Fréttablaðið - 06.09.2008, Qupperneq 30

30 6. september 2008 LAUGARDAGUR
O
ft hefur verið mikið
líf og fjör í ensku
úrvalsdeildinni í
knattspyrnu á loka-
degi félagaskipta-
gluggans svokall-
aða. Á mánudaginn var keyrði þó
um þverbak, og telja margir að
atburðir dagsins geti haft varan-
leg áhrif á íþróttina eins og við
þekkjum hana.
Snemma dags kvisuðust út frétt-
ir þess efnis að nýir eigendur væru
í þann mund að festa kaup á hinu
fornfræga félagi Manchester City,
í annað sinn á rúmlega tveimur
árum. Samningurinn hefur ekki
verið formlega handsalaður enn,
en allt bendir til þess að innan
fárra vikna verði Man. City í eigu
fjárfestingarfélagsins Abu Dhabi
United Group (ADUG). Dr.
Sulaiman Al-Fahim, forsvars-
maður ADUG, beið ekki boðanna
heldur hófst handa við að spreða
djarfmannlegum yfirlýsingum og
kauptilboðum í stórstjörnuleik-
menn út um hvippinn og hvapp-
inn.
Stærsta knattspyrnulið heims
Al-Fahim gaf út þá yfirlýsingu á
mánudaginn að Manchester City
yrði innan skamms tíma stærsta
knattspyrnufélag í heimi, stærra
en bæði Real Madrid og Manchest-
er United. Einnig lofaði hann
stuðningsmönnum City því að engu
yrði til sparað við að tryggja félag-
inu þjónustu bestu leikmanna
heims, og undirstrikaði þau orð sín
með því að gera kauptilboð í leik-
mennina Dimitar Berbatov hjá
Tottenham, Robinho hjá Real
Madrid, Mario Gomez hjá Stutt-
gart og David Villa hjá Valencia.
Allt eru þetta rándýrir stjörnuleik-
menn, og öll tilboðin voru gerð á
einum og sama deginum. Í ofaná-
lag kunngerði Al-Fahim þau áform
sín að í janúar, þegar félagaskipta-
glugginn verður opnaður að nýju,
hygðist hann bjóða í Ronaldo
(báðar gerðirnar, hinn unga og
stælta leikmann Manchester Unit-
ed og einnig hinn roskna og þybbna
leikmann AC Milan), Fernando
Torres hjá Liverpool, Cesc Fabre-
gas hjá Arsenal og Thierry Henry
hjá Barcelona.
Al-Fahim stærði sig líka af því
að vera mun ríkari en Roman
Abramovich, eigandi Chelsea, en
sú yfirlýsing sem hræddi líftóruna
úr flestum eigendum og aðdáend-
um annarra liða var eftirfarandi:
„Ég er eins og jarðýta. Ef engum
líkar við jarðýtuna þá fer hún af
stað. Jafnvel þótt bílar séu í vegin-
um, þá kremur hún þá. Ef ég fæ
hugmynd, þá get ég ekki stoppað.“
Þótt myndlíkingin um jarðýtuna
sem fer af stað ef engum líkar við
hana sé torskilin er morgunljóst
hverjar fyrirætlanir ADUG með
liðið eru: að byggja upp risaveldi í
Norður-Englandi sem flestum
reynist erfitt að keppa við á jafn-
réttisgrundvelli.
Andlitin á bak við eyrinn
Abu Dhabi er stærst Sameinuðu
arabísku furstadæmanna að flat-
armáli og næstfjölmennast á eftir
Dubai. Konungsfjölskyldan í Abu
Dhabi hefur um nokkurt skeið
unnið eftir áætlun sem miðar að
því að ríkið njóti jafn mikillar vel-
gengi í viðskiptum og ferðamanna-
iðnaði og Dubai, og eru kaupin á
Manchester City talin hluti af
þeim áformum.
Áðurnefndur dr. Sulaiman Al-
Fahim er opinber talsmaður
ADUG-félagsins og lykilmaður í
viðræðunum um kaupin á Man.
City. Hann varð auðugur á fast-
eignaviðskiptum og er eigandi
fyrir tækisins Hydra Properties,
eins helsta risans á fasteigna-
markaðnum í Furstadæmunum.
Al-Fahim leiðist ekki sviðsljósið
og hefur verið kallaður Donald
Trump Abu Dhabi, enda virðist
margt líkt með þeim billjóna-
bræðrum. Báðir komust þeir til
metorða með kaupum og sölum á
fasteignum og sækja mjög í félags-
skap ríka og fræga fólksins. Einn-
ig hefur Al-Fahim komið á fót
raunveruleikasjónvarpsþætti í
heimalandi sínu sem ber nafnið
„Hydra Executives“, en þar fer
Al-Fahid með svipað hlutverk og
Trump gerði í þætti sínum „The
Apprentice,“ þar sem hann dæmdi
verk og gjörðir ungra athafna-
manna. En þótt þarna sé um gríð-
arlega auðugan mann að ræða,
fullyrða BBC og fleiri miðlar að
hann sé fráleitt maðurinn á bak
við kaupin á City, eins og leit út
fyrir í fyrstu.
