Fréttablaðið - 07.11.2008, Blaðsíða 62

42 7. nóvember 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. viðlag, 6. frá, 8. að, 9. slagbrandur,
11. þurrka út, 12. setis, 14. sýna elli-
glöp, 16. verslun, 17. skjön, 18. eyrir,
20. grískur bókstafur, 21. slabb.
LÓÐRÉTT
1. afturendi, 3. tveir eins, 4. skipafé-
lag, 5. skáhalli, 7. viðriðinn, 10. svif,
13. angan, 15. heimsálfu, 16. hryggur,
19. guð.
LAUSN
LÁRÉTT: 2. stef, 6. af, 8. til, 9. slá, 11.
má, 12. sætis, 14. kalka, 16. bt, 17.
mis, 18. aur, 20. pí, 21. krap.
LÓÐRÉTT: 1. rass, 3. tt, 4. eimskip,
5. flá, 7. flæktur, 10. áta, 13. ilm, 15.
asíu, 16. bak, 19. ra.
„Ég mun lesa upp vinjettur fyrir utan veitinga-
stað Frikka Weiss fyrir gesti og gangandi. Til
þess að undirstrika þjóðernið verð ég klæddur í
handprjónaða lopapeysu og það í fyrsta skipti í
útlöndum,“ segir fagurkerinn og rithöfundurinn
Ármann Reynisson. Hann mun dvelja í Kaup-
mannahöfn frá 7. til 17. þessa mánaðar við
kynningu á Vestnorrænu vinjettunum sínum.
Ýmsar sögusagnir eru um að Íslendingar séu
hreinlega atyrtir vegna þjóðernis síns í
tengslum við bankahrunið. Ármann, reynslunn-
ar smiður, ætlar hins vegar upp gegn ofeflinu.
„Íslendingar eiga að vera stoltir að þjóðerni
sínu þótt móti blási um hríð – ekki vera
hræddir og villa á sér heimildir eins og mér
skilst að margur landinn geri um þessar mundir.
Betra er að fá kinnhest heldur en sigla undir
fölsku flaggi. Hef þá trú að mér verði vel tekið.“
Ármann mun verða staddur á og við kaffihús
Friðriks Weisshappel, Laundromat Café í
Kaupmannahöfn, 11. þessa mánaðar og fá gestir
notið nærveru hans á milli klukkan 12.00 og
12.45. Frá þessu greinir í fréttatilkynningu
sem Max Dager, stjórnanda Norræna
hússins í Vatnsmýrinni, sem hefur nú verið
send til allra helstu fjölmiðla á Norður-
löndum.
Fréttablaðið hefur þegar greint frá
merkri útgáfu á verkum Ármanns Reynis-
sonar þar sem hann varpar ljósi á
vestnorræna menningu með útgáfu
vinjetta sinna á fjórum tungumálum:
dönsku, færeysku, grænlensku og
íslensku. Nú er kominn tími til að
fylgja verkinu eftir. Fréttatilkynning-
in er forvitnileg en þar segir að
Ármann, sem nam hagfræði við
London School of Economics, hafi
verið áberandi persóna í fjármála-
lífi Íslands á 9. áratug síðustu aldar,
en nánast á einni nóttu varð hann ofsóttur,
dreginn fyrir rétt og fangelsaður. En hann sneri
baki við lífi vellystinga, hóf að hugleiða, leita
til náttúrunnar og fór að skrifa. Núna eru
fyrrverandi félagar hans í fjármála- og
viðskiptalífinu enn að
hlaupa á veggi meðan
Ármann gefur út sögur
sínar − reynslunni
ríkari.
- jbg
Ármann með pálmann í höndunum
Leikstjórinn Grímur Hákonarson
sem vann nýverið tvenn verðlaun
á erlendum hátíðum fyrir stutt-
myndina Bræðrabylta hefur enn
ekki fengið greidd sigurlaunin.
Nema þau tveimur þúsund evrum,
eða rúmum 300 þúsund krónum,
og kennir Grímur efnahags-
ástandinu um.
