Fréttablaðið - 25.11.2008, Blaðsíða 25

ÞRIÐJUDAGUR 25. nóvember 2008 17
UMRÆÐAN
Helgi Hjörv-
ar skrifar um
stjórn Seðla-
banka Íslands
Í Fbl. á laugardag svarar banka-
stjórn Seðlabanka
Íslands grein
minni „Stjarnfræðilegt vanhæfi“
sem birtist í blaðinu á föstudag og
var um bankann. Bankastjórn
Seðlabankans reynir í 23 tölusett-
um liðum að verja aðgerðir sínar
og aðgerðaleysi. Með svari sínu
staðfestir bankastjórnin í öllum
aðalatriðum gagnrýni mína og
þarflaust að leiðrétta það sem
rangt er farið með hjá henni, enda
nóg samt. Gríðarlegt tjón bank-
ans, viðbúnaðarleysi, viðvanings-
háttur, fát í gengisákvörðunum,
fum í vaxtaákvörðunum, ívilnanir
við útþenslu bankanna, kolröng
ráðgjöf um ríkisvæðingu Glitnis,
árangursleysi peningamálastefn-
unnar og margítrekaðar óheppi-
legar yfirlýsingar – allt stendur
það.
Það að bankastjórn Seðlabanka
Íslands telji sig knúna til að verja
sig í 23 tölusettum liðum vegna
aðsendrar greinar í dagblaði sýnir
best hve trausti rúinn bankinn er,
bæði hjá öðrum og sjálfstrausti
sínu. Allir eru á einu máli um að
fátt er mikilvægara í þeim erfið-
leikum sem fram undan eru en að
endurreisa traust og trúverðug-
leika bankans, því hann mun gæta
fjöreggs okkar. Það verður aðeins
gert með því að setja bankanum
faglega yfirstjórn. Þannig losnar
bankinn einnig úr pólitískum átök-
um sem á degi hverjum skaða trú-
verðugleika hans og starfsemi
alla.
Höfundur er alþingismaður.
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar
og bréf skulu vera stutt og gagn-
orð. Ein göngu er tek ið á móti efni
sem sent er frá Skoð ana síð unni
á vis ir.is. Þar eru nán ari leið bein-
ing ar. Rit stjórn ákveð ur hvort efni
birt ist í Frétta blað inu eða Vísi eða
í báð um miðl un um að hluta eða
í heild. Áskil inn er rétt ur til leið rétt-
inga og til að stytta efni.
UMRÆÐAN
Eyþór Arnalds skrifar um
gjaldmiðilsmál
Sú hugmynd að taka einhliða upp nýja mynt var slegin út af borð-
inu sem óraunhæf framan af ári.
Þótti mörgum ekki við hæfi að ein
ríkasta og þróaðasta þjóð í heimi
tæki einhliða upp mynt annarrar
þjóðar. Nú hálfu ári síðar er staðan
gjörbreytt á Íslandi. ESB-umræð-
an er góðra gjalda verð en hún
mun ekki duga til að við náum
tökum á ástandi því sem nú hefur
skapast enda fæst evra ekki hér
nema eftir mörg ár undir Maastr-
icht-skilyrðum. Þetta finna þær
þjóðir sem nú eru á leið inn í ESB
og eru í fjármála-
kreppunni miðri.
Til þess að ná
tökum á ástandinu
þarf skjótar
aðgerðir í gjald-
eyrismálum. IMF
leggur til að krón-
an verði sett á flot
með ofurvöxtum.
Sú leið mun verða
afar þung fyrir
fjölskyldur og fyrirtæki enda
rekstrargrundvöllur ærið erfiður
fyrir. Í síðasta mánuði tilkynnti
IMF um gjaldeyrislán til Íslands
en margt bendir til þess að ákveðn-
ar þjóðir séu að tefja afgreiðslu
lánsins vísvitandi. Nú hafa þau tíð-
indi gerst að farið er að ræða um
einhliða upptöku erlendrar myntar
í fullri alvöru og er það ekki síst
rökstutt með hliðsjón af þeirri
áhættu sem fleyting krónunnar
hefur í för með sér. Gjaldeyrislán
Íslendinga mundu verða notuð í
fleytingunni til að verja gengið og
tryggja viðskipti með krónuna.
Með hliðsjón af því hversu erfitt
það er fyrir ríkið að afla gjaldeyr-
islána og þeirri staðreynd að lán
þarf að greiða er rétt að skoða
aðrar leiðir þó ófullkomnar séu.
Heiðar Már Guðjónsson og
Ársæll Valfells skrifuðu gagn-
merka grein í Fréttablaðið nýlega
þar sem þeir bentu á að ekki þarf
að skipta út öllum umsvifum
bankakerfisins heldur eingöngu
grunninum. Þá telja þeir einhliða
upptöku evru ekki brjóta EES-
samninginn. Þarna væri gott að fá
viðhorf Evrópunefndar Alþingis
þar sem skilaboð ESB hafa verið á
annan veg. Áhættan við fleytingu
krónunnar með gríðarþungum
vöxtum er mikil fyrir þjóðina. Það
er því rétt að hafa skoðað þessa
leið ofan í kjölinn.
Auk evrunnar hafa bandarískur
dalur, norsk króna og svissneskur
franki einkum verið nefnd til sög-
unnar. Mikilvægt er að forystu-
menn stjórnmálaflokkanna láti
skoða þessar leiðir fordómalaust
með hagsmuni Íslands að leiðar-
ljósi og menn festist ekki í „sinni
lausn“ fyrir fram. Sú staða sem við
erum komin í kallar á ný vinnu-
brögð í stjórnmálum enda staðan
með eindæmum. Nú reynir á að
menn nái saman að vinna að þeirri
leið sem gagnast best fjölskyldum
og fyrirtækjum strax enda er lítill
tími til stefnu. Raunveruleg hætta
er á fjöldaatvinnuleysi og fólks-
flótta. Þess vegna þurfa stjórn-
málamenn að taka höndum saman
um grunninn sem hlýtur að lúta að
gjaldmiðlinum. Sá gjaldmiðill sem
er ekki gjaldgengur er gagnslaus.
Markmið gjaldmiðils er að varð-
veita verðmæti í viðskiptum. Í
þeirri stöðu sem Ísland er komið í
er betra að fá viðunandi niður-
stöðu hið fyrsta fremur en full-
komna niðurstöðu seint um síðir.
Höfundur er framkvæmdastjóri
og bæjarfulltrúi í Árborg.
Gjaldgengan gjaldmiðil: Já takk
HELGI HJÖRVAR
Stjórn Seðla-
banka þakkað
EYÞÓR ARNALDS
„...fyrst á visir.is“
...ég sá það á visir.is