Fréttablaðið - 07.11.2008, Blaðsíða 58

38 7. nóvember 2008 FÖSTUDAGUR
sport@frettabladid.is
Haukar mæta þýska stórliðinu Flensburg í Meistaradeildinni
á Ásvöllum annað kvöld. Er um lykilleik að ræða fyrir bæði
lið því sigurvegarinn stendur ansi vel að vígi í baráttunni um
annað sætið í riðlinum sem veitir þáttökurétt í 16-liða úrslitum
keppninnar.
Einn af aðstoðarþjálfurum Flensburgar og yfirmaður íþrótta-
mála hjá félaginu er Daninn og Íslandsvinurinn Anders Dahl-
Nielsen. Hann þjálfaði KR í upphafi níunda áratugarins og
var síðar með Aroni Kristjánssyni hjá Skjern en Aron er
einmitt þjálfari Haukaliðsins í dag.
„Það verður verulega gaman fyrir mig að koma til
Íslands. Ég hlakka alltaf til að koma til landsins en
ég kom síðast fyrir tveimur og hálfu ári með Skjern.
Það er verst hvað við stoppum stutt að þessu sinni.
Ég væri alveg til í að vera aðeins lengur,“ sagði Dahl-
Nielsen við Fréttablaðið í gær en Flensburg kemur til
landsins í dag og fer aftur utan á sunnudagsmorgun.
Anders segist engu að síður ætla að nýta tímann eins
vel og hann getur meðan hann er á landinu.
„Mér þykir alltaf afar vænt um KR og á yndislegar minningar úr
KR-heimilinu. Þar var mikið fjör í gamla daga. Ég kíki örugglega
þangað og ætla einnig að hitta vin minn sem var formaður hand-
knattleiksdeildar þegar ég þjálfaði KR. Svo hlakka ég til að keyra
Kaplaskjólsveginn aftur þar sem ég átti heima. Þá hellast yfir
mann góðar minningar,“ sagði Dahl-Nielsen.
Haukarnir stóðu rækilega uppi í hárinu á þýska liðinu
ytra á dögunum og Anders segir sitt lið gera sér ljóst að
verkefnið verði erfitt.
„Við teljum okkur vera með betra lið og stefnum að
því að vinna sannfærandi sigur. Við vitum samt sem
er að það er ekkert gefið á Íslandi líkt og Veszprém
fékk að reyna um daginn og við munum ekki falla í
þá gildru að vanmeta Haukana enda sýndu þeir gegn
okkur um daginn að þeir geta bitið frá sér. Þeir berjast
grimmilega og við verðum að vera tilbúnir að mæta þeim
af fullum krafti,“ sagði Dahl-Nielsen, en allar helstu
stjörnur Flensburgar koma með til landsins að Alexander
Petersson undanskildum sem er meiddur.
ANDERS DAHL-NIELSEN: FYRRUM ÞJÁLFARI KR SNÝR AFTUR TIL ÍSLANDS MEÐ STÓRLIÐI FLENSBURG
Hlakka til að keyra Kaplaskjólsveginn aftur
Iceland Express-deild karla
KR-Grindavík 82-80 (45-39)
Stig KR: Jón Arnór Stefánsson 25, Jason Dour-
isseau 17, Jakob Örn Sigurðarson 14, Fannar
Ólafsson 8, Darri Hilmarsson 8, Pálmi Sigur-
geirsson 6, Skarphéðinn Ingason 2, Helgi
Magnússon 2.
Stig Grindavíkur: Þorleifur Ólafsson 26, Brenton
Birmingham 19, Páll Axel Vilbergsson 12, Páll
Kristinsson 9, Guðlaugur Eyjólfsson 6, Helgi
Jónas Guðfinnsson 3, Nökkvi Jónsson 3, Davíð
Hermannsson 2.
Keflavík-FSu 99-90 (86-86)(42-45)
Stig Keflavíkur: Hörður Axel Vilhjálmsson 24,
Sigurður Þorsteinsson 21, Gunnar Einarsson 15,
Jón Hafsteinsson 13, Sverrir Sverrisson 10,
Vilhjálmur Steinarsson 9, Gunnar Stefánsson 3,
Axel Margeirsson 2, Elvar Sigurjónsson 2.
Stig FSu: Thomas Viglianco 21, Tyler Dunaway 20,
Árni Ragnarsson 19, Vésteinn Sveinsson 17,
Björgvin Valentínusson 8, Daði Grétarsson 3,
Nicholas Mabbutt 2.
