Fréttablaðið - 07.11.2008, Blaðsíða 6

6 7. nóvember 2008 FÖSTUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Ertu ánægð/ánægður með nýj-
an forseta Bandaríkjanna?
Já 93,8%
Nei 6,2%
SPURNING DAGSINS Í DAG
Velur þú íslenskar vörur fram
yfir erlendar?
Segðu skoðun þína á visir.is
Verðbólgan æðir áfram. Allt hækkar með
ógnarhraða nema kaupið manns. Ótal dæmi
um hækkanir snúa að leikfangaverslunum
Toys ‘R‘ us.
„Sex ára dóttir mín hefur lengi látið sig
dreyma um Baby born rólu sem hún hefur
oft séð í versluninni,“ skrifar Sigurlaug
Ásta Grétarsdóttir. „Í vor kostaði rólan
2.700 kr. og í ágúst var hún komin upp í
3.200 kr. Þegar barninu áskotnaðist
peningur í afmælisgjöf átti loks að kaupa
róluna. Laugardaginn 25. okt. var rólan
komin í 6.500 kr! Búin að hækka um
rúmlega 100% á tveimur mánuðum! Og
ekki nóg með það, þegar við vorum í sömu
verslun á Akureyri viku síðar var rólan
komin upp í 9.999 kr! Er þetta eðlileg
verðhækkun?“
Sonja hefur svipaða sögu að segja: „Á
fimmtudaginn sáum við dóttir mín jóla-
dagatal frá Playmo á 2.490 kr. Við fórum
heim og hugsuðum málið og ákváðum svo
að skella okkur á tvö eintök. Þegar við
komum á sunnudegi og ætlum að kaupa
þau kostaði stykkið 3.790 kr! Ég spurði
afgreiðslumann hverju þetta sætti og hann
svaraði að það væri verið að hækka öll verð
í búðinni.“
Ekki náðist í ábyrgðarmann Toys R us á
Íslandi, þrátt fyrir ítrekaðar tilraunir. Þar
sem allar vörur í búðinni eru innfluttar
hefur lækkun íslensku krónunnar líklega
mest áhrif á verðhækkanirnar. Evran er nú
á ríflega 160 krónur en var í byrjun sumars
á 120 kr.
Neytendur: Kvartað yfir Toys ‘R‘ Us
Hvað er eðlileg verðhækkun?
ÖLL VERÐ AÐ HÆKKA Frá Toys ‘R‘ Us.
Fíkniefnamál á Akureyri
Lögreglan á Akureyri lagði hald á
18 grömm af kannabisefnum og 13
grömm af amfetamíni á miðviku-
dagskvöld. Efnin fundust við húsleit
í tveimur íbúðum og voru þrír karl-
menn á þrítugsaldri handteknir. Þeim
var sleppt að loknum yfirheyrslum og
telst málið upplýst.
Ókeypis í sund í Árborg
Börn og ungmenni að 18 ára aldri fá
ókeypis í sund í Sundhöll Selfoss og
sundlaugina á Stokkseyri frá og með
1. janúar.
ÁRBORG
Stal fartölvu og bókum
Lögreglan handtók karlmann á
sextugsaldri á þriðjudagsmorguninn
þar sem hann hafði brotist inn í hús
á Vesturgötunni. Maðurinn hafði
meðal annars ætlað að stela fartölvu
og bókum en húsráðandi vaknaði og
gerði lögreglu viðvart.
LÖGREGLUFRÉTTIR
UNGVERJALAND Áþreifanlegustu
afleiðingar þess að Ungverjar
þiggi neyðarlán frá Alþjóðagjald-
eyrissjóðnum og ESB eru að
fjárlög næsta árs hafa verið
skorin niður. „Ríkisstjórnin lagði
fjárlagafrumvarpið fyrst fram
fyrir tveimur mánuðum og svo
aftur með verulegum niðurskurði
fyrir hálfum mánuði. Nú hefur það
verið lagt fram í þriðja sinn með
enn róttækari niðurskurði, og hann
er greinilega að rekja til skilyrða
IMF,“ segir Robert Hodgson,
blaðamaður á Budapest Times.
