Fréttablaðið - 07.11.2008, Blaðsíða 12
12 7. nóvember 2008 FÖSTUDAGUR
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
BANDARÍKIN, AP Barack Obama
þarf að hafa hraðar hendur við að
skipa í stöður í nýrri stjórn sinni,
sem tekur við völdum í Bandaríkj-
unum þann 20. janúar næstkom-
andi.
Nýju stjórnarinnar bíða gríðar-
lega erfið verkefni, bæði í efna-
hagsmálum og utanríkismálum.
Miklar væntingar eru gerðar til
Obama, sem sjálfur hefur boðað
víðtækar breytingar á stjórnar-
háttum í Bandaríkjunum. Jafnt
Bandaríkjamenn sem heims-
byggðin öll munu því fylgjast
grannt með því hvernig hann
stendur sig allt frá fyrstu stundu.
Strax á miðvikudag, daginn
eftir stórsigur Obama í forseta-
kosningum, fréttist af því að hann
hafi valið Rahm Emanuel til að
verða starfsmannastjóri í Hvíta
húsinu.
Emanuel sagðist reyndar þurfa
nokkurn tíma til að velta því fyrir
sér, hvort hann vilji leggja það á
sig og fjölskyldu sína að taka við
þessu embætti.
Emanuel var náinn samstarfs-
maður Bills Clinton, fyrrverandi
forseta, og vildi ekki gera upp á
milli Obama og Hillary Clinton í
forvalskeppni Demókrataflokks-
ins fyrr á árinu.
Obama valdi einnig annan náinn
samstarfsmann Clintons, John
Podesta, til að hafa yfirumsjón
með undirbúningi embættistöku
sinnar. Með Podesta vinna fleiri
liðsmenn Clintons ásamt mörgum
úr nánasta hópi Obama.
George W. Bush, sem lætur af
embætti í janúar, sagðist í gær
ætla að hitta Obama strax í næstu
viku. Bush hefur sagst ætla að sjá
til þess að forsetaskiptin gangi
sem greiðast fyrir sig.
Obama er sagður ætla að halda
blaðamannafund á allra næstu
dögum, þar sem búist er við að
hann greini frá vali sínu í ein-
hverjar af lykilstöðum stjórnar-
innar.
Margir búast við því að Obama
ákveði að Robert Gates verði
áfram varnarmálaráðherra eftir
forsetaskiptin. Gates tók fyrir
tæpum tveimur árum við af Don-
ald Rumsfeld sem varnarmálaráð-
herra í stjórn Bush.
Ýmsir demókratar hafa auk
þess fullyrt að öldungadeildar-
þingmaðurinn John Kerry, sem
tapaði fyrir George W. Bush í for-
setakjöri fyrir fjórum árum, sæki
það fast að verða utanríkisráð-
herra í stjórn Obama. Talsmaður
Kerry sagði þó ekkert hæft í
þessu. gudsteinn@frettabladid.is
Obama byrjaður að
raða í ríkisstjórnina
Tíu vikur eru þar til Barack Obama tekur við af George W. Bush Bandaríkjafor-
seta. Hann er strax byrjaður að velja sér samstarfsfólk og búa sig undir óvenju
erfið verkefni nýju stjórnarinnar, sem miklar væntingar eru bundnar við.
OFURMENNIÐ OBAMA Á vegg í Los Angeles mátti í gær sjá þessa mynd af Barack
Obama í gervi ofurhetjunnar Supermans. FRÉTTABLAÐIÐ/AP
KONUNGUR KRÝNDUR Í BÚTAN Jigme
Khesar Namgyal Wangchuk var í gær
krýndur fimmti konungur Bútans, og
fékk hann titilinn Drekakonungur.
FRÉTTABLAÐIÐ/AP
ALÞINGI Steinunn Valdís Óskars-
dóttir, Samfylkingu, lagði til á
Alþingi í gær að hópi kvenkynssér-
fræðinga yrði falið að móta stefnu
samfélagsins til
framtíðar.
„Það þarf að
lofta út úr
bakherbergjum
karlanna,“ sagði
Steinunn og
kvað mikilvægt
að þjóðin hefði
kjark og þor til
að horfast í
augu við mistök
og gjaldþrot „karlakapítalismans“.
Steinunn sagði nóg til af klárum
konum til verksins, til dæmis
innan Auðar Capital, Félags
kvenna í atvinnulífinu og í háskóla-
samfélaginu. - bþs
Steinunn Valdís Óskarsdóttir:
Konum falið að
móta framtíðina
STEINUNN VALDÍS
ÓSKARSDÓTTIR
DÓMSMÁL Rúmlega þrítugur
maður sem var dæmdur í
þriggja ára fangelsi fyrir
skömmu skal sæta gæsluvarð-
haldi áfram þar til Hæstiréttur
hefur fellt dóm í máli hans.
Maðurinn, sem var dæmdur í
héraðsdómi fyrir hótanir og
ofbeldisverk gegn lögreglumönn-
um við störf, þjófnaði, tilraun til
fjársvika og fleiri brot, áfrýjaði
dómnum til Hæstaréttar.
Maðurinn hefur setið í
gæsluvarðhaldi frá 11. ágúst.
