Fréttablaðið - 25.11.2008, Blaðsíða 34

26 25. nóvember 2008 ÞRIÐJUDAGUR
sport@frettabladid.is
HANDBOLTI Einn eftirsóttasti hand-
boltamaður landsins þessa dagana
er örvhenta stórskyttan Rúnar
Kárason sem spilar með Fram.
Rúnar hefur vakið mikla athygli
hjá erlendum félögum upp á síð-
kastið og fátt sem bendir til þess
að hann muni leika á Íslandi næsta
vetur.
Rúnar spilaði með Fram gegn
Gummersbach um helgina og fór
síðan í gærmorgun til Berlínar
þar sem hann hitti forráðamenn
þýska úrvalsdeildarfélagsins
Fuchse Berlin að máli en félagið
hefur haft mikinn áhuga á Rúnari
um nokkurn tíma.
„Ég var með íþróttastjóra
félagsins í dag og hann sýndi mér
aðstöðu félagsins og nýju, glæsi-
legu höllina þeirra. Mér leist ágæt-
lega á þetta og mun bara skoða
þetta mál,“ sagði Rúnar við Frétta-
blaðið í gær. Aðalástæðan fyrir
því að hann ætlar ekki að taka
neina ákvörðun með Berlín strax
er sú staðreynd að hann vill fara
til Danmerkur.
„Draumurinn minn er að detta
inn vonandi fljótlega. Ég hef verið
að láta mig dreyma um að spila
með FCK í Kaupmannahöfn og
viðræður við þá eru farnar í gang,“
sagði Rúnar sem bíður ekki eftir
því að draumarnir rætist af sjálfu
sér heldur hjálpaði til við að láta
þennan draum rætast.
„Ég byrjaði að hafa samband
við félagið sjálfur í haust, sendi
spólur til þjálfarans [Magnus And-
ersson] og hann horfði svo loksins
á spólurnar, varð hrifinn og
hringdi í mig í kringum síðasta
landsliðsverkefni. Það væri afar
spennandi byrjun á mínum
atvinnumannaferli að spila með
þessu sterka liði frá Kaupmanna-
höfn. Það er ekki of stórt stökk.
Kýs það frekar en að fara til
Þýskalands í upphafi. Ég sé mig
frekar vaxa þar en í Þýskalandi
þar sem ég vil svo spila síðar,“
sagði Rúnar brattur. Hann segir
Andersson hafa verið afar jákvæð-
an í hans garð og vildi ólmur fá
hann til að skoða aðstæður og
spjalla. FCK vantar styrkingu í
stöðu Rúnars og því ekki skrítið að
Andersson hafi áhuga á að kló-
festa Rúnar.
Rúnar hélt beint frá Berlín aftur
til Kölnar þar sem hann fékk að
gista hjá Róberti Gunnarssyni en
þeir félagarnir fóru síðan til móts
við íslenska landsliðið í morgun.
Það eru mikil meiðsli á hægri
vængnum hjá landsliðinu og því
fær Rúnar að spila talsvert stórt
hlutverk með landsliðinu gegn
Þjóðverjum um næstu helgi.
„Vonandi fær maður tækifæri
og nýtir það tækifæri vel. Ég verð
að nýta þau tækifæri sem ég fæ til
þess að minna á mig,“ sagði Rúnar
að lokum.
henry@frettabladid.is
Draumur minn er að fara til FCK
Stórskyttan efnilega, Rúnar Kárason, segir að það sé draumur sinn að spila með danska úrvalsdeildarfélag-
inu FCK. Rúnar skoðaði aðstæður hjá þýska félaginu Fuchse Berlin í gær. Rúnar kom sér sjálfur í samband
við FCK, sendi þjálfaranum spólur með sér sem hreifst af stráknum efnilega og hringdi í hann.
ÖFLUGUR OG EFTIRSÓTTUR Rúnar Kárason skoðaði aðstæður hjá Fuchse Berlin í gær
en vill helst komast til FCK í Danmörku. FRÉTTABLAÐIÐ/VALLI
> Kristinn dæmir í Úkraínu
UEFA hefur úthlutað Kristni Jakobssyni leik
Shaktar Donetsk og Basel í næstu umferð
Meistaradeildarinnar en leikurinn fer fram
á morgun. Heimildir Fréttablaðsins
hermdu að Kristinn fengi þennan leik
eða viðureign Álaborgar og Celtic og
úr varð að Kristinn fer til Úkraínu.
