Fréttablaðið - 25.11.2008, Blaðsíða 31
ÞRIÐJUDAGUR 25. nóvember 2008 23
HVAÐ? HVENÆR? HVAR?
Þriðjudagur 25. nóvember 2008
➜ Tónleikar
20.00 Háskólakórinn ásamt hljóm-
sveit, flytur Messías eftir Georg Friedrich
Händel í Neskirkju við Hagatorg.
➜ Síðustu Forvöð
Í START ART listamannahúsi stendur
yfir sýning á verkum fimm listamanna
sem lýkur á miðvikudag. Listamennirnir
eru Gunnar Árnason, Guðbjörn Gunnars-
son, Sigríður Ágústsdóttir, Friðrika G.
Geirsdóttir og Guðbjörg Ringsted. START
ART, Laugavegi 12b. Opið þri.-lau. kl.
13-17.
➜ Bækur
17.15 Friðrik V., Júlíus Júlíusson
og Finnbogi Marinósson kynna bók
sýna „Meistarinn og áhugamaðurinn“
í Amtsbókasafninu, Brekkugötu 17,
Akureyri.
20.00 Rithöfundurinn Benoît Duteur-
tre kynnir bók sína „Litla stúlkan og
sígarettan“ ásamt Friðriki Rafnssyni þýð-
anda bókarinnar á Alliance Française,
Tryggvagötu 8.
➜ Myndlist
Ósk Vilhjálmsdóttir hefur opnað sýn-
ingu í Kubbnum, sýningarsal myndlistar-
deildar LHI, Laugarnesvegi 91. Opið
8.30-16 alla virka daga.
Tolli hefur opnað sýn-
ingu í Reykjavík Art Gall-
erý við Skúlagötu 30 sem
stendur til 23. des og
er opin alla daga nema
mán. frá kl. 14-17. Einnig
er sýning á verkum hans
í galleríinu Listamenn við
Skúlagötu 32 en sú sýn-
ing stendur yfir aðeins í
viku og er opin kl. 14-18.
Woman to go Myndlistarkonan Mat-
hilde ter Heijne sýnir verk í 101 Projects,
Hverfisgötu 18a. Opið mið.-lau. 14-17.
Upplýsingar um viðburði sendist á
hvar@frettabladid.is
Richey Edwards, fyrrverandi
textahöfundur og gítarleikari
hljómsveitarinnar Manic Street
Preachers, hefur verið úrskurð-
aður látinn, fjórtán árum eftir að
hann hvarf.
Þrátt fyrir að margir telji sig
hafa séð Edwards síðan hann
hvarf er talið að hann hafi framið
sjálfsvíg, enda fannst bíll hans
skammt frá Severn-brúnni í
Englandi sem margir hafa stokkið
fram af í gegnum árin. Áður
óbirtir textar eftir Edwards verða
notaðir á næstu plötu Manic
Street Preachers, sem er væntan-
leg á næsta ári.
Edwards loks
talinn af
MANIC STREET PREACHERS Hljómsveitin
hélt áfram störfum eftir hvarf Richey
Edwards.
„Okkur langaði að gera vandaða og metnaðarfulla jóla-
plötu á íslensku,“ segir Börkur Hrafn Birgisson um
jólaplötuna Rauð jól. Hann og Daði bróðir hans útsettu
plötuna í sameiningu, en bræðurnir reka útgáfuna og
hljóðstúdíóið Benzín music ehf.
„Við ákváðum að finna okkar uppáhalds jólalög og fá
uppáhaldssöngvarana okkar til að syngja þau. Við feng-
um Berg Ebba Benediktsson úr Sprengjuhöllinni til að
gera íslenska texta við erlend lög, en svo eru líka tvö
frumsamin lög eftir okkur Daða á plötunni,“ segir
Börkur, en Bergur Ebbi íslenskaði meðal annars text-
ann við hið víðfræðga Kóklag, I‘d like to teach the
world. „Eftir að við höfðum talað við Pál Óskar Hjálm-
týsson og gert „demó“ af laginu með honum, lá beint
við að leyfa Vífilfellsmönnum að heyra hugmyndina.
