Fréttablaðið - 06.09.2008, Blaðsíða 28

28 6. september 2008 LAUGARDAGUR
Hafið þið hist áður og hvað vitið
þið hvort um annað?
Atli Heimir og Bíbí: Við höfum
ekki hist áður.
Bíbí: Ég fór á netið í gær og sá að
þú hafðir lært elektróníska tón-
list í Þýskalandi á sjöunda ára-
tugnum. Það fannst mér töff.
Atli: Já, þá var elektróníkin varla
til en menn voru að byrja að tölvu-
væða tónlist.
Bíbí: Þetta hefur verið framúr-
stefna á þeim tíma, það þótti mér
áhugavert.
En Atli fylgist þú með rokktónlist,
þekkir þú til dæmis Singapore
Sling, hljómsveit Bíbíar?
Nei, ég myndi ekki þekkja hana
ef ég heyrði í henni, ég hlusta
voða lítið á útvarp.
Konur sniðgengnar
Ljósmæður hófu verkfall í vikunni
og kjarabarátta þeirra hefur verið
mikið í umræðunni, hvað finnst
ykkur um kröfur þeirra?
Bíbí: Mér þykir alveg rétt að ljós-
mæður fái borgað í samræmi við
menntun og fái sömu kjarabætur
og aðrir hafa fengið þannig að ég
styð þeirra kröfur. Það er spurn-
ing hvort þær hafi verið snið-
gengnar því í þeirra stétt eru ein-
göngu konur.
Atli Heimir: Það er alveg rétt að
það er mjög lífseigt að borga
konum lægri laun en körlum og
stétt eins og kennarastéttin er
dæmi um það. Áður voru karl-
menn í stéttinni og þá voru launin
ágæt en um leið og það breyttist
varð hún láglaunastétt. Þegar ég
var að alast upp þá lifðu menn
sómasamlega á kennaralaunum.
Bíbí: Það væri ekki hægt að fram-
fleyta fjölskyldu á einum kenn-
aralaunum í dag.
Atli Heimir: Það er nú á svo mörg-
um sviðum í dag að ein fyrirvinna
dugar ekki. Svo er ekki víst að
fólk vilji það. Ég held ég fari með
rétt mál að konur hafi sóst eftir
því að fara burt úr eldhúsinu og
inn á vinnumarkaðinn.
Vondir arkitektar á Íslandi
Við sitjum hér á kaffihúsi við
Laugaveginn. Hvort viljið þið
varðveita eða breyta honum?
Bíbí: Mér þykir verðmætt að
halda upp á gömul hús og öllu sé
ekki sópað burt og byggð gler-
hýsi. Og mér þykir sorglegt
hvernig hús sem eru á svörtum
lista hafa verið látin grotna
niður.
Atli Heimir: Stefnan hér virðist
aðallega hafa verið að rífast um
eitthvað. En annaðhvort höldum
við því gamla eða við hendum öllu
helvítið draslinu burt, annað er
smábútasaumur.
Bíbí: Mér finnst að það eigi að
varðveita einhver hús.
Atli Heimir: Nú, þá ertu sammála
þeim sem ég vil kalla fúaspýtu-
liðið.
Bíbí: Ég er bara ósammála þeim
arkitektúr sem er við lýði á
Íslandi sem er að hafa allt grátt
og ömurlegt.
Atli Heimir: Já, við eigum vonda
arkitekta, við erum sammála um
það.
En nýju hverfin á höfuðborgar-
svæðinu, hvað finnst ykkur um
þau?
Atli Heimir: Mér finnst þau vera
leiðinleg og ljót eins og amerísk
úthverfi.
Bíbí: Mér finnst þau vera eins og
vísindaskáldsaga þar sem allir
eru að deyja úr leiðindum.
Allir heimta álver
Finnst ykkur rétt að halda áfram
rannsóknum fyrir álver á Bakka
eins og Össur Skarphéðinsson iðn-
aðarráðherra hefur lagt til?
Atli Heimir: Er þetta ekki bara
rannsóknarvinna sem hann lagði
til?
Bíbí: Mér finnst persónulega
alveg komið nóg af álverum á
Íslandi. Hér á landi væri hægt að
byggja upp annars konar iðnað,
til dæmis styrkja ferðamanna-
iðnað, sem myndi á endanum
færa okkur meiri pening. Og svo
verða að gilda strangari reglur
um umhverfismat.
Atli Heimir; Já, ég held að það sé
rétt. Ég er mjög sátt við umhverfis-
ráðherra, hana Þórunni [Svein-
bjarnardóttur]. Ég held að
umhverfismat verði aldrei of
strangt eða mikið, ég held að við
höfum hingað til verið nokkuð
kærulaus í því. Ég held líka að við
eigum ekki að einblína á álið.
Hvort ferðamenn séu lausnin veit
ég ekki, það er líka mengun af
þeim. Og svo megum við ekki
gleyma að hver einasti smáhrepp-
ur á landinu heimtar álver, alveg
sama í hvaða flokki menn eru.
Hvar er þessi kreppa
Efnahagsmálin hafa verið mikið í
umræðunni, hvað segið þið um
krepputalið?
Atli Heimir: Eftir hagtölum að
dæma virðist hafa verið hér vel-
megun, góðæri.
Bíbí: En góðærið var tekið að láni,
þetta var gervigóðæri.
Atli Heimir: En enn sem komið er
ekki ekkert atvinnuleysi og ríkis-
sjóður skuldar ekki neitt. Fyrir
nokkrum dögum var sagt að það
væri komnir 500 milljarðar í
gjaldeyrisvarasjóð. Og kreppan,
ég get ekki séð annað en að menn
haldi áfram að fara í frí til Spán-
ar. Hvar er þessi mikla kreppa?