Þetta er fyrsti leikurinn í Meistara-
deildinni sem Kristinn dæmir og
mikil viðurkenning á hans störfum að
fá þennan leik en Kristinn hefur lengi
stefnt að því að ná þessu markmiði.
Verður áhugavert að fylgjast með
framgöngu hans í leiknum.
FÓTBOLTI Fimmta umferð Meist-
aradeildarinnar hefst í kvöld með
átta leikjum.
Lítil spenna er í E- og F-riðlum
en þar eru Man. Utd, Villarreal,
Lyon og Bayern München svo
gott sem öll komin áfram.
Meiri spenna er í G- og H-
riðlum. Arsenal er í basli þessa
dagana og þarf að klára Dynamo
Kiev heima til að lenda ekki í
frekari vandræðum. Kiev jafnar
Arsenal að stigum með sigri og
Porto gæti skotist upp fyrir
Arsenal með sigri á Fenerbahce.
Real Madrid má svo afar illa
við því að misstíga sig gegn
Valsbönunum í BATE Borisov en
töpin tvö gegn Juventus hafa
komið risanum frá Madríd í
nokkur vandræði. Madrídingar
treysta því á að Juventus standi
sig í Pétursborg. - hbg
Meistaradeild Evrópu:
Arsenal þarf að
klára Kiev
LEIKIR KVÖLDSINS:
E-riðill:
Villarreal-Man. Utd Sport 3
Álaborg-Celtic
F-riðill:
Bayern München-Steaua Búkarest
Fiorentina-Lyon
G-riðill:
Arsenal-Dynamo Kiev Stöð 2 Sport
Fenerbahce-Porto
H-riðill:
BATE Borisov-Real Madrid Sport 4
Zenit St. Petersburg-Juventus
HANDBOLTI Guðmundur Guðmunds-
son landsliðsþjálfari valdi sextán
leikmenn sem munu mæta Þjóð-
verjum í tveim vináttulandsleikj-
um um næstu helgi. Íslenska liðið
leikur einnig æfingaleik gegn
Dormagen á fimmtudag en Guð-
mundur þjálfaði það félag á sínum
tíma.
Gríðarleg forföll eru í íslenska
landsliðinu og vantar sex stráka
úr silfurhópnum í sumar. Ólafur
Stefánsson gefur ekki kost á sér
og þeir Snorri Steinn Guðjónsson,
Alexander Petersson, Ásgeir Örn
Hallgrímsson, Arnór Atlason og
Sigfús Sigurðsson eru allir meidd-
ir. Þarna vantar báða miðjumenn
liðsins sem og hægri vænginn.
„Það er vissulega mjög erfitt
við þetta að eiga og ekkert auðvelt
að mæta sterku liði Þjóðverja með
lið sem hefur ekki spilað mikið
saman. Engu að síður er þetta mik-
ilvægt tækifæri fyrir ungu strák-
ana og þeir munu fá að spila mikið.
Það er alveg ljóst,“ sagði Guð-
mundur og vísaði þar klárlega til
þeirra Arons, Rúnars og Sigur-
bergs sem allir hafa staðið sig vel
hér heima í vetur.
Guðmundur er að fara að stað
með svokallað 2012-landslið sem á
að vera byggt á framtíðarmönnum
landsliðsins. Kom ekki til greina
að gefa öllum fastamönnunum frí
og mæta með það lið til Þýska-
lands?
„Jú, það kom upp í umræðunni.
Þjóðverjarnir eru aftur á móti
búnir að auglýsa þessa leiki
grimmt og gera út á að þeir séu að
fara að mæta silfurliðinu frá ÓL
þannig að þeir yrðu ekkert kátir ef
við hefðum gert það. Þess vegna
förum við með þennan hóp sem er
okkar sterkasti sem stendur,“
sagði Guðmundur.
