Fréttablaðið - 06.09.2008, Blaðsíða 22
22 6. september 2008 LAUGARDAGUR
FÖSTUDAGUR, 29. ÁGÚST.
Hótel Glymur
Í gærkvöldi fór ég á frumsýningu
á íslenskri kvikmynd, Sveitabrúð-
kaup, heitir hún og er eftir
Valdísi Óskarsdóttur. Val-
dís er einn af þeim sam-
starfsmönnum sem
gerðu árin sem ég eyddi
í kvikmyndagerð ein-
hvers virði. Mynd-
in hennar er jafn
indæl og hún
sjálf og skilur
mann eftir í
góðu skapi yfir
því að allir
skuli vera jafn-
ruglaðir og maður
sjálfur – ef grannt er skoðað.
Samgöngunefnd Alþingis gaf
mér góða hugmynd þegar hún tók
upp á því að gista á hóteli í staðinn
fyrir að sofa heima hjá sér: Ég
stakk tannburstanum og tölvunni
minni ofan í bakpoka og ég er nú
staddur í hótel Glym í Hvalfirði.
Því miður er ég ekki í samgöngu-
nefnd svo að ég verð að borga
dvölina sjálfur. (Reyndar vorkenni
ég samgöngunefnd að fatta ekki
að gista á besta hótelinu í nágrenni
Reykjavíkur).
Hérna ætla ég að vera yfir helg-
ina til að hafa nauðsynlegt næði til
að klára bókina sem ég er að
skrifa. Hér er nefnilega ró og frið-
ur.
Þótt ég sakni þess hálfpartinn
er það ákveðinn kostur að hér
skuli engin barnabörn klifra upp í
kjöltuna á mér meðan ég er að
skrifa og biðja mig að sýna sér
mynd af gíraffa eða tígrisdýri í
tölvunni minni. Enginn spyr hvort
ég hafi munað að kaupa kartöflur
til að hafa með fiskinum.
Hótel Glymur er eins og besta
sveitaheimili í orðsins fyllstu
merkingu. Og okkar á milli
sagt þykir mér líf í munaði
mjög notalegt öðru hverju,
svo að það er eins gott að ég
skuli ekki hafa frjálsan aðgang
að almannafé.
SUNNUDAGUR, 31. ÁGÚST.
Bláber fyrir milljónir
Helgin hefur liðið í nær samfelldri
vinnulotu með einni og einni kríu
inni á milli. Ég sé fyrir endann á
því sem ég þurfti að gera.
Eftir hádegið í dag fór ég út að
skemmta mér við að tína ber.
Önnur eins býsn af matvælum á
víðavangi hef ég ekki séð í annan
tíma. Það tók sirka fimm mínútur
að tína í bláberjabox eins og kosta
fjögur til fimmhundruð krónur og
maður hefur aldrei efni á í mat-
vörubúðum. Og berin sem ég tíndi
voru fersk og fín en ekki húðuð
með vaxi og rotvarnarefnum úr
muldum múmíum. Á hálftíma
borðaði ég bláber fyrir á að giska
tvöþúsund krónur þarna alveg
ókeypis. Það sá samt ekki högg á
vatni. Þarna voru ótínd bláber
fyrir fleiri hundruð og fimmtíu
milljónir.
Hvalfjörðurinn er dásamlegur.
Mér finnst samt merkilegt að þjóð
sem vílar ekki fyrir sér að rífa
flest hús sem hafa eitthvert sögu-
legt gildi skuli ekki hafa hug-
myndaflug til að skrúfa sundur
þessa ömurlegu járnblendiverk-
smiðju, setja ruslið í gám og senda
til Noregs þar sem nóg er af
fallegum fjörðum sem Norð-
menn geta eyðilagt heima hjá
sjálfum sér.
MÁNUDAGUR, 1. SEPTEMBER.