Þór-Stjarnan 99-89 (43-44)
Stig Þórs: Cedric Isom 32, Jón Kristjánsson 22,
Guðmundur Jónsson 16, Hrafn Jóhannesson 14,
Óðinn Ásgeirsson 9 (14 fráköst), B. Jónasson 6.
Stig Stjörnunnar: Jovan Zdravevski 25, Justin
Shouse 18, Kjartan Kjartansson 16, Fannar
Helgason 8, Guðjón Lárusson 7, Ólafur
Sigurðsson 6, Birkir Guðlaugsson 5, Hilmar
Geirsson 2, Hjörleifur Sumarliðason 2.
N1-deild karla
Fram-Akureyri 28-33 (13-16)
Mörk Fram (skot): Andri Berg Haraldsson 9
(16), Rúnar Kárason 9/1 (19/1), Stefán Baldvin
Stefánsson 4 (5), Guðjón Finnur Drengsson
3 (3), Magnús Einarsson 1 (1), Brjánn Guðni
Brjánsson 1 (2), Haraldur Þorvarðarson 1 (3),
Halldór Jóhann Sigfússon (1),Magnús Stefánsson
(7)
Varin skot: Magnús G. Erlendsson 8/1 (24/2
33,3%), Davíð Svansson 10 (27/1 37%)
Hraðaupplaup: 9 (Rúnar 3, Stefán 2, Guðjón 2,
Brjánn, Andri)
Fiskuð víti: 1 (Brjánn)
Utan vallar: 8 mínútur
Mörk Akureyrar (skot): Oddur Grétarsson 7
(10), Andri Snær Stefánsson 6 (10), Jónatan Þór
Magnússon 5 (10), Anton Rúnarsson 5 (11), Árni
Þór Sigtryggsson 4/2 (11/3), Þorvaldur Þorvalds-
son 2 (2), Hreinn Þór Hauksson 2 (2), Hörður
Fannar Sigþórsson 2 (3), Heiðar Þór Aðalsteins-
son (1)
Varin skot: Hafþór Einarsson 19 (47/1 40,4%)
Hraðaupplaup: 7 (Oddur 4, Hreinn 2, Þorvaldur)
Fiskuð víti: 3 (Þorvaldur 2, Hörður)
Utan vallar: 10 mínútur
Víkingur-Stjarnan 29-29
STAÐAN Í DEILDINNI
1. FH 7 4 2 1 +9 10
2. Akureyri 7 5 0 2 +10 10
3. Valur 6 3 2 1 +23 8
4. Fram 6 3 1 2 +4 7
5. HK 6 3 0 3 -10 6
6. Haukar 7 3 0 4 +8 6
7. Stjarnan 6 1 2 3 -11 4
8. Víkingur 7 0 1 6 -33 1
Evrópukeppni félagsliða
Manchester City-Twente 3-2
1-0 Shaun Wright-Phillips (2.), 1-1 Eljero Ella
(17.), 2-1 Robinho (57.), 3-1 Benjani (62.), 3-2
Rob Wielaert (65.).
Stuttgart-Partizan Belgrade 2-0
1-0 Mario Gomez (77.), 2-0 Mario Gomez (80.).
Standard Liege-Sevilla 1-0
1-0 Deludonne Mkokani (38.).
Spartak Moskva-Udinese 1-2
0-1 Fabio Quagliarella (12.), 1-1 Clemente
Rodriguez (17.), 1-2 Fabio Quagliarella (60.).
Tottenham-Dinamo Zagreb 4-0
1-0 Darren Bent (30.), 2-0 Darren Bent (33.),
3-0 Tom Huddlestone (59.), 4-0 Darren Bent
(69.).
AC Milan-Braga 1-0
1-0 Ronaldinho (90.).
Slavia Prague-Aston Villa 0-1
0-1 John Carew (26.).
ÚRSLIT
> Spilar með félaginu hans Pele
Knattspyrnukonan Þórunn Helga Jónsdóttir er komin alla
leið til Sao Paulo í Brasilíu þar sem hún ætlar að æfa
og spila með FC Santos fram að jólum. Þórunn Helga
hefur verið í stóru hlutverki hjá KR síðustu
ár en hún er einnig nýbúin að klára
háskólanám í Rhode Island-háskólanum
í Bandaríkjunum. FC Santos hefur verið
eitt besta kvennalið Brasilíu síðustu ár
en kvennalandslið Brasilíu er í 3. sæti
á Styrkleikalista Alþjóðaknattspyrnu-
sambandsins. Santos er líka þekkt
fyrir heimsfræga fótboltamenn en
sem dæmi lék Pele með karlaliði
Santos stærsta hluta síns ferils.
