Fréttablaðið - 25.11.2008, Blaðsíða 11
ÞRIÐJUDAGUR 25. nóvember 2008 11
Alltof margir greiða fyrir líkamsrækt
sem þeir stunda ekki. Björn er ýkt dæmi
um slíkan „styrktaraðila“. Hann skrifar:
„Ég keypti kort hjá Hreyfingu í júní 2007
og þá var dregið af visa-kortinu mínu
3.690 kr. á mánuði. Ég mætti reyndar
ekki í einn tíma eftir að ég keypti kortið
og ári seinna sé ég á visa-reikningnum að
ég var að borga 6.900 kr. á mánuði. Þegar
ég ætlaði að segja kortinu upp var mér
tjáð að ég hefði bundið mig til 36 mánaða
og þar sem ég hafi ekki gert athugasemd-
ir við hækkunina þá hafi þau tekið hana
sem samþykkta. Mér var boðið að borga
47.610 kr. í riftunarsamning. Ég spyr: Er
hægt að binda fólk í svona langan tíma?
Er ekki hámarkstími 6 mánuðir? Og er
þetta lögleg hækkun úr 3.690 í 6.900
kr.?“
Ágústa Johnson svarar:
„Hreyfing leggur mikla áherslu á
að skilmálar samninga við
viðskiptavini séu skýrir, vel
læsilegir og sanngjarnir. Á
framhlið samningsins kemur
fram klausa sem Björn kvittaði
sérstaklega fyrir að hafa lesið. Þar
kom fram að starfsemi
Hreyfingar væri að flytja í
nýtt og betra húsnæði og
að breytingar yrðu á
verðskránni á þeim
tímamótum. Ef óskað
væri eftir að slíta
samningi vegna hækkunarinnar var
heimilt að gera það í janúar 2008
gegn 5.000 kr. riftingargjaldi.
Okkur þykir leitt að Björn
skyldi ekki nýta kortið sitt í
Hreyfingu og við hvetjum
hann til að koma til okkar
sem fyrst og byrja að æfa og
nýta kortið sitt. Innifalið í
aðildinni hans er einnig
sundkort sem gildir í allar
sundlaugar ÍTR svo hann
gæti verið að fá mikið
fyrir peninginn sinn
ef hann bara kysi
það.“
Neytendur: Játningar „styrktaraðila“ líkamsræktarstöðvar
Keypti kort til þriggja ára en mætti einu sinni!
Í dag: Egilsstaðir, Hótel Hérað – kl. 20.00
Staðir: Selfoss, Hótel Selfoss – 26. nóvember kl. 18.00
Reykjavík – Útifundur á Ingólfstorgi – 27. nóvember kl. 17.00
Dagskrá: Áfram Ísland – fyrir hag heimilanna. Hvert skal halda?
Gylfi Arnbjörnsson, forseti ASÍ
Pallborð: Formenn landssambanda og stærstu félaga ASÍ sitja fyrir svörum
Tónlistaratriði, skipulagt í samvinnu við FÍH
Forystumaður stéttarfélags í heimabyggð kynnir drög að
ályktun fundarins
Í lokin verður boðið upp á kaffispjall
ÁFRAM
ÍSLAND
– fyrir hag heimilanna
Fundarherferð ASÍ um landið í samstarfi við aðildarfélögin
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
STJÓRNMÁL Birkir Jón Jónsson,
þingmaður Framsóknarflokksins
og fulltrúi hans í bæjarstjórn
Fjallabyggðar, sækist eftir
embætti
varaformanns
Framsóknar-
flokksins.
Forystukjör
verður á flokks-
þingi Fram-
sóknar í janúar.
Í tilkynningu
kveðst Birkir
hafa fengið
margar
áskoranir um
að sækjast eftir forystuhlutverki
í flokknum. Segir hann ákvörðun
um að gefa kost á sér í embætti
varaformanns hafa verið tekna að
vel ígrunduðu máli.
Birkir er 29 ára Siglfirðingur.
Hann hefur setið á þingi í fimm
ár en var áður aðstoðarmaður
félagsmálaráðherra. - bþs
Forysta Framsóknarflokksins:
Birkir vill verða
varaformaður
BIRKIR JÓN
JÓNSSON
SÓMALÍA, AP Amr Moussa, leiðtogi
Arababandalagsins, hvetur
arabaríki til að beita sjóher sínum
gegn sjóræningjum við austur-
horn Afríku.
„Það ætti að vera sameiginleg-
ur herafli arabaríkja sem
byggður er á ákvæðum og anda
arabaráðstefnanna,“ sagði
Moussa í gær í Kaíró í Egypta-
landi, og vísaði til varnarsamn-
ings arabaríkjanna.
Herskip frá NATO, Bandaríkj-
unum og fleiri ríkjum fylgjast
með siglingaferðum á sjóræn-
ingjaslóðunum út af Sómalíu, en
flest þessi herskip hafa afar
takmarkað umboð til að bregðast
við. - gb
Leiðtogi Arababandalagsins:
Vill aðgerðir
gegn sjóránum
DREGNIR FYRIR DÓM Átta sómalskir
sjóræningjar eru í haldi í Kenía.
NORDICPHOTOS/AFP
Stjórn Slökkvistöðvar höfuðborgar-
svæðisins hefur hafnað boði fyrir-
tækisins Tréfags um kaup á byggingu
undir slökkvistöð við Víkurhvarf í
Kópavogi. Stjórnin segir að staðsetn-
ingin og húsnæðið henti ekki.
SKIPULAGSMÁL
Hafna lóð fyrir slökkvistöð
HEILBRIGÐISMÁL Íslenskir ungling-
ar drekka meira af gosdrykkjum
en unglingar annars staðar á
Norðurlöndum og um helmingur
unglinga á Íslandi neytir umtals-
vert meira af gosdrykkjum en
unglingar í nágrannalöndum
okkar. Þetta kemur fram í
norrænni skýrslu um áhættumat
vegna neyslu koffíns sem birtist í
október. Skýrslan er liður í
samstarfi á vegum Norrænu
ráðherranefndarinnar.
Matvælastofnun heldur opinn
fræðslufund um koffín í dag, í
umdæmisskrifstofu stofnunarinn-
ar í Reykjavík að Stórhöfða 23
klukkan 15.00. - kg
Íslenskir unglingar:
Neyta meira
koffíns en aðrir