í nýju Laugardalslauginni.
Námskeiðið er ætlað krökkum á aldrinum 11-13 ára
sem langar að prófa eitthvað nýtt og spennandi.
Frír kynningartími 13. sept kl. 12:30
Æfingatímar
Mánudagar kl. 18:00 - 19:30
Miðvikudagar kl. 18:00 - 19:30
Laugardagar kl. 12:30 - 14:00
Skráning á http://www.waterpolo.is eða í síma 860-7537
Verð krónur 12.500.- en einnig
hægt er að nota Frístundakort ÍTR
SUNDKNATTLEIKSFÉLAG
REYKJAVÍKUR