HANDBOLTI Akureyri náði FH að
stigum á toppi N1-deildarinnar í
handbolta þegar liðið sigraði Fram
örugglega, 28-33, í Safamýrinni.
Akureyri hefur nú unnið fimm
leiki í röð og virkar afar sterkt.
Akureyri var þremur mörkum
yfir, 13-16, eftir sveiflukenndan
fyrri hálfleik en það var í upphafi
síðari hálfleiks þar sem leiðir
skildu. Akureyri skoraði fjögur
fyrstu mörkin og náði sjö marka
forystu, 13-20.
Framarar náðu að minnka mun-
inn í fjögur mörk en áttu fá svör
við góðum leik Akureyringa og
var sóknarleikur Fram sérstak-
lega einhæfur og slakur.
Fram er sem fyrr í fjórða sæti,
nú þremur stigum á eftir efstu
liðum en á einn leik til góða.
„Það hlýtur að vera af því að
Fram spilar svo illa,“ sagði glað-
beittur þjálfari Akureyrar, Rúnar
Sigtryggsson, í leikslok um sigur-
inn.
„Sóknarleikurinn var góður í
kvöld en varnarleikurinn hefur
verið betri og Hafþór hefur verið
betri, en það er gott þegar einn
tekur við af öðrum og sem heild þá
bætum við hver annan upp.
„Leikmenn eru að gefa sig alla í
þetta og uppskera eftir því. Ég er
með hóp af góðum karakterum og
það er alveg ótrúlegt hvað þeir
eru samviskusamir, duglegir og
þolinmóðir að halda línunni. Ég er
ekki með bestu einstaklinga í
heimi en með mjög skemmtilegt
lið.“
Leikgleði einkennir leik Akur-
eyrar og er mikil stemning í liðinu
og hverju marki fagnað af innlif-
un. Sömu gleði var ekki að finna
hjá Fram en miklu munaði um að
markverðir liðanna náðu sér
engan veginn á strik frekar en
flestir aðrir leikmenn.
„Það hefur verið stemning í lið-
inu síðan í haust. Menn hafa haft
gaman af þessu. Við töpuðum
tveim fyrstu leikjunum en menn
héldu haus og það er það sem
skiptir máli. Það hefði verið auð-
velt að brotna,“ sagði Rúnar en
Akureyri hefur unnið fimm leiki í
röð í deildinni og sex ef bikarinn
er talinn með.
Viggó Sigurðsson, þjálfari
Fram, vildi ekki ræða við Frétta-
blaðið frekar en fyrri daginn. - gmi
Framarar áttu engin svör gegn sterkum norðanmönnum í N1-deild karla í handbolta í gærkvöldi:
Akureyri með fimmta sigurinn í röð
FRÁBÆR Oddur Grétarsson skorar eitt
af sjö mörkum sínum gegn Fram í Safa-
mýrinni í gærkvöldi.
FRÉTTABLAÐIÐ/ANTON
KÖRFUBOLTI Menn spyrja sig eflaust
að því hvort KR fari ósigrað í gegn-
um Íslandsmótið eftir nauman, en
samt nokkuð sannfærandi sigur á
Grindavík í gær. KR er eitt á toppn-
um og fátt sem bendir til að liðið
muni hreinlega tapa leik í vetur.
Það gekk ekki þrautalaust að
koma leiknum í gang í gær. Vallar-
klukkan bilaði og leikurinn byrjaði
því tæpum klukkutíma eftir að
hann átti að hefjast.
Það var því leikið við fremur
frumstæðar aðstæður. Stigatöflur
borðtennisdeildar KR voru rifnar
fram, vallarþulurinn taldi niður
skotklukkuna sem leiddi til þess að
áhorfendur gerðu allt sem í þeirra
valdi stóð til að trufla talninguna.
Nýjar skotklukkur komust í húsið
fyrir hálfleik og það lagaði ástand-
ið aðeins.
