Fréttablaðið - 07.11.2008, Blaðsíða 2
2 7. nóvember 2008 FÖSTUDAGUR
Guðjón Ólafsson vaknar á sjúkrahúsi
og hefur misst minnið. Hvað gerðist?
Lenti hann í slysi? Var það slys?
Hvaða ókunni maður kom að
honum og bjargaði lífi hans?
Algleymi er ný skáldsaga eftir
Hermann Stefánsson, einn
fyndnasta og frumlegasta
rithöfund okkar daga.
ÆÐISGENGINN FLÓTTI
OFSÓKNIR OG UPPLJÓSTRANIR
D
Y
N
A
M
O
R
E
Y
K
JA
V
ÍK
Bræðraborgarstíg 9
NEYTENDAMÁL Árið 2007 varð
sprengja í sölu á lúxusjeppum.
Það ár komu 775 nýir lúxusjeppar
uppúr kassanum. Sé meðalverð-
mæti þeirra áætlað í kringum níu
og hálfa milljón króna eyddi þjóð-
in sjö milljörðum íslenskra króna í
lúxusjeppa á einu ári.
Sem dæmi um þessa gríðarlegu
aukningu má nefna að árið 2006
seldust 47 Audi Q7 jeppar en ári
seinna voru 88 nýir Q7-jeppar
seldir. Sama á við um X5-jeppann
frá BMW. Aðeins 50 slíkir jeppar
seldust 2006 en 94 árið 2007.
Langstærsti hluti þessara nýju
lúxus-jeppa í fyrra var hins vegar
nýi Land Cruiserinn. Æðið fyrir
200 gerðinni var nánast lyginni
líkast. Og vakti í raun þjóðarat-
hygli. Enda var upplýst að 170
höfðu keypt jeppann áður en hann
kom til landsins. Í lok árs 2007 og
í byrjun ársins 2008 seldust síðan
208 stykki af Land Cruiser.
Eins og Kúba
Özur Lárusson, framkvæmda-
stjóri Bílgreinasambandsins, er
gáttaður á þeim upphæðum sem
landsmenn hafa eytt í lúxusjeppa.
Hann telur þó að ekki sé hægt að
flokka hinn venjulega Land Cruis-
er sem lúxusjeppa. Til þess upp-
fylli hann ekki skilyrði. Hann
segir hins vegar að þessi fjöldi
lúxusjeppa sé í hæsta máta óeðli-
legur fyrir jafnlítið land og Ísland
er. „Á þessu tímabili hefur verið
gríðarleg sala á bílum og lúxusbíl-
um. Özur bætir því við að hann
telji Íslendinga hafa hagað sér
eins og margmilljóna þjóð í bíla-
kaupum. Fjöldi lúxusjeppa sé í
engu samræmi við fjölda Íslend-
inga.
Özur lýsir jafnframt yfir mikl-
um áhyggjum af þeim sem fjár-
festu í dýrum bílum með erlend-
um lánum. Þeir sitji nú uppi með
jeppana því bílamarkaðurinn sé
frosinn. Einu úrræðin séu því að
flytja bílana úr landi. „En sá gluggi
er að lokast. Stjórnvöld hafa ekki
unnið nógu hratt í þeim málum.“
Özur telur reyndar góðan markað
fyrir notaðar lúxuskerrur erlend-
is. Þetta séu ekki það margar bif-
reiðar og lágt gengi krónunnar
þýði gott verð utan landsteinana.
Hann er þó ekkert alltof bjart-
sýnn. Er hræddur um að Ísland
sitji uppi með stóra og mikla bíla.
Og að bílamenningin gæti því
eftir nokkur ár minnt eilítið á
Kúbu. Þar sem gamlar og virðu-
legar lúxuskerrur eru eitt aðalein-
kenni landsins freyrgigja@frettabladid.is
Keyptu lúxusjeppa
fyrir 32 milljarða
Íslendingar keyptu hátt í átta hundruð lúxusjeppa í fyrra eða fyrir rúmlega
þrjátíu og tvo milljarða. Einsdæmi í heiminum. Land Cruiser vinsælastur. Flest-
ar bifreiðanna eiga eftir að daga uppi í landinu með tilheyrandi mengun.
Þröstur Leó, munt þú leita á
náðir Regnbogabarna?
„Það liggur beint við þegar eineltið
er orðið svona opinbert. Þeir mega
búast við að ég fari með málið fyrir
dómstóla.“
Þröstur Leó Gunnarsson er tilnefndur
til Eddu-verðlauna fyrir leik sinn í Brúð-
gumanum. Í sama flokki eru tilnefndir
samleikarar Þrastar, Jóhann Sigurðarson
og Ólafur Darri Ólafsson, sem segjast
báðir telja að Þröstur eigi verðlaunin ekki
skilið. Samtökin Regnbogabörn berjast
gegn einelti.
