Fréttablaðið - 01.11.2008, Síða 63

LAUGARDAGUR 1. nóvember 2008 47
Sýningin Ísland:Film 1904-2008
opnar á Norðurbryggju í
Kaupmannahöfn í dag og af því
tilefni munu fjórir íslenskir
kvikmyndagerðarmenn sýna og
fjalla um kvikmyndir sínar á
næstu vikum.
Guðný Halldórsdóttir mun
kynna mynd sína Veðramót,
Friðrik Þór Friðriksson sýnir
Börn náttúrunnar, Baltasar
Kormákur kynnir 101 Reykjavík
og Ágúst Guðmundsson mun
sýna myndina Mávahlátur.
Flökkusýningin ISLAND::
FILM, sem kynnir kvikmynda-
sögu Íslands frá upphafi hennar
árið 1904 fram til dagsins í dag,
mun standa yfir til 25. janúar á
næsta ári.
Íslenskt bíó
í Danmörku
GUÐNÝ HALLDÓRSDÓTTIR Guðný mun
kynna mynd sína Veðramót á Norður-
bryggju í Kaupmannahöfn 4. nóvember.
Dj Loli, einn kynþokkafyllsti
kvenplötusnúður heims, spilar í
Halloween-partíi á Nasa í kvöld.
Logandi grasker, reykur og
grímuklætt fólk verður áberandi
á tónleikunum og má því búast
við óvenjulegri stemningu.
DJ Loli hefur spilað víða um
heim með þeim félögum Tommy
Lee og Dj Ayero, sem spiluðu
einmitt hérlendis í janúar
síðastliðnum. Loli var þegar orðin
ein skærasta stjarna Úkraínu
þegar hún flutti frá heimalandi
sínu til Bandaríkjanna. Hún
settist að í Los Angeles og síðan
þá hefur ferill hennar stefnt upp
á við. Auk þess að þeyta skífum
hefur hún setið fyrir í blöðum á
borð við Maxims og FMH og
hefur verið kölluð kynþokka-
fyllsti plötusnúður heims. Einnig
hefur hún starfað sem kynnir á
sjónvarpsstöðinni MTV og komið
fram í gestahlutverki í sjónvarps-
þáttunum Entourage.
Kynþokka-
full Loli
DJ LOLI Loli, sem þykir einn kynþokka-
fyllsti kvenplötusnúður heims, spilar á
Nasa í kvöld.
Rjóminn úr íslenska sjón-
varps- og kvikmyndaiðn-
aðinum var samankominn
í gærkvöldi á Nasa þegar
tilnefningar til Eddunnar
voru kunngjörðar í skugga
efnahagsfárviðrisins. Brúð-
guminn og Reykjavík-Rot-
terdam leiða tilnefninga-
fjöldann.
Brugðið var út af vananum að þessu
sinni. Jafnan hafa tilnefningar til
Edduverðlaunanna verið tilkynntar
á blaðamannafundi en að þessu
sinni var gripið til þess ráðs að
þjappa hópnum saman og stefna
honum á Nasa á svokallað bransa-
ball. Logi Bergmann Eiðsson og
Þorsteinn Guðmundsson voru kynn-
ar kvöldsins og fóru á kostum í
gamanmáli sínu en stóra stundin
rann upp laust eftir klukkan níu
þegar tilnefningarnar voru kunn-
gjörðar.
Og það hefur væntanlega ekki
komið mörgum á óvart að kvik-
mynd Baltasars Kormáks, Brúð-
guminn, skuli hafa fengið flestar
tilnefningar eða fjórtán alls. Það er
met í sögu Edduverðlaunanna.
Myndin hlaut einróma lof gagnrýn-
enda og frábæra aðsókn í kvik-
myndahúsum borgarinnar. Myndin
hefur tryggt sér að minnsta kosti
ein verðlaun; besti karlleikari í
aukahlutverki. Því þar eru þeir
Jóhann Sigurðarson, Þröstur Leó
Gunnarsson og Ólafur Darri Ólafs-
son allir tilnefndir fyrir leik sinn í
kvikmyndinni.
Aðstandendur Reykjavík-Rotter-
dam geta jafnframt einnig vel við
unað. Myndin fékk tíu tilnefningar;
þar á meðal sem besta myndin,
besti leikstjóri og leikari ársins í
aðalhlutverki. En hana fær einmitt
leikstjóri Brúðgumans, Baltasar
Kormákur og keppir þar við Hilmi
Snæ úr Brúðgumanum og Pétur
Einarsson fyrir Konfektkassann.
Keppnin um bestu leikkonuna
verður án nokkurs vafa hörð en þar
stendur valið milli Margrétar Vil-
hjálmsdóttur fyrir Brúðgumann,
Diddu fyrir Skrapp út og Sólveigar
Arnarsdóttur en hún sker sig örlít-
ið úr hópnum enda tilnefnd fyrir
spennuþáttaröðina Svarta engla.
Þær Ólafía Hrönn og Ilmur Kristj-
ánsdóttir eru síðan báðar tilnefnd-
ar fyrir leik sinn í Brúðgumanum
og etja þar kappi við Hönnu Maríu
Karlsdóttur sem fór á kostum í
Sveitabrúðkaupi Valdísar Óskars-
dóttur og Vesturports.
Spennuþáttaraðir eru síðan áber-
andi í flokknum leikið sjónvarps-
efni ársins. Mannaveiðar, Pressa og
Svartir englar keppa þar við
Íþróttaálfinn úr Latabæ og Dag-
vakt Ragnars Bragasonar. Og þau
Egill Helgason og Eva María Jóns-
dóttir af RÚV keppa síðan við
Jóhannes Kr. Kristjánsson um titil-
inn Sjónvarpsmaður ársins.
freyrgigja@frettabladid.is
Brúðguminn með fjórtán
tilnefningar til Eddunnar
VINSÆLL BRÚÐGUMI Kvikmynd Baltasars Kormáks virðist hafa farið vel ofan í sjón-
varps- og kvikmyndaakademíuna því hún fékk fjórtán tilnefningar til Eddunnar.
MÖGULEIKI Á ÞRENNU Baltasar Kor-
mákur gæti sjálfur átt möguleika á
þrennu: fyrir leik sinn í Reykjavík-Rotter-
dam, sem besti leikstjóri og fyrir handrit
ársins.