Fréttablaðið - 01.11.2008, Síða 2

2 1. nóvember 2008 LAUGARDAGUR
TRYGGINGAMÁL Bílar sem hafa eyði-
lagst í eldi á undanförnum mánuð-
um eru nýrri og mun dýrari en verið
hefur í sambærilegum málum á síð-
ustu árum. Allt að níu milljóna
króna lúxusbílar hafa orðið eldi að
bráð. Þá er uppi grunur um svið-
setta árekstra og eru slík mál til
rannsóknar hjá lögreglu.
Þetta kom fram í viðtölum Frétta-
blaðsins við yfirmenn tjónadeilda
tryggingafélaganna Sjóvár
Almennra, VÍS og Tryggingamið-
stöðvarinnar.
Að undanförnu hefur borið á að
kviknað hafi í bílum þar sem þeir
hafa staðið í bílastæði. Síðast í fyrri-
nótt brann nýlega innflutturMer-
cedes Benz til kaldra kola þar sem
hann var í stæði í Reykjavík.
„Það sem einkennir þetta ár er að
eðli bílbrunanna er öðru vísi,“ segir
Jóhann Jóhannsson, deildarstjóri
tjónadeildar VÍS. „Það gerist alltaf
öðru hvoru að það kviknar í öku-
tækjum sem eru á ferð. Stundum er
það af eðlilegum orsökum. En það
er almennt talið óeðlilegt þegar
kviknar í bílum sem standa í bíla-
stæði. Það sem er einnig einkenn-
andi fyrir þróunina á þessu ári er að
það eru miklu dýrari bílar sem
brenna núna. Í einhverjum tilvikum
erum við að tala um hreina lúxus-
bíla, upp á allt að átta til níu milljón-
ir króna. Fjöldi þessara tjóna hefur
aukist milli ára og við erum einnig
að tala um breytt munstur í þessum
bílabrunum, sem við sáum ekki
fyrir stuttu síðan. Bótagreiðslur
eru töluvert hærri heldur en verið
hefur.“
Jóhann segir að heildarfjöldi
brunatjónanna á þessu ári sé kom-
inn á þriðja tuginn hjá VÍS.
„Þessi mál eru að sjálfsögðu allt
of mörg,“ segir Róbert Bjarnason,
forstöðumaður ökutækjatjóna hjá
Sjóvá Almennum. „Hátt hlutfall
mála þar sem orsakir eru ókunnar
gefur til kynna að hugsanlega megi
rannsaka þau mál betur hvað eld-
supptök varðar. Vissulega eru í
þeim flokki mál þar sem grunur
leikur á íkveikju, en rannsókn lög-
reglu hefur þá ekki leitt það í ljós
með óyggjandi hætti að svo sé.
Sönnunarstaða í þessum málum er
oftast mjög erfið. Ef grunur leikur
á tryggingasvikum þá er málum
vísað til frekari rannsóknar hjá lög-
reglu og þeim fylgt eftir af fullum
þunga af okkar hálfu.“
jss@frettabladid.is
0
5
10
15
20
25
30
TILKYNNT TJÓN VEGNA BRUNA
Tölur frá Tryggingamiðstöðinni
´00 ´01 ´02 ´03 ´04 ´05 ´06 ´07 ´08
8
4 4
7 6
16
13
21
25
HEIMILD: TRYGGINGAMIÐSTÖÐIN
STÓRI BRUNINN Stóri bílabruninn í Vogum á Vatnsleysuströnd í fyrra hleypti tölunni
á bílbrunatjónum upp um átta stykki á því ári hjá viðkomandi tryggingafélagi sem
var Sjóvá Almennar. Þar var um íkveikju að ræða.
Milljóna lúxusbílar
verða eldi að bráð
Munstrið í bílabrunum hefur breyst á undanförnum mánuðum. Nýrri og dýr-
ari lúxusbílar verða nú eldi að bráð þar sem þeir standa mannlausir í stæðum.
Tryggingafélögin hafa hafið rannsókn á meintum sviðsettum árekstrum.
Júlíus, er verið að berja ykkur
til róbóta?
„Já, já, og sigla okkur í kaf.“
Júlíus B. Benediktsson er framkvæmda-
stjóri Hafmyndar, sem hannar og fram-
leiðir sjálfstýrða kafbáta til rannsókna og
sprengjuleitar. Fyrirtækið er á vonarvöl
vegna efnahagsástandsins.