200
150
100
50
0
R
ov
er
S
po
r t
R
an
ge
R
ov
er
Po
rc
e
C
A
ud
i Q
7
B
M
W
X
5
M
er
ce
de
z
M
Le
xu
s
R
X
35
0
Le
xu
s
R
X
40
0
La
nd
cr
ui
se
r
31 68 60 28 31 38 69 22 50 36 51 18 0 47 88 35 64 50 94 32 69 71 97 36 52 41 52 21 13 56 58 28 0 0 8 19
8
187 160
155
170
240 273
166
206
155
LÚXUSBÍLAEIGN ÍSLENDINGA
2005
2006
2007
2008
96
2
78
4
63
5
46
8
1000
500
0
Landcruiser (V)
2.849
HEIMILD: UMFERÐASTOFA
BANDARÍKIN, AP Samkynhneigðir
íbúar í Kaliforníu urðu fyrir mikl-
um vonbrigðum þegar ljóst var að
bann við hjónabandi samkyn-
hneigðra hafði verið samþykkt í
kosningunum á þriðjudag.
Meira en 18 þúsund samkyn-
hneigð pör hafa gengið í hjónaband
í Kaliforníu síðan hæstiréttur rík-
isins kvað í maí upp þann úrskurð
að ekkert væri því til fyrirstöðu að
samkynhneigðir séu gefnir saman.
Nokkur óvissa virtist ríkja um
stöðu þessara hjónabanda eftir að
bannið var samþykkt. Fullvíst
þykir að stjórnarskrárbreytingin
verði kærð til hæstaréttar Banda-
ríkjanna í Washington.
Meira en þúsund manns fóru út á
götur í Los Angeles og Hollywood
til að mótmæla banninu, og hundr-
uð manna söfnuðust saman á tröpp-
um ráðhússins í San Fransisco.
Á þriðjudaginn, þegar Banda-
ríkjamenn kusu sér forseta og
þing, var í mörgum ríkjum Banda-
ríkjanna að venju einnig kosið um
ýmis málefni, sem borin voru sér-
staklega undir dóm kjósenda.
Í Kaliforníu var tillaga sam-
þykkt um að breyta stjórnarskrá
ríkisins þannig að hjónaband væri
sérstaklega skilgreint sem sam-
band karls og konu. Til þess að ná
samþykki þurfti tillagan að fá 60
prósent atkvæða. Þegar 99 pró-
sent atkvæða höfðu verið talin
var ljóst að 62 prósent hefðu sam-
þykkt tillöguna. - gb
Kjósendur í Kaliforníu samþykktu bann við hjónaböndum samkynhneigðra:
Vonbrigði samkynhneigðra
MÓTMÆLI Í HOLLYWOOD Meira en
þúsund manns fóru út á götur til að
mótmæla niðurstöðu kosninganna.
FRÉTTABLAÐIÐ/AP
TAÍVAN, AP Chen Yunlin, háttsettur
erindreki kínversku kommúnista-
stjórnarinnar í Peking, lýkur í
dag, föstudag, fimm daga
opinberri heimsókn til Taívan.
Hann er hæst setti fulltrúi
kínverskra stjórnvalda sem
sækir Taívan heim og þykir það
teikn um þíðu í samskiptunum
yfir Taívansund. Heimsóknin
náði hámarki í gær með fundi
þeirra Yunlin og Ma Ying-jeou
Taívanforseta.
Slík heimsókn hefði verið
óhugsandi fyrir ári, er hinn
sjálfstæðissinnaði Chen Shui-
bian var enn forseti Taívan. Kjör
Ma fyrir hálfu ári hefur orðið til
að bæta samskiptin til muna,
enda hefur hann sett þau á
oddinn og sækist ekki eftir fullu
sjálfstæði. - aa
Kína-Taívan:
Tímamótaheim-
sókn frá Peking
DÓMSMÁL Karlmaður á þrítugs-
aldri hefur í Hæstarétti verið
dæmdur í eins árs fangelsi fyrir
manndráp og líkamsmeiðingar af
gáleysi.
Maðurinn ók á röngum
vegarhelmingi á Suðurlandsvegi
við Sandskeið, þar sem hann var
að fara fram úr vörubíl við
slæmar aðstæður. Lenti hann í
árekstri við bifreið sem kom á
móti með þeim afleiðingum að
tveir biðu bana, farþegi í bíl þess
dæmda og fimm ára stúlka í
hinum bílnum. Bróðir stúlkunnar
slasaðist alvarlega og er lamaður
fyrir neðan mitti.
