Fréttablaðið - 02.10.2008, Síða 16

16 2. október 2008 FIMMTUDAGUR
nær og fjær
„ORÐRÉTT“
■ Íslensk mold
hefur öll orðið
til á undanförn-
um 9.000-
10.000 árum.
Mold köllum við
brúna og frjósamasta hluta jarð-
vegarins, en jarðvegur er í raun
öll laus jarðlög sem gróður getur
fest rætur í. Íslenska moldin er úr
þremur aðalþáttum (1) Áfoki, (2)
leifum jurta og dýra og (3) efnum
sem vatn leysir úr berggrunninum
og jarðvegskornunum. Mest er
um áfokið en minnst er af efnun-
um úr berggrunninum og jarð-
vegskornunum. Mold er að finna
í móajarðvegi og í mýrarjarðvegi
og er þar að finna gróðursælustu
svæði landsins.
NÁTTÚRAN:
ÍSLENSKA MOLDIN
„Af mér er mjög fínt að frétta. Ég var fyrir stuttu
að ljúka við blað sem skrifað var fyrir Götusmiðj-
una sem kemur út á næstunni. Í því eru viðtöl
við Pál Óskar og Jóhannes í Bónus og fullt af
öðru áhugaverðu efni,“ segir Jakobína Davíðs-
dóttir, blaðamaður og leiðsögumaður.
„Í sumar var ég að „gæda“ á fullu en
sú törn er búin í bili fyrir utan að ég
á eftir fjögurra daga hvataferð með
sextíu unga Spánverja sem eiga það
sameiginlegt að koma að markaðs-
málum orkudrykkjarins Burn og hafa
haft mestar áhyggjur af því að geta ekki
djammað nóg í ferðinni,“ segir Jakobína
sem býst við miklu stuði í ferðinni með
Spánverjunum ungu.
„Svo er ég náttúrlega að
velta því fyrir mér eins og
aðrir hvað sé eiginlega
að gerast í þessu landi. Það fer hrollur um mig
þegar ég heyri fréttir og mér líst ekkert á hvert
þetta stefnir. Ekki getur maður losnað svo glatt
undan þessu með því að ferðast þar sem gjald-
miðlar eru orðnir svo rosalega dýrir. Ég hugsa
stundum um það að fyrir um það bil fjórum
árum tók ég viðtal við forstjóra stoðtækja-
framleiðandans Össurar sem var þá farinn
að viðra hugmyndir sínar um að gera upp
í evrum eða jafnvel farinn að gera upp í
þeim gjaldmiðli þar sem honum þóttu
teikn á lofti um krónuna of uggvænleg.
Umræðan var farin af stað og ég skil ekki
hvers vegna ekki var brugðist við henni þá.
Ég leyfi mér samt að dreyma um að setj-
ast að á Taílandi og opna þar bar við
ströndina og ganga um berfætt í
sandinum laus undan áhyggjum af
gjaldmiðlum og atvinnuástandi.“
HVAÐ ER AÐ FRÉTTA? JAKOBÍNA DAVÍÐSDÓTTIR, BLAÐA- OG LEIÐSÖGUMAÐUR
Götusmiðjan og spænskir stuðboltar
Skiljanlega, kannski?
„Erlendir lántakendur líta
á íslenska ríkið og íslensku
bankana sem eina heild.“
PÉTUR BLÖNDAL, FORMAÐUR EFNA-
HAGS- OG SKATTANEFNDAR, UM AÐ
ÍSLENSKA RÍKIÐ HAFI NÝLEGA TEKIÐ
ERLENT LÁN MEÐ ÞEIM AFLEIÐING-
UM AÐ GLITNIR MISSTI AF LÁNI FRÁ
ERLENDA BANKANUM.
Fréttablaðið, 1. október
Bjartsýnin blívur
„Við erum ekki búin að fá
erindið afgreitt en setjum
stefnuna á að komast af stað
með uppbygginguna á næsta
ári og að þetta fari allt upp í
einu lagi.“
HANNA G. BENEDIKTSDÓTTIR
FJÁRMÁLASTJÓRI ÆTLAR AÐ REISA
SJÖ HÆÐA HÓTEL VIÐ LAUGAVEG Í
TÍÐ NÚVERANDI MEIRIHLUTA.
Fréttablaðið, 1. október
„Þetta byrjaði svona almennt í
haust en síðan hefur mikið gengið
á og núna er þetta orðið meira
markvisst af því að það eru allir
með þetta bölsýnistal,“ segir séra
Þórhallur Heimisson, prestur í
Hafnarfjarðarkirkju, um kyrrð-
arstundir sem haldnar eru í kirkj-
unni klukkan átta á miðvikudags-
morgnum.
Þórhallur segir messurnar vera
ágætar til að vega upp á móti
svartsýnistali í þjóðfélaginu í dag
og lyfta andanum. „Ég tek fyrir
þætti eins og hvernig menn geti
aukið jákvæðni, bjartsýni, and-
legan styrk og látið sér líða betur
í samfélagi við aðra,“ segir Þór-
hallur.
Hann segir þema þessara mið-
vikudagsmessna vera tíu leiðir til
að lifa lífinu lifandi. „Við tökum
fyrir eitt þema í hverri messu. Í
gærmorgun var hugleiðing um
hvernig við getum styrkt okkur
andlega. Í síðustu viku fjölluðum
við um bjartsýni og svo var ein
stund um hláturinn, hvernig hann
getur hjálpað okkur. Þetta er allt
út af þessu sama, að lifa lífinu lif-
andi og síðan er messan umgjörð-
in um kring.“
Sérstakt messuform er viðhaft
á miðvikudagsmessunum en það
kallast gregorísk messa. „Þetta
er gamalt klassískt messuform.
Það er ekki leikið á hljóðfæri
heldur er bara sungið og við erum
með sönghóp sem heitir Lux aet-
erna sem fer fyrir söngnum.
Þannig að við erum að skapa kósí
stund fyrir fólk í morgunsárið.“
- ovd
Gregorískar messur á miðvikudagsmorgnum í Hafnarfjarðarkirkju:
Messað gegn bölsýnistali
SÉRA ÞÓRHALLUR HEIMISSON
Landssöfnun
4. október 2008
Tinna Gunnlaugsdóttir þjóðleikhús-
stjóri er umvafin drama og draum-
kenndum heimi í starfi sínu og á því
ekki langt að sækja líkingarmálið
þegar hún er spurð um efnahags-
ástandið.
„Fyrir utan hina beinhörðu og
harkalegu dramatík síðustu daga,
krónupening sem fellur hraðar en
laufið af trjánum og skuldasúpu
sem vellur upp úr öllum pottum, fer
ekki hjá því að atburðarásin minni
meira á leikhús en nokkuð annað.
Blóðbaðið á Smíðaverkstæði Þjóð-
leikhússins þessa dagana, þar sem
Macbeth og lafðin brugga gestum
sínum lævís banaráð, er ótrúlega
nærtæk samlíking, að minnsta kosti
ef atburðarásin á bak við tjöldin er
eitthvað nálægt því sem menn geta
sér til um.“
SJÓNARHÓLL
ÁSTANDIÐ Á FJÁRMÁLAMARKAÐI
Minnir helst á Blóðbaðið
TINNA GUNNLAUGSDÓTTIR
Þjóðleikhússtjóri.