Fréttablaðið - 04.12.2008, Qupperneq 10

4. desember 2008 FIMMTUDAGUR
LÖGREGLAN Helgi Magnús Gunnars-
son, saksóknari efnahagsbrota-
deildar Ríkislögreglustjóra, segir
að lögregluyfirvöld hafi skort fé og
mannafla til að rannsaka útrásar-
víkingana. Þetta kom fram í norska
fréttaskýringarþættinum Brenni-
depli í síðustu viku. Fréttablaðið
leitaði viðbragða frá Birni Bjarna-
syni dómsmálaráðherra. Ráðherra
tók fram að hann hefði ekki séð
þáttinn en svör hans fara hér á
eftir.
Ertu sammála saksóknaranum um
að efnahagsbrotadeild lögreglunn-
ar hafi liðið fyrir fjárskort og undir-
mönnun?
Undanfarin ár hefur sú gagnrýni
verið höfð í frammi, ekki síst í
Baugsmiðlum, að of miklum opin-
berum fjármunum hafi verið varið
til að undirbúa saksókn og ákæru á
hendur eigendum miðlanna auk
þess sem látið hefur verið í veðri
vaka, að slíkar rannsóknir og mála-
ferli séu með öllu óþörf. Sjónarmið
í sama dúr hafa meira að segja
komið fram á Alþingi. Þessum
skoðunum hef ég andmælt og beitt
mér fyrir aukafjárveitingum vegna
þess máls til að efnahagsbrotadeild
geti helgað sig öðrum verkefnum.
Helgi Magnús Gunnarsson hefur
undanfarið unnið að gerð ákæru á
hendur Baugi vegna skattabrota og
boðað, að hennar sé að vænta. Það
er mér nýmæli, ef dráttur á útgáfu
hennar stafar af fjárskorti.
Ef svo er – telur þú að áherslur
dómsmálayfirvalda hafi ekki verið
réttar og skipting fjármuna?
Skipting fjármuna hins opinbera
er ávallt álitamál jafnt á vettvangi
réttarvörslunnar og annars staðar.
Ég hef unnið að því að endurskipu-
leggja ákæruvaldið meðal annars á
sviði efnahagsbrota í því skyni að
efla það og styrkja. Þá hef ég lagt
fram frumvarp á Alþingi um skip-
an sérstaks saksóknara til að halda
utan um rannsókn og saksókn
vegna hugsanlegra refsilagabrota
og fengið samþykki ríkisstjórnar
til að stofna til nýrra útgjalda
vegna þess, sem er mikils virði við
núverandi aðstæður. Til hins er að
líta, að útgjöld í þágu rannsókna
lögreglu og saksóknar ákæruvalds
skila sér fljótt, ef í krafti þeirra
tekst að upplýsa fjármála- eða
skattabrot.
Ef svo er ekki – finnst þér þá óheppi-
legt að embættismaður tjái sig með
þessum hætti í erlendum fjölmiðli?
Almennt séð er ég þeirrar skoð-
unar, að opinberir embættismenn
og aðrir eigi að efla trú á störf sín
og embættisfærslu með yfirlýsing-
um sínum, hvort sem þeir tjá sig á
heimavelli eða erlendis. Vísasti
vegur til að draga úr tiltrú er að
þeir, sem á henni þurfa að halda,
veiki hana með orðum sínum. Nú
er fátt mikilvægara en að efla
traust innanlands og erlendis í garð
þeirra, sem sinna eftirliti og rann-
sóknum á sviði efnahags- og fjár-
mála. - kóp
Dómsmálaráðherra segir efnahagsbrotadeild lögreglu ekki skorta fé:
Lögreglan ekki í fjársvelti
PÓLLAND, AP Fulltrúar 190 ríkja
heims komu sér saman um það á
framhaldsráðstefnu Sameinuðu
þjóðanna um loftslagsmál á Balí í
Indónesíu fyrir ári að á fundi í
Kaupmannahöfn í desember 2009
yrði gengið frá nýjum loftslags-
samningi sem tæki við af Kyoto-
bókuninni svonefndu er hún renn-
ur úr gildi árið 2012. Nú virðist
það vera æ fjarlægara að takast
megi að standa við þetta fyrir-
heit.
„Það var of bjartsýnt frá upp-
hafi,“ sagði Eileen Clausen, for-
stjóri Pew Center on Global
Climate Change, stofnunar sem
fylgist með því hvernig loftslags-
málum reiðir af í meðförum
Bandaríkjaþings.
Fulltrúar nær allra landa heims
hafa setið á rökstólum í pólsku
borginni Poznan frá því á mánu-
dag til að leggja mat á undirbún-
ing nýs loftslagssáttmála. En
margir eru, eins og Clausen, efins
um að takast megi að ná sátt um
hann í Kaupmannahöfn að ári.
Yvo de Boer, æðsti embættis-
maður SÞ í loftslagsmálum, segir
mjög mikið undir því komið að
sátt náist um arftakasáttmála
Kyoto-bókunarinnar fyrir lok
næsta árs. En hann viðurkennir að
vafasamt sé að lokatexti slíks sátt-
mála muni liggja fyrir þá. - aa
ÞRÖNG Á ÞINGI Fulltrúar flestra ríkja
heims eru saman komnir á ráðstefnunni
í Poznan. FRÉTTABLAÐIÐ/AP
Framhaldsráðstefna Sameinuðu þjóðanna um loftslagsmál í Poznan í Póllandi:
Efi um sátt í Kaupmannahöfn
HELGI MAGNÚS
GUNNARSSON
BJÖRN BJARNASON
Dómsmálaráðherra
segir skiptingu fjár-
muna hins opin-
bera ávallt álitamál,
jafnt á vettvangi
réttarvörslunnar og
annars staðar.
Verið velkomin í Nettó
Mjódd - Salavegi - Hverafold
Akureyri - Höfn - Grindavík
...betra verð!
TILBOÐIN GILDA 4. - 7. DESEMBER
w
w
w
.m
ar
kh
on
nu
n.
is
AF BESTU LYST 3
2.399 kr
3.690 kr
ORÐSPOR
2.919 kr
4.490 kr
STEINDÝRIN
2.139 kr
3.290 kr
35%
afsláttur
35%
afsláttur
35%
afsláttur