Hodgson segir annars lítið vitað
um IMF-skilyrðin. - aa
Ungverjaland og IMF-lán:
Mikill niður-
skurður fjárlaga
Skýrsluflutningi frestað
Skýrslu utanríkisráðherra um utanrík-
ismál sem samkvæmt starfsáætlun
Alþingis átti að vera í dag hefur verið
frestað um óákveðinn tíma. Helgast
það jafnt af önnum vegna annarra
verkefna og heilsufari utanríkisráð-
herra.
ALÞINGI
EFNAHAGSMÁL Eðlilegt hefði verið
að nákvæm athugun og umfjöllun
á Alþingi hefði farið fram áður en
upphæð sem þessi var reidd fram
af nýju ríkisbönkunum og notuð til
að kaupa út skuldabréf fyrirtækja
og fjármálastofnana sem voru í
peningamarkaðssjóðnum Glitnis,
Landsbankans og Kaupþings.
Þetta segir Steingrímur J. Sig-
fússon, formaður VG, um ákvörð-
un nýju ríkisbankanna um að verja
200 milljörðum í að geta greitt til
baka úr peningamarkaðssjóðum.
Til samanburðar má nefna að
Norðmenn hafa fallist á að veita
Íslendingum um það bil 80 millj-
arða lán.
Ekki náðist í Björgvin G. Sig-
urðsson viðskiptaráðherra í gær,
en aðstoðarmaður hans Jón Þór
Sturluson sagðist ekki vita annað
en eðlilega væri staðið að þessum
greiðslum.
Hann sagðist efins um heimildir
Morgunblaðsins sem herma að
verðbréfin sem sjóðirnir keyptu
fyrir 200 milljarðana séu annað-
hvort verðlaus eða verðlítil, en
útgefendur fyrirtækjabréfana
munu meðal annars vera Stoðir og
Exista. Í fréttinni segir ennfrem-
ur að ógjörningur hafi verið að fá
sambærilegt verð fyrir þessi bréf
ef kaupandi væri annar en bankar
í eigu ríkisins.
Jón Þór benti á að óháðir aðilar,
KPMG, auk bankanna sjálfra,
hefðu metið bréfin þessu verði. Þá
taldi hann að líkur væru á að aðrir
sjóðir sem eru að reyna að ná sam-
bærilegum viðskiptum og ríkis-
bankarnir, væru að reyna að kasta
rýrð á þessi viðskipti.
Steingrímur J. segir að ef ríkið
hafi viljað fara í aðgerðir sem
þessar hefði þurft að gæta jafn-
ræðis gagnvart þeim sem eiga fé í
minni sjóðum. Jón Þór segir ekki
útilokað að það verði gerðir svip-
aðir samningar við þá sjóði.
Í grunnspá Seðlabanka Íslands,
sem gefin var út í Peningamálum í
gær sagði meðal annars: „Endur-
fjármögnun fjármálakerfisins
mun einnig kosta ríkissjóð umtals-
vert fé, sem að lokum mun falla á
heimili og fyrirtæki í landinu í
fomi hærri skatta, hærri vaxta og
aðhalds í útgjöldum.“ -kdk
Aðstoðarmaður viðskiptaráðherra um skuldabréfakaup ríkisbankanna fyrir um 200 milljarða:
Telur kaup á peningabréfum ekki óeðlileg
STEINGRÍMUR J.
SIGFÚSSON
JÓN ÞÓR
STURLUSON.
VIÐSKIPTI Starfsmenn Nýja Kaup-
þings óskuðu eftir því við stjórn-
arformann og varaformann bank-
ans þann 22. október síðastliðinn
að stjórn bankans drægi til baka
ákvörðun sína frá 25. september
síðastliðnum, en þá var persónu-
leg ábyrgð starfsmanna á lánum
þeirra til hlutafjárkaupa alfarið
felld niður. Í þessari tillögu felst
hins vegar að bankinn semji við
starfsmenn Nýja og gamla Kaup-
þings um greiðslur á lánum þeirra
vegna slíkra kaupa.
