Fréttablaðið - 25.11.2008, Blaðsíða 30

22 25. nóvember 2008 ÞRIÐJUDAGUR
folk@frettabladid.is
Í dag er stór dagur fyrir
íslenska pönkáhugamenn því
þrjátíu ár eru liðin síðan
Fræbbblarnir komu fram í
fyrsta skipti. „Þetta var í
Kópavogsbíói á Myrkramessu
MK,“ segir Valgarður Guð-
jónsson, Valli í Fræbbblunum.
„Það var menningarleg sam-
koma, ræður, ljóðalestur og
kórinn söng. Við vorum auð-
vitað alveg út úr kú. Þurftum
að hafa mikið fyrir því að fá
að spila því skemmtinefndin
reyndi með öllum tiltækum
ráðum að útiloka okkur. Sem
betur fer áttum við hauk í
horni sem kom okkur inn.“
Fræbbblarnir spiluðu tvö
Sex Pistols-lög og „Police &
Thieves“ með The Clash. Síðar
skrifaði Ingólfur A. Þorkels-
son, skólameistari í Sögu MK:
„Hávaðinn var ærandi og
hljóðfærin voru barin án
miskunnar.
Söngurinn var sem öskur úr
ungum bola og söngstíllinn
harður, allt að því ógnandi og
framkoma sveitarinnar öll hin
fáránlegasta.“
„Það voru samt einhverjir í
salnum sem höfðu gaman af
þessu og meira að segja
mamma eins vinar okkar, man
ég,“ segir Valli. Fræbbblarnir
starfa enn og 87 lög liggja
eftir sveitina á plötum. „Við
ætlum að þrjóskast við og
gera allavega eina plötu í við-
bót. Hún kemur líklega út á
næsta ári og vinnuheitið er
Puttinn. Textarnir voru upp-
haflega hugsaðir sem minn-
ingargreinar um drullusokka,
bæði raunverulega og skáld-
aða, en ég veit ekki hvort ég
held það þema út á heilli
plötu.“
Fræbbblarnir spila á Grand
Rokk á fimmtudagskvöldið,
aðallega nýtt efni, en nokkra
klassíkera í bland. Aðgangur
er ókeypis. - drg
Fræbbblarnir þrjátíu ára
VIÐ VORUM ALVEG ÚT ÚR KÚ Fræbbblarnir pönka í árdaga.
> GEORGE FYRIR DÓM
Fyrrum forsprakki eitís-hljómsveit-
arinnar Culture Club, Boy George,
er fyrir rétti um þessar mundir. Er
söngvarinn ásakaður um mannrán á
norsku fyrirsætunni Auðunni Carlsen.
Fram kom við réttarhöldin í gær
að George hefði handjárn-
að Carlsen við vegg skömmu
eftir að hann tók nektar-
myndir af Norðmanninum.
Rúnar Júlíusson gerir upp
feril sinn á þrefaldri plötu.
Rúnar er enn að þrátt fyrir
45 ár í bransanum. Hann
segist markvisst vinna að
því að fresta hrörnuninni,
eins og hann orðar það.
„Ég hef alltaf verið með nýja plötu
á hverju ári, en nú staldra ég við
og lít yfir farinn veg. Svo hefst
leikurinn á ný eftir áramót,“ segir
Rúnar Júlíusson, Hr. Rokk, en fer-
ill hans er rakinn á þrefaldri plötu,
Söngvar um lífið, sem er nýkomin
út. „Fyrstu lögin á disknum eru
frá 1966. Þá vorum við í útrás og
náðum samningum við plötufyrir-
tæki Bítlanna, Parlophone, og Col-
umbia í Bandaríkjunum, sem var
og er ein stærsta útgáfa í heimi.
Það var ansi mikil bjartsýni í loft-
inu á þessum tíma og sú bjartsýni
hefur svo sem ekkert dofnað, að
minnsta kosti ekki hvað mig
varðar; draumurinn er enn þá til
staðar.“
Rúnar kom í fyrsta skipti fram
með Hljómum 5. október 1963 í
Krossinum, þá 18 ára gamall.
„Það var spilað streit í fimm tíma,
einhver 100-200 lög. Ég var í
feimniskasti og nýr á bassanum.
Maður hafði ekki fullt sjálfs-
traust, og maður er svo sem enn
þá að vinna í því. Ég hélt upp á 45
ár í bransanum nú í október og
spilaði tvö gigg sama daginn, á
hippahátíð í Vestmannaeyjum og
með Karlakór Keflavíkur í Kefla-
vík.“
Rúnar hefur ekki tölu á skipt-
unum sem hann hefur spilað.
