Fréttablaðið - 06.09.2008, Blaðsíða 43

heimili&hönnun ●
Flestir þekkja og kunna að meta þau þægindi sem fylgja því að
geta opnað bíldyr með því einu að þrýsta á hnapp. Hvers vegna
ætti það sama ekki að gilda um útidyr heimilisins eða skrifstofunnar?
Fjarstýrðu Locca dyralæsingarnar eru ótrúlega auðveldar í uppsetningu
og einfaldar í notkun. Hægt er að fella þær að flestum læsingum
sem fyrir eru, t.d. ASSA, án sérstakra breytinga. Hverri
læsingu geta fylgt margir lyklar, en það hentar vel í fjölbýli,
verslunum og í skrifstofuhús- næði. Enga sérþekkingu þarf til
að setja búnaðinn upp og henni fylgir engin flókin forritun.
Skútuvogi 1c 104 Reykjavík Sími 550 8500 Fax 550 8510 www.vv.is
af hverju ekki á heimilið líka?
Fjarstýrð læsing á bílinn,
Verð frá 14.940 kr. settið
Locca_210x275 med verdi.ai 8/18/08 1:57:01 PM
Í LAGINU EINS OG BÚSTIN BABÚSKA Babushka-borðlampinn er nýjasta afurð Mathmos.
Edward Craven-Walker fann upp Lava-lampann í kringum 1960 og til eru nokkrar útgáfur af
honum sem Mathmos framleiðir. Í Babushka er notað handblásið gler en að formi til er innblást-
ur sóttur í rússnesku trédúkkurnar sem margir þekkja þar sem hver dúkkan er inni í annarri.
Lampinn skiptir litum og er hann ýmist blár, fjólublár, purpurarauður, blárauður og rauður og
til að kveikja og slökkva er þrýst létt ofan á hann. Lampinn er væntanlegur í verslun Ormsson í
Smáralind síðar í þessum mánuði og mun eflaust slá í gegn hjá ungum sem öldnum.
Í slenskir blómaskreytar gerðu garðinn frægan á erlendri grund
í sumar er þetta útilistaverk úr
blómum vann til verðlauna í Dan-
mörku. Hönnuðir þess eru Berglind
Erlingsdóttir sem starfar í Blómavali á
Selfossi og Jón Þröstur Ólafsson sem
starfar í Blómavali í Skútuvogi.
Hráefnið höfðu þau með sér að
heiman að hluta til, gömul vagn-
hjól, hraun og mosa sem síðan var
lífgað upp á með litríkum nellikum
og margarítum.
Það var almenningur sem valdi
þessa skreytingu úr mörgum á
meðan á keppni blómaskreyta stóð.
Eftirlæti Dana í
blómakeppni
Danir heilluðust af íslenska listaverkinu.
Þar hafa margaríturnar eflaust haft sitt
að segja því þær eru þjóðarblóm þeirra.
Þ ó svo oft sé ástæða til að losa sig við gömul og úr sér gengin
húsgögn má gæta sín á að henda
ekki gömlum gersemum. Víða
leynist klassísk hönnun í híbýlum
manna þar sem gamlir hlutir ganga í
endurnýjun lífdaga. Svokölluð retro-
húsgögn hafa verið afar vinsæl og
kalla fram skemmtilegar minningar.
Þau einkennast af hreinum línum
og tóna því vel við ýmiss konar nú-
tímahönnun. Með hverju árinu sem
líður færast þessi húsgögn í þá átt að
verða antík og hafa því líka söfnunar-
og varðveislugildi. Húsgögnin má oft
nálgast í Góða hirðinum, Kolaportinu
og víðar.
Gamlar gersemar
Gamlir hlutir eru síður en svo eingöngu
fyrir gamalt fólk. NORDICPHOTOS/GETTY
LAUGARDAGUR 6. SEPTEMBER 2008 13