Þetta kemur fram í tilkynningu
sem Finnur Sveinbjörnsson,
bankastjóri Nýja Kaupþings, sendi
frá sér í gær.
Þar segir enn fremur að starfs-
menn hafi talið nauðsynlegt að
leggja fram þessar tillögur vegna
breytinga sem orðið höfðu á for-
sendum ákvörðunar stjórnar
gamla Kaupþings frá 25. septem-
ber eftir að ríkisvaldið yfirtók
starfsemi bankans.
Fjármálaráðuneytinu hefur
verið greint frá þessu og eins Fjár-
málaeftirliti, en þó með óformleg-
um hætti.
Þó að horfið verði frá ákvörðun-
inni um að fella niður persónulega
ábyrgð starfsmanna segir Helgi
Sigurðsson, framkvæmdastjóri
lögfræðisviðs Kaupþings og
hæstaréttarlögmaður, ekki þar
með sagt að hún hafi verið óeðli-
leg á þeim tíma sem hún var
tekin.
„Upphaf þessa máls má rekja til
samþykktar aðalfundar árið 2004,“
segir hann. „Þá samþykkti aðal-
fundur að veita starfsmönnum
kaup- og sölurétt sem gæti numið
allt að 9 prósent að heildarhlutafé
félagsins.
Tilgangurinn með útgáfu sölu-
réttarins var sá að með því móti
var starfsmaðurinn tryggður fyrir
því að það myndi reyna á persónu-
lega ábyrgð hans, vegna þess að
hann hafði alltaf rétt til þess að
selja bréfin á fyrirfram ákveðnu
verði sem nam skuldafjárhæðinni.
Síðan gerðist það árið 2005 að
stjórn bankans óskaði eftir því
við starfsmenn að þeir féllu frá
þessum sölurétti af ákveðnum
ástæðum er varða útreikninga á
eiginfé bankans. Það var ekki ósk
starfsmannanna heldur ósk bank-
ans sjálfs. Starfsmennirnir
ákváðu að falla frá þessum sölu-
rétti gegn því að ábyrgð þeirra
væri takmörkuð eins og mögu-
legt væri. Ástæðan var sú að þeir
höfðu á þessum tíma ekki mögu-
leika á því að stofna félög utan
um hlutafjáreignina. Það varð
því að fara einhverjar aðrar leið-
ir til að takmarka ábyrgðina. Í
ljósi þessa voru ákvarðanirnar
2005 og í september 2008 í fullu
samræmi við ákvörðun hluthafa-
fundarins 2004 sem gerir ekki
ráð fyrir persónulegri ábyrgð
starfsmanna.“
jse@frettabladid.is
Starfsmenn vilja
semja um lánin
Tillögur starfsmanna Kaupþings gera ráð fyrir því að þeir og starfsmenn gamla
Kaupþings semji um greiðslur á lánum til hlutafjárkaupa. Lögmaður gamla
Kaupþings segir þó ekkert óeðlilegt við ákvörðunina frá því 25. september.
KAUPÞING Starfsmenn Kaupþings hafa óskað eftir því við stjórn bankans að þeir
semji um lán til hlutafjárkaupa.
HVER VAR STAÐAN Á EIGN
ÞINNI ÞEGAR KAUPÞING FÓR Í
ÞROT OG HVERNIG FJÁRMAGN-
AÐIR ÞÚ KAUPIN?
„Ég hef ekki hug á því að ræða per-
sónuleg fjármál mín eða annarra í
fjölmiðlum, en get þó skýrt frá því að
ég tók ekki við yfirlýsingu um niður-
fellingu skulda í september síðastliðn-
um.
- Helgi Sigurðsson, lögmaður gamla
Kaupþings
KJÖRKASSINN