„Nei, ég hef enga hugmynd. Sum
árin hafa þetta kannski verið 250-
300 gigg á ári. Ég hef dregið
aðeins úr þessu í seinni tíð. Maður
hefur ekki sömu orkuna. Ég get
ekki gert það sem ég gat áður og
þá geri ég það bara öðruvísi. Ég
reyni samt að fresta hrörnuninni
eins og ég get. Fer í morgungöngu
í hvaða veðri sem er kl. 7 og lyfti
síðan í Lífsstíl.“
Rúnar vonar það besta og er
bjartsýnn að vanda. „Ég hef alltaf
verið eigin herra og sé því ekki
fram á atvinnuleysi. Ef maður er
einhvers virði hefur maður alltaf
eitthvað að gera. Maður vonar
bara að það bresti ekki á með
landsflótta því þá verður ekkert
sérlega gaman fyrir þá sem eftir
húka. Þjóðlífið þrífst á öðru fólki.“
drgunni@frettabladid.is
Rúnar Júl staldrar við
LÍTUR YFIR FARINN VEG Söngvar um lífið er glæsileg þriggja diska útgáfa með Rúnari
Júlíussyni. MYND/ÞORFINNUR SIGURGEIRSSON
„Þetta er spennandi.“
gerður kristný / mannamál, stöð2
„… hrífandi frásögnin er hagan-
lega fléttuð inn í meistaralega
byggt verkið.“
einar falur ingólfsson, morgunblaðið
„... margslungin saga um ást,
missi, og það að vera til.“
eiríkur guðmundsson
„Það er hrein unun að lesa texta
sem er svona þaulunninn ...“
úlfhildur dagsdót tir, www.bokmenntir.is
HOTEL CABIN
Hin rómaða þakkargjörðarveisla Hótel Cabin verður
haldin dagana 27. og 28. nóvember.
Í hádeginu 27. og 28. nóvember.
Fimmtudagskvöldið 27. nóvember
og föstudagskvöldið 28. nóvember.
Verð einungis: 2.550 kr. í hádeginu
2.950 kr. á kvöldin
Léttir djasstónar verða leiknir yfir borðhaldi
á föstudagskvöldinu.
Borðapantanir í síma 511 6030
Stærri hópar (50 manns eða fleiri) geta fengið salinn á
7. hæð út af fyrir sig.
ÞAKKARGJÖRÐAR
KALKÚNN
Á HÓTEL CABIN
„Það eru gróusögur um að við séum
háð einum banka og ef hann fer þá
förum við líka en það er bara ekki
þannig,“ segir Rakel Garðarsdóttir
hjá leikhópnum Vesturporti þar sem
fjöldi verkefna er fram undan.
„Þegar við förum á festivöl borga
þau okkur fyrir að koma og síðan
erum við háð því að fá frá mennta-
málaráðuneytinu og höfum líka
verið í samstarfi við Reykjavíkur-
borg. Það eru margir búnir að vera
góðir við okkur og það er langt í frá,
þótt einn banki fari á hausinn, að við
deyjum,“ segir Rakel og bætir við
að samstarf Vesturports við Lands-
bankann hafi klárast áður en efna-
hagskreppan skall á. Nefnir hún
jafnframt Bílaleigu Akureyrar sem
nýjan samstarfsaðila Vesturports.
Fram undan hjá leikhópnum er
sýningin Dubbeldusch sem verður
frumsýnd í Hafnarfjarðarleikhús-
inu í janúar. Eftir það taka við sýn-
ingar á Faust í Hong Kong í febrúar
og þar á eftir verður leikritið Ham-
skiptin sýnt í Ástralíu og Tasmaníu.
Þar mun Lára Sveinsdóttir hlaupa í
skarðið fyrir Nínu Dögg Filippus-
dóttur sem er upptekin við að leika í
Don Juan í London. Gísli Örn Garð-
arsson, sem leikur á móti henni í
Don Juan, fékk aftur á móti leyfi til
að ferðast með Vesturporti og tekur
hann því þátt í uppfærslunni í
Ástralíu og Tasmaníu. - fb
Ekki á dánarbeði
HAMSKIPTIN Vesturport sýnir leikritið
Hamskiptin í Ástralíu og Tasmaníu á
næsta ári.