Að koma óorði á
dagbækur
Ég er smeykur um
að hinar skáldlegu
dagbókarfærslur
Matthíasar
Johannessens –
til að mynda um
Guðjón Friðriks-
son ævisagna-
snilling – geti
komið óorði á
dagbókar-
formið. Mér
þykir að
minnsta kosti
vissara að
birta dagbók-
ina mína jafn-
óðum og ég
skrifa hana í
stað þess að
bíða eftir því að
ég sé orðinn
endanlega gal-
inn.
Frú Sólveig
kom í kvöld að
sækja mig. Ég
var flottur á
því og bauð
henni með
mér í heita
pottinn og
lét bera henni kælt hvítvín. Svo
leiddi ég hana að kvöldverðar-
borði og við snæddum
málsverð sem var svo
góður að jafnvel spillt-
ustu stjórnmálamenn
hafa varla bragðað
annað eins.
Við förum bara
heim í fyrramálið.
Rómantík – í hófi – hlýt-
ur að vera leyfileg jafn-
vel á krepputímum.
ÞRIÐJUDAGUR, 2. SEPTEMBER.
Um „barnalán“ og fyrir-
bænir
Kom heim úr Hval-
firðinum í dag.
Svei mér ef ég
gekk ekki í end-
urnýjun lífdag-
anna þarna á
Hótel Glym.
Helgi kokkur
útskrifaði mig
meira að segja
með bita af súkkul-
aðitertu sem var
svo mögnuð að
mig brestur
skálda-
gáfu til að lýsa henni nógsamlega.
Þegar maður kemur í bæinn
aftur fer maður að fylgjast með
fréttum. Mér þykir mjög undar-
legt að Alþingi skyldi hafna ósk
hindúans Rajans Zed (hver sem
það nú er) um að hann fái að fara
með sérstaka opnunarbæn hindúa
við setningu Alþingis.
Með fyllstu virðingu fyrir
Alþingi Íslendinga þá er þetta ekki
skynsamlegt. Ef einhver segist
vera fús til að biðja fyrir ríkis-
stjórninni okkar og þingmönnum
er beinlínis glæfra-
legt að taka því
boði ekki með
þakklæti því að
ekki veitir af.
Ennþá geggj-
aðri frétt er sú að
Geir Haarde segir
að búið sé að slá lán
upp á tvöhundruð og
fimmtíu milljónir evra
– til að styrkja gjaldeyris-
varaforðann.
Sem eina ráðstöfun ríkisstjórnar-
innar gagnvart kreppunni sem
Flokkurinn hafði yfirumsjón með
að búa til þá er mjög sniðugt að
taka meiri lán en áður. Þetta þyrfti
hver einasti maður á landinu að
gera líka. Lánið verður svo
borgað við hentugleika
af börnunum okkar svo
að þessa ráðstöfun má
með sanni kalla „barna-
lán“ og barnalán hefur
verið talið mjög eftir-
sóknarvert hingað til –
þótt það hafi kannski
verið í dáldið gamaldags
merkingu.
MIÐVIKUDAGUR, 3. SEPTEMBER.
Gruggugt farvatn fjár-
málaráðherrans
Nú er það nýjast að íslenska ríkið
sem er nýbúið að borga fimm
milljónir króna svo að mennta-
málaráðherrann okkar geti horft á
handbolta með manninum sínum
getur ekki borgað ljósmæðrum
sanngjarnt kaup enda verður að
forgangsraða í pólitíkinni.
Árni Matt. (sem er fjármálaráð-
herra þegar hann er ekki í skít-
verkum fyrir dómsmálaráðherr-
ann sem eru í eilífðarrannsókn hjá
umboðsmanni Alþingis) „sagðist
vel meðvitaður um stjórnarsátt-
málann en benti á að í þeim samn-
ingum sem þegar hefðu verið
gerðir hefðu náðst áfangar (sic).
Þá væri ríkisstjórnin með ákveðna
hluti í farvatninu og áfangaskýrsla
þar um yrði skilað í haust (sic!).
Enginn væri að misvirða störf
ljósmæðra en staðan væri sú að
þrengra væri um vik að gera jafn-
vel leiðréttingar (sic!!).“
Svona steinsteyptar pælingar
skil ég ekki. Ég veit þó að á norsku
merkir „farvatn“ svona hérumbil
„siglingaleið“.
