Fréttablaðið - 04.12.2008, Qupperneq 44

Sjaldgæft er að hitta á laufa-
brauð í búðum sem bragðast
eins og heimagert en þannig
er það frá Hérastubbi bakaríi í
Grindavík.
„Ég er ekki mikill laufabrauðskarl
sjálfur því ég ólst ekki upp við það.
Svo þegar ég varð bakari söfnuðust
til mín uppskriftir að laufabrauði
því hver og einn vildi að ég bakaði
eftir hans forskrift. Ég ákvað að
taka sitt lítið úr hverri uppskrift og
gera mína eigin og lét sérfróða konu
prófa hana. Hún hleypti henni í gegn
og ég hef farið eftir henni í tólf
ár.“
Þannig lýsir Sig-
urður Enoksson, bak-
ari í Grindavík, til-
urð laufabrauðsins
sem hann er þekkt-
ur fyrir og þeir
sem reynt hafa sækj-
ast eftir. Sigurður
selur brauðið bæði steikt
og ósteikt og býður þrjár teg-
undir, hefðbundna úr hveiti, aðra
með rúgmjöli og þriðju með kúm-
eni. „Það er nauðsynlegt að hafa
fjölbreytni,“ segir hann og kveðst
líka kappkosta að hafa laufabrauðið
sem ferskast. „Sumir
byrja að steikja í
október en hjá mér
er það stór part-
ur af dagskránni
í desember.“
Sigurður
hefur rekið bak-
arí í Grindavík frá
árinu 1995. Það heitir
Héra stubbur bakarí, enda
kveðst hann ungur hafa kynnst sög-
unni um dýrin í Hálsaskógi. „Það
var bakarí hér áður, ég lærði meira
að segja þar, það hét bara Bakarí-
ið í Grindavík,“ segir hann og við-
urkennir að Hérastubbsnafnið hafi
komið upp í gríni. „Svo var nafnið
bara ákveðið og það fer ágætlega í
fólk. Það er oft reynt að plata mig til
að syngja piparkökusönginn en það
hefur ekki fengist í gegn enn þá!“
Sigurður átti heima í Hafnarfirði
fyrstu 16 ár ævi sinnar en kveðst
hafa skotið rótum í Grindavík enda
sé gott að vera þar. „Ég held uppi
áróðri í bænum um að kaupa ekki
bara íslenskt heldur kaupa grind-
vískt,“ segir hann og bætir við. „Nú
þegar kreppan er skollin á og við
komin aftur til fortíðar verðum við
að búa að okkar framleiðslu.“ - gun
4. DESEMBER 2008 FIMMTUDAGUR10 ● fréttablaðið ● veljum íslenskt
„Ég er ansi oft beðinn að syngja piparkökusönginn en það hefur ekki fengist í gegn
enn þá,“ segir Grindvíkingurinn Sigurður.
Laufabrauðið frá Hérastubbi er eins og heimagert brauð af bestu gerð. FRÉTTABLAÐIÐ/ANTON
Stór partur af dag-
skránni í desember
Fátt er íslenskara en harðfiskur enda er hann oft það fyrsta sem
fólki dettur í hug þegar rætt er um íslenska matreiðslu. Fisksölu-
skrifstofan í Hafnarfirði framleiðir harðfisk undir merkjunum Gull-
fiskur og Gæðafiskur.
„Fimm kíló af ferskum, roð- og beinlausum ýsuflökum eru notuð
til að búa til eitt kíló af harðfiski. Fisksöluskrifstofan notar sérstaka
kælda þurrkunaraðferð sem gerir það að verkum að næringargildið
heldur sér. Prótínhlutfallið er yfir áttatíu prósent en varan inniheld-
ur þar að auki Omega 3 fitusýrur og mikið af vítamínum og snefil-
efnum,“ segir Halldór Halldórsson, fjármála- og sölustjóri hjá Fisk-
söluskrifstofunni ehf.
Samkvæmt niðurstöðum vísindamanna Matís samsvara tvö-
hundruð grömm af Gullfiski og Gæðafiski heilu kílói af ferskum
roð- og beinlausum flökum í næringargildi. Harðfiskurinn inniheld-
ur þannig ríflega fimmfalt meiri næringu en sama þyngd af fersk-
um ýsuflökum.
„Gullfiskur og Gæða-
fiskur hefur ekki hækk-
að frá framleiðanda síðan
í byrjun þessa árs og verð
munu haldast óbreytt fram
yfir Þorra,“ segir Hall-
dór. -hs
Góðgæti úr hafinu
Harðfiskur er bragðgóður
og meinhollur. Hann er
því kjörinn aukabiti og
hentar vel sem nasl auk
þess sem hann er ómiss-
andi á þorranum.
MYND/FISKSÖLUSKRIFSTOFAN
Harðfiskurinn er landanum að góðu kunnur. NORDICPHOTOS/GETTY
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
NÝJAR BÆ
KUR
GAMALT V
ERÐ!