Þeim leist vel á og úr varð farsælt samstarf sem hefur
gefið af sér þessa plötu,“ útskýrir Börkur.
„Á plötunni eru glænýjar útsetningar af gömlum
lögum eins og One day at Christmas eftir Stevie
Wonder, sem verður í íslenskri þýðingu Dag einn á
jólum, í flutningi Stefáns Hilmarssonar. Elvis slagar-
inn Blue Christmas verður Blá jól í flutningi Kristjönu
Stefánsdóttur og svo er glænýtt lag á plötunni eftir
Eyjólf Kristjánsson sem heitir Aldrei verða án hans
haldin jól, svo eitthvað sé nefnt,“ segir Börkur, en plat-
an inniheldur alls tíu lög og er nú fáanleg í verslunum
Skífunnar. -ag
Rauð jól hjá Benzínbræðrum
NÝ JÓLAPLATA Bræðurnir Börkur Hrafn og Daði völdu sín
uppáhaldsjólalög og settu í íslenskan búning með hjálp Bergs
Ebba úr Sprengjuhöllinni.
Raunveruleikaþættir um hasar-
myndahetjuna Steven Seagal eru í
bígerð fyrir bandarísku sjón-
varpsstöðina A&E. Þættirnir fjalla
um lítt þekkt störf hans sem lög-
gæslumaður í Louisiana.
Seagal, sem er með sjöundu
gráðu svarta belti í aikido, hefur
meðfram leiklistinni starfað við
löggæslustörf á svæðinu Jeffer-
son Parish undanfarin tuttugu ár.
Auk þess að sinna hefðbundnu eft-
irliti er Seagal afburða skytta og
hefur hann starfað með sérsveit
svæðisins og kennt henni að með-
höndla skotvopn.
Í sjónvarpsþáttunum Steven
Seagal: Lawman verður fylgst
með Seagal þar sem hann ásamt
kollegum sínum reynir að stöðva
glæpamenn. Einnig verður fylgst
með einkalífi Seagal, þar á meðal
tónlistarferli hans. „Mér finnst
mikilvægt að sýna þjóðinni það
jákvæða starf sem á sér starf
hérna í Louisiana,“ sagði Seagal.
Seagal í sjónvarpið
STEVEN SEAGAL Hasarmyndahetjan
Steven Seagal verður aðalpersónan í
nýjum raunveruleikaþáttum.
NÝR DAGUR – NÝ HUGSUN
Ráðstefna um tækifæri framtíðarinnar
Dagskrá
Fundarsetning
Jón Ásbergsson, framkvæmdastjóri Útflutningsráðs
Ávarp
Ingibjörg Sólrún Gísladóttir utanríkisráðherra
Framsöguerindi
A New Future for Iceland: Re-inventing the country’s economy! – Adjiedj Bakas
Fyrir ungt fólk og framtíðina – Gylfi Arnbjörnsson, forseti ASÍ
Í túnfætinum heima – Sóley Elíasdóttir frumkvöðull
Heart Work – Mobilizing everyone’s energy to win – Claus Möller
Framtíðarlandið Ísland – Þór Sigfússon, formaður SA
Aðgangur ókeypis. Vinsamlegast tilkynnið þátttöku á netfangið utflutningsrad@utflutningsrad.is eða í síma 511 4000.
Nánari upplýsingar um ráðstefnuna og hina erlendu fyrirlesara er að finna á www.utflutningsrad.is.
Adjiedj Bakas Claus Möller
Mánudaginn 1. desember • Hilton Reykjavík Nordica • kl. 8.30–11.00
Adjiedj Bakas, framtíðarrýnir og forstjóri Trendwatcher,
og Claus Möller, stjórnendaráðgjafi og stofnandi Time Manager
International, munu horfa til framtíðar á tækifæri þjóðar á tímamótum
á ráðstefnu Útflutningsráðs Íslands fullveldisdaginn 1. desember.
Í erindum sínum munu þessir þekktu fyrirlesarar velta upp hinum ýmsu
möguleikum í atvinnulífinu og beina sjónum að þeim krafti sem býr í
íslensku þjóðinni.
Borgartún 35 • 105 Reykjavík • sími 511 4000 • www.utflutningsrad.is