Sheik Mansour
Aðalmaðurinn ku vera Sheik Man-
sour Bin Zayed Al Nahyan, bróðir
núverandi forseta furstadæm-
anna, Sheik Khalifa bin Zayed Al
Nahyan. Ætt þeirra bræðra er ein
sú auðugasta í heimi, og eru eigur
hennar metnar á litlar 85 þúsund
milljarða króna. Til samanburðar
má nefna að fjárlög íslenska ríkis-
ins á síðasta ári hljóðuðu upp á 367
milljarða. Sterk ítök í olíuverslun
gera það að verkum að í hvert sinn
sem heimsverð á olíutunnu hækk-
ar um einn Bandaríkjadal er talið
að Abu Dhabi græði allt að fimm
hundruð milljónir dollara á dag.
Með hliðsjón af því er ekki ólík-
legt að Roman Abramóvitsj sé
með hjartað í buxunum, enda
munu eigendur „litla liðsins“ í
Manchester hafa um það bil fimm-
tíu sinnum meira fé en Chelsea
upp á að hlaupa þegar kemur að
leikmannakaupum í næsta félaga-
skiptaglugga.
Eiginkona Sheik Mansour er
dóttir forsætisráðherra og hæst-
ráðanda Dubai, Sheik Mohammed
bin Rashid Al-Maktoum. Sá hefur,
í gegnum fjárfestingarfélagið
Dubai International Capital (DIC)
reynt árangurslaust að festa kaup
á nágrannaliði Man. City í Norður-
Englandi, fimmföldum Evrópu-
meisturum Liverpool, í nokkur ár.
Sheik Mansour hefur áður gert
áhuga sinn á innreið inn í heim
íþróttanna ljósan, meðal annars
með formannssetu í hestreiðasam-
bandi Furstadæmanna. Hann er
líka formaður knattspyrnuliðsins
Al-Jazira, sem keppir í knatt-
spyrnudeild Furstadæmanna og
hefur verið iðið við að sanka að
sér efnilegum leikmönnum víðs
vegar að á undanförnum árum.
Ólík viðbrögð aðdáenda
Margvísleg viðbrögð hafa mætt
fréttunum af yfirvofandi yfirtöku
ADUG-félagsins á Manchester
City, enda vart við öðru að búast.
Mörgum City-aðdáendum, sem hafa
þurft að búa við titlaþurrð síðan
1976, líður líklega eins og þeir hafi
unnið fimmtánfaldan lottó pott á
aðfangadagskvöld og sjá fram á
bjartari tíma en þeir þorðu að von-
ast eftir í heitustu draumum sínum.
Einnig telja margir eigendaskiptin
skýrt merki um áframhaldandi
hnignun knattspyrnunnar sem
íþróttar fólksins.
Ljóst er að sá fjáraustur sem
hefur einkennt, og að sumu leyti
stjórnað, ensku knattspyrnunni
síðan úrvalsdeildin var sett á lagg-
irnar árið 1992, og náði hámarki
með kaupum Abramóvitsj á Chel-
sea árið 2003, hefur umbylt íþrótt-
inni varanlega. Nú eru hins vegar
komnir á sjónarsviðið enn auðugri
aðilar sem eiga þess kost að eyða
enn meira fé í nánast hverja þá
leikmenn sem þá lystir. Vart getur
talist á færi næmustu miðla að spá
fyrir um hvernig knattspyrnu-
landslag heimsins mun líta út eftir
fimmtán til tuttugu ár. Verða vin-
sælustu fótboltalið heims vettvang-
ur hinna ofurríku til að metast sín á
milli, eða fá knattspyrnu unnendur
nóg af peningasukkinu og einbeita
sér að grasrótinni, leikmönnum
sem spila með hjartanu frekar en
seðlaveskinu?
Spænska stórveldið Real Madrid
græddi lítið á þeirri stefnu sinni að
spreða í stjörnuleikmenn, að því er
virtist óháð því hvaða hlutverki
þeim var ætlað að gegna í leik liðs-
ins úti á vellinum, annað en egó-
árekstra og stöðugt ósætti innan
liðsins. Stóra spurningin hlýtur því
að vera hvort hinir nýju eigendur
Manchester City dragi lærdóm af
mistökum fyrri tíma. Af yfirlýsing-
um dr. Sulaiman Al-Fahim að dæma
virðast líkurnar á því ekki miklar.
Manchester City United Group?