„Allar þessar greiðslur að utan
hverfa. Þær berast ekkert á rétta
staði,“ segir Grímur, sem býst þó
við því að fá peninginn fljótlega,
enda aðeins vika síðan hann vann
síðustu verðlaunin. Um er að
ræða kvikmyndahátíðir samkyn-
hneigðra í Kaupmannahöfn og
Barcelona.
Einnig hefur Grímur átt í erfið-
leikum með að fá borgað fyrir sölu
sína á Bræðrabyltu víða erlendis.
Myndin hefur farið á hátt í 140
kvikmyndahátíðir undanfarin
misseri, auk þess sem fjölmargar
sjónvarpsstöðvar hafa tekið hana
til sýninga.
Sjálfur segist Grímur hættur að
ferðast út til að fylgja myndinni
eftir og nú síðast hafnaði hann
boði um að fara til Suður-Kóreu
vegna efnahagskreppunnar. „Það
átti að borga undir mig en ég
treysti mér ekki alveg til að fara
út af ástandinu.“
Grímur telur þó að kreppan geti
leitt góða hluti af sér fyrir lista-
menn. „Þá byrja menn að gera
myndir út frá öðrum forsendum
og öðrum viðmiðum. Á hverjum
einasta degi eru viðfangsefni, sem
eru frábær í bíómynd, að koma
fram á sjónarsviðið í fjölmiðlum.
Þetta er endalaust fyrir listamenn
að vinna úr.“
Fyrsta kvikmynd hans í fullri
lengd, Sumarlandið, er fyrirhuguð
í framleiðslu á næsta ári. „Þetta er
dæmisaga sem á dálítið við um
þetta hugarfar sem var í gangi á
Íslandi síðustu fimm árin, að taka
skammtímagróðann fram yfir hin
andlegu gildi,“ segir hann um
söguþráðinn. - fb
Fær sigurlaunin ekki greidd
GRÍMUR HÁKONARSON Grímur hefur
átt í erfiðleikum með að fá greitt fyrir
stuttmynd sína, Bræðrabyltu.
„Ég er rosalega hrifin af Ban-
Thai. Þar er æðislega góður og
frumlegur taílenskur matur.
Ég fæ mér oft tígrisrækjur í
hvítlauk og chili sem eru alveg
geðveikar.“
Ásta Kristjánsdóttir í Eskimó.
FRIÐRIK WEISSHAPPEL
Ármann mun lesa upp
úr nýrri vinjettubók sinni
fyrir utan kaffihús Frið-
riks 11. þessa mánaðar.
ÁRMANN REYNISSON Mun fyrsta sinni
klæðast íslenskri lopapeysu á erlendri
grundu enda skammast hann sín ekki
fyrir uppruna sinn.
Tíminn líður og nú stendur fyrir
dyrum afmælisfagnaður þeirrar
sögufrægu búllu Kaffibarsins.
Fimmtán ár eru frá því til barsins
var stofnað og verður fagnaður-
inn haldinn 4. desember og ætla
plötusnúðarnir Gullfoss
og Geysir, þeir Jóhann-
es B. Bjarnason
og Reynir Lyngdal,
sem hafa verið virkir
gestir staðarins frá
upphafi, að leika
tónlist fyrir þá
sem mæta.
Jóhannes Ásbjörnsson, betur
þekktur sem Simma&Jóa-Jói,
er einn þeirra sem sluppu við
uppsögn í Landsbankanum. Hann
hefur starfað um hríð í markaðs-
deild bankans sem var skorin niður
um helming í uppsögnum.
Má reyndar velta fyrir sér
hvort ríkisbanki þurfi á
markaðsdeild að halda en
á móti kemur að kannski
þarf bankinn nú sem
aldrei fyrr á jákvæðu
umtali að halda.
Og meira af Jóhannesi og félaga
hans Sigmari Vilhjálmssyni.
