Fréttablaðið - 07.11.2008, Blaðsíða 53
FÖSTUDAGUR 7. nóvember 2008 33
HVAÐ? HVENÆR? HVAR?
Föstudagur 7. nóvember 2008
➜ Tónleikar
21.00 Guitar Islancio leikur nýtt efni á
afmælistónleikum í Salnum en tríóið á
10 ára afmæli. Salurinn, Hamraborg 6,
Kópavogi.
21.00 Vodkasongs Valur
Gunnarsson leikur efni af nýút-
kominni plötu á tónleikum í
tilefni af 91 árs afmæli rúss-
nesku byltingarinnar. Einnig
kemur fram Ingó frá Indi-
gó. Café Cultura, Alþjóða-
húsi, Laugarvegi 37.
22.00 Hvanndalsbræður verða með
órafmagnaða tónleika á Græna hattin-
um. Færeyskt og rússneskt þema verður
allsráðandi og þriðji hver Færeyingur og
Rússi fá frítt inn. Húsið opnar kl. 21.
➜ Fyrirlestrar
12.00 Umboðsmaður Alþingis - 20
ár að baki Tryggi Gunnarsson flytur
fyrirlestur í Háskólanum á Akureyri,
L201, Sólborg V/Norðurslóð.
➜ Sýningar
Systurnar Sigrún og Ólöf Einarsdætur
sýna gler- og textílverk í anddyri Salar-
ins, Hamraborg 6, Kópavogi.
➜ Safnahelgi
Safnahelgi á Suðurlandi 7.-9. nóv.
Söfn um allt Suðurland og í Vestmanna-
eyjum bjóða upp á fjölbreytta menning-
ardagskrá um helgina. Dagskrá og frek-
ari upplýsingar www.sofnasudurlandi.is.
➜ Listahátíð
Unglist Listahátíð ungs fólks stendur
yfir 7.-11. nóv. Ókeypis er á alla viðburði.
Nánari upplýsingar á www.unglist.is.
➜ Myndlist
Hátíð trjánna - list í þágu barna Hjá
Sævari Karli í Bankastræti stendur yfir
sýning á verkum ellefu listamanna sem
seld verða á uppboði til styrktar Barna-
heillum á Íslandi. Nánari upplýsingar á
www.myndlist.is.
Orð Guðs Í Listasafninu á Akureyri
stendur yfir sýning á verkum eftir sex
listamenn sem fjalla um og vekja upp
spurningar um ýmsa þætti kristinnar
trúar. Opið alla daga nema mán. kl. 12-
17. Listasafnið á Akureyri, Kaupvangs-
stræti 12.
Upplýsingar um viðburði sendist á
hvar@frettabladid.is
Tvö Schubert-kvöld verða haldin í Íslensku óper-
unni í þessum mánuði, þar sem hinir geysifögru
ljóðaflokkar Schuberts, Malarastúlkan fagra og
Vetrarferðin, verða fluttir. Fyrra kvöldið er
sunnudaginn 9. nóvember næstkomandi kl. 20,
en þá flytur Hlöðver Sigurðsson tenór sem
nýlega hefur lokið söngnámi, Malarastúlkuna
fögru, ásamt Antoníu Hevesi, píanóleikara við
Íslensku óperuna.
Malarastúlkan fagra er söngljóðaflokkur eftir
Franz Schubert við texta Wilhelms Müller og er
einn sá þekktasti sem saminn hefur verið. Verk-
ið er skrifað fyrir háa söngrödd og píanó, og er
oftast flutt af karlmanni, þar sem í textanum
segir frá ungum manni og óendurgoldinni ást
hans á ungri stúlku. Þáttur píanósins í verkinu
er afar stór og því gegnir píanóleikarinn veiga-
miklu hlutverki á tónleikunum. Müller gaf ljóðin
út árið 1820 og þremur árum síðar samdi Schu-
bert tónlist við þau, 26 ára að aldri. Hann notaði
alls 20 kvæði úr ljóðaflokknum í verk sitt, sem
talið er meðal hans lykilverka. Síðar samdi Schu-
bert annan söngljóðaflokk við ljóð Müllers,
Vetrarferðina, sem verður flutt í Íslensku óper-
unni síðar í mánuðinum.
Hlöðver og Antonía gáfu út geisladisk með
Malarastúlkunni fögru árið 2005, þar sem text-
inn var fluttur á íslensku í þýðingu Guðmundar
Hansen Friðrikssonar. Á tónleikunum nú verður
textinn hins vegar fluttur á þýsku eins og venja
er til, en íslenska textanum verður varpað upp á
tjald á sviðinu á tónleikunum. Enn fremur verða
sýndar þar landslagsljósmyndir úr smiðju sr.
Braga J. Ingibergssonar. Bálkurinn er viður-
kenndur sem einn fegursti lagaflokkur sem sam-
inn hefur verið og er í miklum metum hjá aðdá-
endum tónskáldsins sem nú fá fágætt tækifæri
til endurfunda við listaverkið. - pbb
Malarastúlkan fagra
TÓNLEIKAR Hlöðver Sigurðsson syngur bálkinn til
malarastúlkunnar í Gamla bíói á sunnudag.
Vegna mikillar aðsóknar verður
Augnasinfónía, sýning Braga
Ásgeirssonar á Kjarvalsstöðum,
framlengd til 4. janúar næstkom-
andi. Um fimmtán þúsund gestir
hafa nú séð sýninguna og fer
aðsókn síst dvínandi. Bragi hefur
sjálfur reglulega tekið þátt í
leiðsögn um sýninguna og mun
næst gera það á sunnudag kl. 15. Í
fylgd með Braga um sýninguna
fer náin samstarfskona hans,
Sigurlaug Ragnarsdóttir, og munu
þau ræða um einstök verk og feril
Braga. Sýningin spannar sextíu ár
í lífi Braga Ásgeirssonar en
sýningarstjórinn Þóroddur
Bjarnason hefur kosið að skipta
henni upp í fjögur tímabil sem
greinast fremur á milli miðla en
umfjöllunarefna. Bragi hefur
helgað myndlistinni líf sitt, ekki
einungis sem listamaður heldur
einnig í stoðgreinum listanna svo
sem kennslu, greinaskrifum og
listrýni, en auk þess var hann á
tímabili mikilvirkur í félagsstarfi
myndlistarmanna. - vþ
Sýning Braga
framlengd
SJÁLFSMYND Sýning á verkum Braga
Ásgeirssonar á Kjarvalsstöðum hefur
notið mikilla vinsælda.