Á mánudag bárust fréttir um yfirvofandi kaup fjárfestingafélagsins Abu Dhabi United Group á knattspyrnuliðinu Manchester City.
Kjartan Guðmundsson kannaði bakgrunn nýju eigendanna og velti fyrir sér áhrifum þeirra á fótboltann eins og hann leggur sig.
CITY-MENN FAGNA Valeri Bojinov, framherji Manchester City, fagnar marki sínu gegn
AC Milan í æfingaleik í ágúst. Hann meiddist stuttu síðar, en nýir eigendur keyptu
Brasilíumanninn Robinho frá Real Madrid sem staðgengil. Fernando Torres mun vera
næstur á kauplistanum. NORDIC PHOTOS/AFP
BREYTTIR TÍMAR Dr. Sulaiman Al-Fahim ásamt hinum taílenska Pairoj Piempongsant, aðstoðarmanni Thaksin Shinawatra, fyrr-
verandi eiganda Manchester City og fyrrverandi forsætisráðherra Taílands. Ólíklegt er að allir aðdáendur City séu sáttir við að sjá
orðið „United“ aftan á treyju Man. City. NORDIC PHOTOS/AFP
Sigurður Helgason, knattspyrnuþjálfari hjá Gróttu
og einlægur Manchester City-aðdáandi til margra
ára, vissi vart í hvorn fótinn hann átti að stíga
þegar hann heyrði fréttirnar af eigendaskipt-
unum í félaginu á mánudaginn. „Mér líst alveg
svakalega vel á þetta. Það er auðvitað indælt fyrir
Man. City-aðdáendur að sjá skyndilega fram á
að bestu leikmenn í heimi komi til með að spila
með liðinu okkar. Á hinn bóginn veit ég svei mér
ekki hvert knattspyrnan er að fara með þessu.
Það er hreint með ólíkindum hversu miklar fjár-
hæðir eru að skipta um hendur í þessum bransa
í dag, og eiga eftir að aukast enn meira í kjölfarið
á þessum kaupum á Man. City. Chelsea virðist
hafa vegnað ágætlega síðan félagið var keypt af
milljónamæringi. Ég vona bara að okkur gangi
jafn vel eða betur.“
Sigurður hefur séð tvo leiki á heimavelli
Man. City, og segir að nýjustu fréttir geri
hann enn ákveðnari í að fara aftur. „Eitt af því
ánægjulegasta sem kaupin munu væntanlega
hafa í för með sér er að nú munu sérfræðingarnir
sem lýsa fótboltanum á Stöð 2 Sport neyðast til
að afla sér upplýsinga um Man. City. Hingað til
hafa þeir getað malað endalaust um Liverpool,
Arsenal, Chelsea og Manchester United en lítinn
gaum gefið liðinu mínu. Það breytist vonandi
núna,“ segir Sigurður og skellir upp úr.
Lýsendur þurfa að fræðast um liðið
SIGURÐUR HELGASON Hlakkar til að fylgjast með
bestu leikmönnum heims ganga til liðs við Man.City.
FRÉTTABLAÐIÐ/STEFÁN
„Ég finn til með öllum aðdáendum enska bolt-
ans. Öll ástríða virðist vera að hverfa úr þessu,“
segir Gunnleifur Gunnleifsson, markvörður HK
og Man. City-aðdáandi, þegar hann er inntur
eftir áliti sínu á nýjum eigendum félagsins. „Stór
hluti af aðdráttarafli enska boltans hefur verið
sú staðreynd að í gegnum tíðina hefur hann
verið verkamannasport að vissu leyti. Þaðan
koma hörðustu stuðningsmennirnir, sál íþróttar-
innar. Þegar peningarnir koma inn í þetta af
þessum krafti er hætta á að sá stuðningur dvíni,
og það er hið versta mál. Abramóvitsj var upp-
hafsmaður þessarar þróunar þegar hann keypti
Chelsea, og þetta á bara eftir að fara versnandi.“
Gunnleifur segist ekki ætla að hætta stuðn-
ingi sínum við Man. City vegna eigendaskipt-
anna, en hann verði þó varla eins einlægur
stuðningsmaður og áður. „Ég lít öfundaraugum
til stuðningsmanna annarra liða, til dæmis
Liverpool. Það hefði mér ekki dottið í hug að
gera fyrir nokkrum árum þegar billjónamæringar
keyptu félagið, en Liverpool virðist núna vera
paradís miðað við það sem er í gangi hjá Man.
City,“ segir Gunnleifur, greinlega allt annað en
ánægður með þróun mála í Manchester.
Öll ástríða að hverfa úr boltanum
GUNNLEIFUR GUNNLEIFSSON Er ekki sáttur við
kaup Al-Fahim á Manchester City. FRÉTTABLAÐIÐ/E.ÓL.