Héraðsdómur úrskurðaði að
hann skyldi sæta gæsluvarðhaldi
áfram til 21. nóvember og
Hæstiréttur staðfesti þann
úrskurð.
Maðurinn á langan sakaferil
að baki.
- jss
Bíður dóms Hæstaréttar:
Síbrotamaður
áfram í gæslu
NEYTENDUR „Við drógum þessa
hækkun eins lengi og við mögu-
lega gátum. Ástandið er bara
þannig að þetta er óumflýjan-
legt,“ segir Þórarinn H. Sævars-
son, framkvæmdastjóri hús-
gagnaverslunarinnar IKEA á
Íslandi. Verð í IKEA hækkaði að
meðaltali um 25 prósent í gær. Í
september hækkuðu vörur versl-
unarinnar um fimmtung að
jafnaði í verði.
Þórarinn segir þetta vera í
fyrsta sinn í sögu IKEA á Íslandi
sem fyrirtækið hefur horfið frá
þeirri stefnu að tryggja óbreytt
vöruverð frá 1. september til 15.
ágúst ár hvert, eða út gildistíma
IKEA-bæklingsins. „Við byrjuð-
um árið mjög illa og krónan hefur
í raun verið í frjálsu falli eftir
hækkunina í september. Miðað
við óbreytt ástand ætti þetta að
duga,“ segir Þórarinn, og bætir
við að verðhækkunin í gær dugi
ekki fyrir því gengistapi sem
fyrirtækið verður fyrir í þessum
óvægnu efnahagsaðstæðum.
Að sögn Þórarins verður vöru-
verð lækkað um leið og gengis-
þróun gefur tilefni til lækkunar.
„Hinn valkosturinn var að grípa
til uppsagna starfsfólks, sem við
vildum ekki gera. Það er ljóst að
þessi hækkun mun hafa neikvæð
áhrif á viðskiptin, að minnsta
kosti í fyrstu, en á móti kemur að
við bjóðum enn upp á besta verð á
Íslandi,“ segir Þórarinn.
- kg
Vöruverð í IKEA hækkaði um 25 prósent að meðaltali í gær:
Hækkunin óumflýjanleg
ÓVÆGIÐ ÁSTAND Framkvæmdastjóri
IKEA segir fyrirtækið alls ekki hafa viljað
grípa til uppsagna. FRÉTTABLAÐIÐ/VILHELM
DÓMSMÁL „Ég vona að þetta sé dýrara en það sem
þeir láta menn borga fyrir nauðganirnar,“ segir
Jónas Kristjánsson, fyrrum ritstjóri DV, um dóm
Hæstaréttar í gær.
Hann var ásamt fyrrum ritstjóra DV, Mikael
Torfasyni, dæmdur til að greiða sekt upp á samtals
800 þúsund krónur. Skiptist upphæðin á þá til
helminga. Sektarefnið er auglýsing á Amarula-
áfengi sem birtist í DV árið 2005. Héraðsdómur
hafði áður dæmt þá til að greiða samtals 400 þúsund.
Þeir Jónas og Mikael vísuðu til þess að deilda-
skipting væri á blaðinu og að auglýsingadeildin væri
aðskilin frá ritstjórn. Hæstiréttur vísaði aftur til
lagagreinar sem kveður á um að útgefandi rits eða
ritstjóri beri refsi- og fébótaábyrgð á efni rits ef
höfundur hefur ekki nafngreint sig. Í málinu lá fyrir
að auglýsandinn hefði ekki verið nafngreindur í
auglýsingunni og því hafi reynt á ábyrgð ritstjór-
anna samkvæmt ofangreindu ákvæði. Þeim hafi
borið að yfirfara það efni blaðsins sem þeir voru
ábyrgir fyrir og borið að gæta þess að efni sem birt
hefði verið í blaðinu væri ekki andstætt lögum.
Einn þriggja hæstaréttardómara, sem dæmdu
málið, Jón Steinar Gunnlaugsson, skilaði sér-
atkvæði. Hann vildi sýkna ritstjórana og leggja
sakarkostnaðinn á ríkissjóð. - jss
Tveir fyrrum ritstjórar DV dæmdir í Hæstarétti fyrir að birta áfengisauglýsingu:
Sektin hækkuð um helming
FYRRUM RITSTJÓRAR DV Hæstiréttur hækkaði sektina um
helming.
ARGENTÍNA, AP Lögreglan í
Argentínu handtók í byrjun
vikunnar Jorge Antonio Olivera,
fyrrverandi herforingja, sem
sakaður er um mannrán og
pyntingar í valdatíð herforingja-
stjórnarinnar fyrir rúmum
þremur áratugum.
Olivera var handtekinn úti á
götu í Vicente Lopez, sem er
hverfi í norðanverðri höfuðborg-
inni Búenos Aíres.
Hann er talinn bera ábyrgð á
hvarfi 22 ára gamallar fransk-
argentínskrar konu, Marianne
Erize, sem síðast sást til 15.
október árið 1976. Olivera var þá
liðsforingi í hernum. - gb
Herforingi handtekinn:
Sakaður um
mannrán
ÞAKKLÁTUR Barack Obama fagnar sigr-
inum með konu sinni, Michelle.