- hbg
Guðmundur valdi 16 manna leikmannahóp fyrir leikina gegn Þjóðverjum:
Tækifæri fyrir ungu strákana
HAUSVERKUR Það var ekki auðvelt verk fyrir Guðmund þjálfara að velja hópinn enda
margir leikmenn meiddir. FRÉTTABLAÐIÐ/VILHELM
LANDSLIÐSHÓPURINN
Markverðir:
Hreiðar Levý Guðmundsson Savehof
Björgvin Páll Gústavsson Bittenfeld
Aðrir leikmenn:
Aron Pálmarsson FH
Bjarni Fritzson St. Raphael
Einar Hólmgeirsson Grosswallstadt
Guðjón Valur Sigurðsson R-N Löwen
Ingimundur Ingimundarson Minden
Logi Geirsson Lemgo
Ragnar Óskarsson Dunkerque
Róbert Gunnarsson Gummersbach
Rúnar Kárason Fram
Sigurbergur Sveinsson Haukar
Sturla Ásgeirsson Düsseldorf
Sverre Andreas Jakobsson HK
Vignir Svavarsson Lemgo
Þórir Ólafsson Lübbecke
Davíð Hildiberg Aðalsteinsson stóð sig frábærlega á Íslandsmeistara-
mótinu í 25 metra laug sem fram fór í Laugardalslauginni um helgina.
Davíð vann fimm greinar og bætti sig mikið í þeim öllum.
„Ég er rosalega ánægður með hvernig gekk. Þetta var aðeins
betra en ég ætlaði mér,“ segir Davíð sem hefur mikinn
áhuga á öllu tengdu sundinu og fylgist meðal annars vel
með því sem er að gerast í sundheiminum. „Ég er aðallega
að fylgjast með tímum hjá mönnum og þegar einhver fer
á góðum tíma þá kíkir maður á Youtube og skoðar sundið
og reynir að læra eitthvað af þessu. Maður verður að hafa
áhuga á þessu til þess að nenna þessu því þetta
er íþrótt sem krefst rosalega mikils af öllum
frítíma,“ segir Davíð sem er einnig litríkur í
lauginni og fagnar oft á skemmtilegan hátt.
„Það er bara gaman að fagna aðeins.
Maður verður að sýna eitthvað en ekki
vera bara í lauginni og brosa kannski
smá,“ segir hann í léttum tón. Davíð
náði lágmarkinu á EM í 25 metra laug
um helgina en ætlar ekki að fara þar sem SSÍ borgar ekki fyrir sund-
fólkið á mótið og mótið er á sama tíma og prófin eru. Fram undan
er því keppnistímabilið í 50 metra lauginni. „Ég á að geta bætt mig
helling í 50 metra lauginni. Ég ætla að reyna að komast á mína fyrstu
smáþjóðaleika og mér finnst ég vera frekar pottþéttur þangað. Síðan
langar mig á HM í Róm en það verður erfiðara en að komast inn
á EM,“ segir Davíð.
Davíð náði langþráðu takmarki um helgina þegar hann náði að
synda undir tíma þjálfara síns, Eðvarðs Þórs Eðvarðssonar. „Það var
gaman að vinna tímana hans um helgina því ég var búinn að bíða
lengi eftir því,“ sagði Davíð sem bætti árangur Eðvarðs í 50 og
100 metra baksundi en þeir voru á sínum tíma Íslandsmet.
Davíð sýndi annars mikla yfirburði í öllum þremur bak-
sundsgreinunum. „Ég er í sérflokki í baksundinu þegar
Örninn er ekki með,“ svarar Davíð spurður um stóra sigra
sína um helgina og takmarkið er að ná Erni Arnarsyni
sem bætti baksundmetin mikið á sínum tíma. „Það
verður gaman að vinna hann einhvern tímann,“ segir
Davíð að lokum.
DAVÍÐ HILDIBERG AÐALSTEINSSON ÚR ÍRB: VANN FIMM EINSTAKLINGSGULL Á ÍM Í SUNDI UM HELGINA:
Það verður gaman að vinna Örn einhvern tímann
Vinningar verða afhendir hjá ELKO Lindum – Skógarlind 2. Með því að taka þátt ertu kominn í SMS klúbb. 149 kr/skeytið.
9. HVER
VINNUR
!
SENDU SMS EST MAM Á NÚMERIÐ 1900
- ÞÚ GÆTIR UNNIÐ MAMMA MIA Á DVD!
VINNINGAR: MAMMA MIA! Á DVD · ABBA SINGSTAR · TÓNLISTIN ÚR MYNDINNI MAMMA MIA!
PEPSI MAX · FULLT AF ÖÐRUM DVD MYNDUM OG TÖLVULEIKJUM.
LENDIR Í ELKO 27. NÓVEMBER