BANDARÍKIN, AP Á síðustu dögunum
fyrir kosningarnar vestra leggur
John McCain, forsetaframbjóð-
andi repúblikana, alla áherslu á að
vinna atkvæði í Ohio, sem er eitt
af lykil-barátturíkjunum þar sem
hann verður að hafa betur en
keppinauturinn úr herbúðum
demókrata, Barack Obama, ef
hann vill eiga möguleika á sigri í
Bandaríkjunum í heild.
Á kosningafundi þar í gær sagð-
ist McCain kunna vel við sig í
hlutverki þess sem álitinn er eiga
á brattann að sækja, en skoðana-
kannanir hafa sýnt Obama með
nokkurt forskot í Ohio að undan-
förnu.
Obama hefur aukið forskot sitt í
könnunum með því að minna
linnulaust á tengsl McCains og
stefnu hans við hinn óvinsæla frá-
farandi forseta, repúblikanann
George W. Bush, og stefnu hans
sem flestir Bandaríkjamenn álíta
eiga talsverðan hluta af sökinni á
efnahagskreppunni sem skollin er
á.
Í nýrri könnun AP og Yahoo
mælist fylgi Obama 51 prósent
meðal líklegra kjósenda í Banda-
ríkjunum öllum, en McCains 43
prósent. Samkvæmt könnuninni
eiga þó 14 prósent mjög erfitt með
að ákveða sig eða telja mögulegt
að þeim snúist hugur um hvaða
frambjóðanda þeir styðji þegar í
kjörklefann er komið. - aa
Forseta- og þingkosningar fara fram í Bandaríkjunum eftir helgina:
Á brattann að sækja hjá McCain
Í HAM John McCain og eiginkona hans Cindy heilsa stuðningsfólki á kosningafundi í
Hanoverton í Ohio í gær. FRÉTTABLAÐIÐ/AP
VERSLUN „ÁTVR hefur lækkað
álagninguna á Gullfoss bjórinn um
sjö prósent og við höfum ákveðið
að setja þá lækkun beint út í
verðlagið, í stað þess að mismunur-
inn verði eftir hjá okkur,“ segir
Heimir Hermannsson, fram-
kvæmdastjóri Ölgerðar Reykjavík-
ur sem framleiðir Gullfoss bjór.
Ástæðan fyrir lækkun álagning-
ar ÁTVR er sú að Gullfoss hefur nú
bæst í hóp kjarnabjóra, sem þýðir
að hann er fáanlegur til kaups í
fleiri búðum en verið hefur. - kg
Lækkun á einni bjórtegund:
Gullfoss lækkar
um sjö prósent
LÖGREGLUMÁL Tveir bílar brunnu
til kaldra kola á bílastæði við
Leifsgötu í Reykjavík í fyrrinótt.
Lögregla handtók karlmann
grunaðan um verknaðinn og
yfirheyrði.
Slökkviliðið var kallað út vegna
brunans á fjórða tímanum og
slökkti eldinn. Litlu mátti muna
að eldurinn bærist í nálægt hús
sem farið var að hitna.
Bílunum var þétt lagt og er
talið að kveikt hafi verið í öðrum
bílnum og eldurinn þaðan borist
yfir í hinn. Annar bíllinn er
nýlegur Suzuki og hinn gamall
Mercedes Benz. Lögregla
rannsakar málið frekar. - sh
Meintur brennuvargur tekinn:
Tveir bílar urðu
eldi að bráð
EFNAHAGSMÁL Rannsókn sem
hagfræðingurinn Gauti B.
Eggertsson gerði fyrir Alþjóða-
gjaldeyrissjóðinn árið 2003 var
notuð til grundvallar stýrivaxta-
lækkun í Bandaríkjunum. Þetta
kemur fram í bandaríska við-
skiptatímaritinu Forbes í gær.
Bandaríski seðlabankastjórinn
Ben Bernanke lækkaði stýrivexti
niður í eitt prósent í fyrradag.
Rannsókn Gauta, sem nú starfar
við seðlabanka New York-ríkis,
ber yfirskriftina „Hvernig hægt
er að verjast verðhjöðnun í
lausafjárþurrð“ (How to Fight
Deflation in a Liquidity Trap).