Þeir eru enn sem fyrr eftirsóttir
veislustjórar auk þess að halda
úti morgunþætti Bylgjunnar á
laugardagsmorgnum við góðan
orðstír. Þeir leggja, öfugt við
ýmsa útvarpsmenn, mikla vinnu í
þáttagerðina og eru nú búnir að
grafa upp að Bjarni Ármannsson
athafnamaður keppti nýverið í
maraþonhlaupi í Amsterdam. Sem
kannski er ekki í frásögur færandi
því Bjarni er þekktur fyrir skokk-
hneigð sína nema í hlaupinu var
Bjarni skráður sem Norðmaður og
ætla þeir félagar að freista þess að
ná tali af Bjarna og spyrja hverju
sæti. Á dv.is mátti reyndar sjá í gær
að blaðamenn þar voru komnir á
sömu slóð en þar kemur fram að
Bjarni kláraði maraþonið
á þremur klukkustundum
og átján mínútum og
varð númer 731 af um
sex þúsund keppendum.
- jbg
FRÉTTIR AF FÓLKI
Manúela Ósk Harðardóttir og
eiginmaður hennar, knattspyrnu-
kappinn Grétar Rafn Steinsson,
hafa tekið höndum saman við Star-
bucks-kaffihúsakeðjuna í Bolton.
Þau ætla að leggja sitt á vogar-
skálarnar til þess að börnin í borg-
inni fái bækur til að lesa. Hefur
Manúela verið útnefnd sérstakur
sendiherra þessa verkefnis. Haft
er eftir verslunarstjóra Starbucks,
Jane Delvard, í The Bolton News
að stuðningur íslensku hjónanna
eigi eftir að gera mikið fyrir verk-
efnið.
Manúela sagðist í samtali við
Fréttablaðið vera ákaflega spennt
fyrir því að leggja þessu góða mál-
efni lið. „Nýverið var dagur bók-
arinnar hérna í Bolton. Og þá áttu
börnin að koma með uppáhalds-
bókina sína í skólann. Hins vegar
var ástandið á sumum heimilum
svo slæmt að mörg hver mættu
bara með vörulista,“ segir Manú-
ela sem fannst þetta heldur sorg-
leg staðreynd. Hún var því meira
en lítið fús til að leggja sitt af
mörkum til að safna bókum handa
börnununum og gera þær aðgengi-
legar í skólabókasöfnum borgar-
innar. Takmarkið er, samkvæmt
The Bolton News, þúsund barna-
bækur og lögðu Manúela og Grét-
ar sitt af mörkum. Gáfu sjálf
hundrað bækur til verkefnisins.
Manúela segist reyndar hafa
tekið þessu fegins hendi og var
bara glöð yfir því að fá eitthvað að
gera. Hún áréttar reyndar að þetta
sé þó ekki fullt starf heldur sé
sendiherratitillinn meira að nafn-
inu til. „Við Grétar urðum bara
ásátt um að taka þátt í svona hlut-
um hérna úti í Bolton, alveg eins
og við myndum gera heima,“
útskýrir Manúela en til að kynna
verkefnið enn frekar munu þau
hjónakornin kveikja á jólaljósum í
aðalverslunarkjarna Bolton. Síðan
munu bókakassar liggja fyrir í
verslun Starbucks þar sem fólk
getur komið með barnabækurnar
sínar og gefið verkefninu.
freyrgigja@frettabladid.is
MANÚELA ÓSK: SENDIHERRA BÓKALESTURS Í BOLTON
Manúela Ósk og Grétar
Rafn gefa hundrað bækur
GÁFU HUNDRAÐ BÆKUR Manúela og Grétar Rafn ásamt verslunarstjóra Starbucks,
Jane Delvard, og þeim Callum Armstrong og Oliviu Ramsd. MYND/THEBOLTONNEWS.CO.UK
w
w
w
.t
h
is
.i
s
/k
ro
s
s
g
a
tu
r
w
w
w
.t
h
is
.i
s
/k
ro
s
s
g
a
tu
r
250
ÓKEYPIS
KROSSGÁTUR
NÝ GÁTA
Í HVERRI VIKU
Auglýsingasími
– Mest lesið
VEISTU SVARIÐ?
Svör við spurningum á síðu 8
1 Árni Þór Sigurðsson
2 Kjartan Ólafsson
3 Úlfar Þormóðsson