Bíbí: Hjá fólkinu í landinu.
Atli Heimir: Sum heimilin skulda
önnur ekki.
Bíbí: Mjög mörg heimili skulda.
Bankarnir buðu öllum lán og svo
hrynur markaðurinn. Ég held að
það hafi verið mjög margir sem
hafa vitað að það myndi gerast.
Atli Heimir: En fólk tók lán sjálf-
viljugt og ég held að hver og einn
verði að sýna dálitla ráðdeild. Í
hinni góðu Evrópu nurla allir,
leggja tíu og tuttugu prósent af
sínum launum til hliðar.
Bíbí: Ég kannast líka við það frá
Evrópu að fólk geti byggt sér hús
og greitt það upp áður en það
deyr. Það er ekki séns á Íslandi.
Atli Heimir: Ég skrifaði einu sinni
um pólitík, það var grein um
nauðsyn þess að ríkið borgaði upp
skuldir sínar. Þá fór meiri pening-
ur í vexti og afborganir af lánum
en í skólakerfið. Greinin vakti
athygli. Svo var ég eitt sinn í
verksmiðju, þar var illa launað
verkafólk, útslitið fyrir aldur
fram, og var að segja frá þessu.
Þá stóð upp gamall þreyttur
verkamaður og spurði - er hægt
að borga upp skuldirnar? Fólk
hélt að það væri ekki hægt.
Bíbí: Af því að reynsla verka-
mannsins er sú að að það er ekki
hægt að borga upp skuldirnar.
Lottóið til bjargar lánum
Atli Heimir: Þetta voru afskipti
mín af efnahagsmálum, hvernig
finnst þér þau?
Bíbí: Mér finnst þau mjög fín, ég
hef bara tekið lán, það voru mín
afskipti af efnahagsmálum.
Atli Heimir: Hefurðu hugsað þér
að borga þau upp?
Bíbí: Jú, hef leitt hugann að því,
ég er til dæmis alltaf að spila í
lottóinu.
Atli Heimir: Nei, nei, þarna kemur
Íslendingurinn upp í þér. Þarna
komst upp um þig. Ekki spila í
lottóinu, veistu hvað þú átt að
gera, þú átt að spara og nurla.
Bíbí: Ég var einmitt að skrá mig á
sparnað.is.
Atli Heimir: Þú átt að spara.
Þegar ég nefni spara þá farið þið
að skellihlæja.
[Hér beinir Atli Heimir orðum
sínum til viðmælanda, blaða-
manns og ljósmyndara, sem vita
kannski upp á sig skömmina?]
Atli Heimir: En ekki hugsa um
lottóið. Það á að nurla og spara og
svo er svo gaman að neita sér um
eitthvað. Í Þýskalandi fóru félag-
arnir út með 10 mörk og ætluðu
að skemmta sér. Svo þegar pen-
ingarnir voru búnir þá fóru menn
heim. Þetta þótti nú Íslendingum
aumingjaleg afstaða en svona
voru þeir nú vel upp aldir og
hlýðnir Þjóðverjarnir. En veistu,
ef þú leggur kortinu og tekur út
pening einu sinni í viku þá sparar
þú fimm prósent.
Bíbí: Ég er hlynnt því, ég vil
banna bönkunum að græða á
mér.
Atli Heimir: Það á ekki að banna
neitt, ertu gamall kommi, ertu
kannski austantjaldskommi? Ertu
á Svandísarlínunni? Þú átt bara
ekki að skipta við þessa andskota,
ég skipti sem allra minnst við hel-
vítin. Einhver ráðlagði mér að
taka út pening einu sinni í viku og
hafa hann undir koddanum.
Bíbí: Fyrir utan að þú gerir þér
meiri grein fyrir því sem þú ert
að eyða.
Atli Heimir: Einmitt.
Bíbí: Sko, við erum sammála um
svo margt og þú kallar mig
komma.
Á RÖKSTÓLUM
Það á ekki að banna neitt, ertu
gamall kommi, ertu kannski
austantjaldskommi?
Ekki skipta við
þessa andskota
Atli Heimir Sveinsson tónskáld gefur Bíbí Ás-
geirsdóttur, bassaleikara Singapore Sling, góð ráð
um ráðdeild og sparnað á rökstólum vikunnar.
Þau hafa bæði haft afskipti af efnahagsmálum,
frétti Sigríður Björg Tómasdóttir á fundi þeirra.
TÓNLISTARMENN Á TRÖPPUM VIÐ LAUGAVEG „Ég er ósammála þeim arkitektúr á Íslandi að hafa allt grátt og ömurlegt,“ segir Bíbí
sem vill varðveita gömul hús við Laugaveginn. Við eigum vonda arkitekta, við getum verið sammála um það,“ segir Atli Heimir.
MYND/VALLI
➜ VISSIR ÞÚ
■ að Atli Heimir verður sjötugur
21. september næstkomandi?
■ að af því tilefni verður leikhús-
tónlist hans flutt á heiðursdag-
skrá í Þjóðleikhúsinu?
■ að hann stúderaði á Íslandi,
Þýskalandi og í Hollandi?
■ að að hann á tvo syni?
■ að Bíbí var skírð Ester í höfuðið
á ömmu sinni sem líka var
kölluð Bíbí?
■ að hún starfar sem hljóðmaður?
■ að hún lærði á Írlandi?
■ að hún á þrjá syni?