Árni er þá sennilega að reyna að
slæða lausnir á málum ljósmæðra
upp úr „farvatninu“. Vonandi
kemur ekki upp úr grugginu eitt-
hvað óhreint, til dæmis varðandi
embættisveitingu ellegar sölu á
mannvirkjum á Keflavíkurflug-
velli.
FIMMTUDAGUR, 4. SEPTEMBER.
Ódýr manngjöld
Einn af „Breiðavíkurdrengjunum“
segir að hugmyndir ríkisstjórnar-
innar um bætur til þeirra sem
vistaðir voru á þessu illræmda
„uppeldishæli“ séu beinlínis
móðgandi og bætir því við að
stjórnin geti stungið þessum pen-
ingum þangað sem sólin nær ekki
að skína.
Hann orðar þetta að vísu öðru-
vísi en mikið skil ég manninn vel.
„Breiðavíkurdrengirnir“ og
aðrir sem hafa orðið að þola félags-
legt ranglæti og pyntingar og
sumir kynferðislega misnotkun í
ofanálag eiga í fyrsta lagi
að fá fallega og mann-
eskjulega afsökunar-
beiðni og í annan
stað sanngjarnar
fébætur eða mann-
gjöld fyrir þá sem
fallnir eru en ekki
smánarbætur. Þær
hugmyndir sem settar
hafa verið fram eru
ríkis stjórn og Alþingi til
minnkunar og gera ekki annað en
misbjóða mönnum sem hafa feng-
ið að þola meira en nóg af hálfu
hins opinbera.
Þrjúhundruð og eitthvað þús-
und krónur fyrir að þola ranglæti
og jafnvel pyntingar af hálfu „hins
opinbera“ sýnir hvaða virðingu
fulltrúar „hins opinbera“ bera enn
þann dag í dag fyrir venjulegu
fólki.
Svona framkoma heitir að bæta
gráu ofan á svart – og ef einhver
skilur ekki það orðtæki þá merkir
það að gera illt verra.
Hvað skyldi forsætisráðherran-
um okkar þykja passlegar skaða-
bætur handa sjálfum sér ef hann
væri handtekinn fyrir engar sakir,
tekinn frá fjölskyldu sinni og vist-
aður einhvers staðar í sosum
fjögur ár, laminn, lítillækkaður og
misnotaður kynferðislega – og það
ekki af sætustu stúlkunni á ball-
inu?
Sjálfur sé ég ekki verðmæta-
mun á sálarheill barna hvort sem
þau verða rónar eða ráðherrar eða
eitthvað þar á milli.
Að bæta gráu ofan á svart
Í dagbók Þráins Bertelssonar er meðal annars fjallað um verðmætamat á sálarheill róna og ráðherra, sagt frá lúxusdvöl á hóteli
og minnst á Sveitabrúðkaup og flunkunýja merkingu orðsins „barnalán“.
KÆRA DAGBÓK
Þráinn Bertelsson skrifar
FRÉTTABLAÐIÐ/SAMSETT MYND
NJARÐARBRAUT 11A - REYKJANESBÆR - SÍMI: 585 2888
VIÐ FELLSMÚLA - 108 REYKJAVÍK - SÍMI: 585 2888
RÝMINGARSALA!
NUDDPOTTAR
Opið: Mán. til fös. kl. 9 - 18
Laugard. kl. 10 - 16
Sunnud. kl. 12 - 16
* Sérskilmálar
399.900
Tilboðsverð:
Innifalið í tilboði:
7 sæta nuddpottur stærð 203cm x 197cm x 90cm / 2 vatnsnudddælur
21 vatnsnuddstútar / Digital stjórnborð, stýrir nudddælum,
hitastýringu, hreinsikerfi og ljósum / Ozone hreinsikerfi og 3kw hitari
4 LED ljós í skel / Einangruð skel og vandað lok, lágmarkað hitatap.
Verð: 499.900
Greiðslukjör til allt að 36 mán.Takmarkað magn!