Sá dæmdi hafði í níu skipti
eftir slysið verið staðinn að
hraðakstri. Hann var einnig
sviptur ökurétti. - jss
Karlmaður á þrítugsaldri:
Eins árs fang-
elsi fyrir mann-
dráp af gáleysi
EFNAHAGSMÁL Dómsmálaráðherra
ætlar leggja fram frumvarp um
sérstakan saksóknara sem annast
mun kortlagningu á rannsókn á
stöðu og starfsemi íslenskra pen-
inga- og fjármálastofnana. Þessu
greindi hann frá í gær eftir að Val-
týr Sigurðsson ríkissaksóknari
hafði tilkynnt að hann hugðist ekki
vinna lengur að málinu. Þegar hafði
Bogi Nilsson, fyrrverandi ríkissak-
sóknari, sem einnig átti að koma að
rannsókninni sagt sig frá málinu.
Báðir eiga þeir syni sem eru
framámenn í þeim fyrirtækjum
sem rannsaka á vegna efnahags-
hrunsins. Bogi hafði greint frá því
að hann teldi sig ekki njóta nægi-
legs trausts til að gegna embættinu
og sagði sig því frá því.
Valtýr segir í bréfi sínu að kalla
þurfi til erlenda sérfræðinga til að
ljúka málinu, auk þess sem koma
þurfi á laggirnar sérstöku saksókn-
araembætti. Þetta embætti þurfi að
taka sem fyrst til starfa. Þá sé vert
að huga strax að fjárveitingu svo
það verði vel í stakk búið til að sinna
hlutverki sínu.
Björn segir frumvarp um emb-
ættið í smíðum. „Ég tel að þessi
vinna Boga Nilssonar og Valtýs hafi
auðveldað okkur að takast á við
framhaldið,“ sagði Björn í gær. Þá
áréttaði hann að hvorki Valtý né
Boga hafi verið ætlað að rannsaka
einstök mál. „Það er ekki verkefni
ríkissaksóknara heldur Fjármála-
eftirlits og lögreglu og þangað eiga
menn að snúa sér með kærur,“ sagði
Björn. - kdk
Bæði Valtýr og Bogi hafa sagt sig frá kortlagningu á rannsókn fjármálafyrirtækja:
Erlendir sérfræðingar nauðsynlegir
BOGI NILSSONVALTÝR SIGURÐSSON BJÖRN BJARNASON
LÖGREGLUMÁL Lögreglan bíður nú
eftir að fá í hendur upptöku úr
versluninni þar sem Davíðsseðill-
inn svokallaði var notaður í
viðskiptum fyrr í vikunni. Þegar
upptakan liggur fyrir verður látið
til skarar skríða við að góma þann
sem verslaði fyrir tíu þúsund
króna seðil, en seðillinn var
útskriftarverkefni nema við
Listaháskóla Íslands á Kjarvals-
stöðum síðastliðið vor.
Sá sem greiddi með seðlinum í
versluninni keypti vörur fyrir
þrjú þúsund krónur og fékk sjö
þúsund til baka. Hann á yfir höfði
sér ákæru fyrir fjársvik.
- jss
Davíðsseðillinn:
Lögregla bíður
eftir upptöku
SKEMMTUN Sunnanmenn taka vel á
móti gestum úr öllum landsfjórð-
ungum um helgina þegar
Safnahelgi á Suðurlandi fer af
stað í fyrsta sinn.
„Sunnlenskt safna-, lista- og
veitingafólk hefur opnað sinn
víða faðm, eins og sunnlensk
gestrisni er víðfræg fyrir,“ segir
Gísli Sverrir Árnason, verkefnis-
stjóri hátíðarinnar. Hann segir
flest söfn bjóða ókeypis aðgang
um helgina og veitingahús verði
með hagstæð tilboð á sínum
matseðlum.
„Dagskráin er fjölbreytt og af
nógu að taka fyrir alla fjölskyld-
una. Það er engin leið að gera upp
á milli því svo margt heillandi
býðst gestum.“
- þlg / sjá Allt
Safnahelgi á Suðurlandi:
Menning og
matarhefðir SAMFÉLAGSMÁL Vegna mikils
annríkis hjá Vinnumálastofnun
þessa dagana er boðið upp á að
fólk sæki um atvinnuleysisbætur
á netinu en það þarf svo að mæta
á skrifstofur stofnunarinnar
innan tveggja vikna með alla
tilskylda pappíra og gera grein
fyrir sér.
Þessi breyting var gerð um
helgina og síðan þá hafa um 700
manns sótt um með þessum hætti
og um 200 skilað inn umsókn í
eigin persónu að sögn Gunnars
Richardssonar, forstöðumanns
hjá Vinnumálastofnun. Eins
hefur verið fallið frá einstakl-
ingsviðtölum með umsækjend-
um, þar sem gerður er við þá
starfsleitarsamningur, en
hópfundir komnir í þeirra stað. Í
gær voru 4.690 skráðir atvinnu-
lausir. - jse
Vinnumálastofnun:
Ferlum breytt
vegna annríkis
SPURNING DAGSINS