Rannsóknin fjallaði um Japan, en
nú þykir hún eiga mjög vel við
ríkjandi aðstæður vestanhafs. - aa
Áhrifarík rannsókn Íslendings:
Sögð grundvöll-
ur vaxtalækk-
unar vestra
BRETLAND Geir H. Haarde
forsætisráðherra varaði Gordon
Brown, breskan kollega sinn, við
alvarlegri stöðu íslenska fjár-
málakerfisins í apríl síðastliðn-
um. Þá mun Mervyn King,
seðlabankastjóri Bretlands, í
apríl hafa beðið starfsmenn sína
að meta hættuna sem steðjaði að
íslenskum bönkum.
Þetta kemur fram á vef breska
blaðsins Telegraph.
Þá er breski seðlabankinn
sagður hafa hafnað beiðni
Íslendinga um stuðning við
krónuna, væntanlega í formi
láns.
Í fréttinni eru bresk yfirvöld
sögð hafa hunsað viðvaranir í
upphafi árs um að íslenskir
bankar stæðu á brauðfótum, sem
hafi leitt til þess að óvissa ríkir
nú um sparifé þúsunda Breta. - sh
Telegraph um Geir Haarde:
Varaði Brown
við strax í apríl
EFNAHAGSMÁL Á fjórða tug atriða eru í samkomulag
ríkisstjórnarinnar og Alþjóðagjaldeyrissjóðsins, um
efnahagsmál.
Fram kemur í tilkynningu frá að í nítjánda lið
samkomulagins er kveðið á um að stýrivextir verði
átján prósent. Eftir því sem Fréttablaðið kemst næst
er sá liður eitthvað nálægt miðju röð aðrgerðarliða.
Þar er meðal annars kveðið á um aðgerðir í
peningamálum, ríkisfjármálum og um endurreisn
bankakerfisins. Stjórnvöld vilja ekki veita neinar
upplýsingar um væntanlegar aðgerðir á grundvelli
samkomulagsins. Þau bera við trúnaði við stjórn
Alþjóðagjaldeyrissjóðsins. Tilkynnt hefur verið um
ríflega tveggja milljarða Bandaríkjadala lán frá
sjóðnum, eða sem nemur um 240 milljörðum króna.
Fram kom í fréttum RÚV að vextir af láninu verði
4,99 prósent, sem minnki eftir því sem greitt verður
af láninu.
Samkvæmt heimildum Fréttablaðsins eru undir-
skriftir fjármálaráðherra og Seðlabankastjóra á
drögum til samkomulags, fyrir hönd Íslands.
Utanríkisráðherra hefur rætt um „þríhliða sam-
komulag“. Hermt er að stjórn Alþjóðagjaldeyrissjóðs-
ins fari yfir samningsdrögin 5. nóvember. - ikh
Drög að samkomulagi ríkisins og Seðlabankans við Alþjóðagjaldeyrissjóðinn:
Skilyrðin eru á fjórða tuginn
SAMKOMULAGIÐ KYNNT Ásmundur Stefánssona, Paul Thoms-
en, formaður sendinefndar Alþjóðagjaldeyrissjóðsins og Petya
Brooks greindu frá samkomulaginu við IMF.
Tveir á slysadeild
Tveir voru fluttir á slysadeild í gær-
kvöldi eftir umferðarslys á Sæbraut,
þegar vörubifreið og fólksbifreið lentu
saman. Að sögn slökkviliðsins meidd-
ist enginn alvarlega.
LÖGREGLUMÁL
EFNAHAGSMÁL Undirbúningi nýs
álvers á Bakka við Húsavík hefur
verið frestað.
Rannsóknarboranir á Þeista-
reykjum og í Kröflu sem hefjast
áttu á næsta ári og kosta áttu um
fjóra milljarða eru ekki lengur á
dagskrá. Þá verður viljayfirlýs-
ing Landsvirkjunar og Alcoa um
jarðvarmavirkjunina sem knýja
átti fyrirhugað álver á Bakka á
Húsavík, ekki endurnýjuð um
mánaðamót.
Ástæðan fyrir því að áformin
hafa verið slegin út af borðinu er
óvissuástand á fjármálamörkuð-
um. Í tilkynningu fyrirtækjanna
segir þó að þau muni engu að
síður hafa náið samband og
samráð með það að leiðarljósi að
halda verkefninu áfram þegar
aðstæður leyfa. - kdk
Óvissa um efnahagsmál:
Álveri á Bakka
verður frestað
SPURNING DAGSINS