Það var engu líkara en seinkunin
hefði svæft leikmenn sem og
áhorfendur því frekar lítið púður
var í öllu framan af. KR-ingarnir
reyndu að keyra upp hraðann með
misjöfnum árangri. Þeir voru ákaf-
lega grimmir undir körfunni og
tóku fjölda sóknarfrákasta.
Lokin á fyrsta leikhluta voru
þeim þó dýr því Brenton skoraði
þriggja stiga körfu og fékk villu í
kjölfarið. Benedikt Guðmundsson,
þjálfari KR, fékk síðan dæmda á
sig tæknivillu og Grindavík leiddi
21-23 eftir fyrsta leikhluta.
KR-ingar hresstust heldur í
öðrum leikhluta og Jón Arnór fór
mikinn en hann skoraði 16 stig í
hálfleiknum og þar af þrjár
þriggja stiga körfur. KR gekk vel
að stöðva Pál Axel sem hefur verið
óstöðvandi í upphafi leiktíðar.
Hann skoraði aðeins fimm stig í
fyrri hálfleik en Brenton var
sterkur með tólf stig og Þorleifur
setti niður þrjár þriggja stiga
körfur. KR var engu að síður með
yfirhöndina í leikhléi, 45-39.
Jakob Örn Sigurðarson fór
algjörlega hamförum í liði KR í
þriðja leikhluta. Ef ekki hefði
verið fyrir góðan leik Þorleifs
hefði KR stungið af snemma í leik-
hlutanum. Það háði þó Grindavík
að Þorleifur fór af velli, sjóðheit-
ur, með fjórar villur en sneri síðar
aftur aðeins kaldari.
KR-liðið spilaði frábæra vörn í
leikhlutanum og hröðu upphlaupin
voru vel útfærð og það skilaði
þeim 17 stiga forystu fyrir síðasta
leikhlutann, 71-55.
Grindvíkingar lögðu ekki árar í
bát heldur mættu geysigrimmir í
síðasta leikhlutann og minnkuðu
muninn fljótlega í átta stig, 74-66.
KR hélt muninum í kringum tíu
stigin en Grindavík sótti verulega
að KR þegar nær dró endalokun-
um. Munurinn var þrjú stig, 80-77,
þegar lítið var eftir en Jón Arnór
kláraði leikinn með góðri körfu
þegar 17 sekúndur lifðu leiks.
Grindavík grætur væntanlega ein
fimm víti sem fóru forgörðum á
lokamínútunum en KR vann með
tveim stigum, 82-80.
„Töfin á leiknum hafði smá áhrif
og leikurinn náði kannski ekki því
risi sem búist var við. Mér fannst
við leiða leikinn vel en Grindavík
setti niður erfiða þrista til að
hanga inni,“ sagði Benedikt Guð-
mundsson og hrósaði andstæðing-
um sínum í hástert.
„Ég er ánægðastur með að halda
liði sem skorar 110-112 stig að
meðaltali í leik í 80 stigum.“
KR er því ósigrað en telur Bene-
dikt það vera raunhæft markmið
að KR fari ósigrað í gegnum
mótið? „Það er allt hægt og við
stefnum á að vinna alla leiki.“
Friðrik Ragnarsson, þjálfari
Grindavíkur, var svekktur en samt
ánægður með sitt lið.
„Ég er auðvitað hundsvekktur.
Við misstum þá of langt fram úr
okkur en ég er ánægður með kar-
akterinn sem liðið sýnir með því
að koma til baka. Vítin voru afar
dýr hjá okkur. Annars var margt
jákvætt og við tökum þá næst,“
sagði Friðrik. henry@frettabladid.is
KR vann uppgjör toppliðanna
KR-ingar sitja nú einir á toppi Iceland Express-deildar karla eftir sigur á Grindavík, 82-80, í uppgjöri ósigr-
uðu toppliðanna í gærkvöldi. Grindavík var nærri því að stela sigrinum í blálokin en allt kom fyrir ekki.
RÁÐALEYSI KR-ingar lentu í tómu tjóni
með leikklukkuna í DHL-höllinni í gær
og talsverð seinkun varð á leiknum af
þeim sökum. FRÉTTABLAÐIÐ/VALLI
Á FLUGI Jón Arnór Stefánsson fór fyrir
sínum mönnum í KR og skoraði 25 stig
í fræknum 82-80 sigri gegn Grindavík í
toppslag Iceland Express-deildar karla í
gærkvöldi.

FR
ÉT
TA
B
LA
Ð
IÐ
/V
A
LL
I