Fréttablaðið - 05.12.2008, Blaðsíða 24
24 5. desember 2008 FÖSTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 85
644 +0,75% Velta: 136 milljónir
MESTA HÆKKUN
ATORKA +30,95%
BAKKAVÖR +6,1%
ATLANTIC PETR. +3,13%
MESTA LÆKKUN
FØROYA BANKI -2,26%
EIMSKIPAFÉLAGIÐ -0,75%
MAREL -0,65%
HLUTABRÉF Í ÚRVALSVÍSITÖLU: Alfesca 3,80 +0,00% ... Atorka
0,55 +30,95% ... Bakkavör 3,48 +6,10% ... Eimskipafélagið 1,32
-0,75% ... Exista 4,62 +0,00% ... Icelandair Group 13,10 +0,00%
... Kaupþing 0,00 +0,00% ... Marel Food Systems 76,10 -0,65% ...
SPRON 1,90 +0,00% ... Straumur-Burðarás 7,08 +0,00% ... Össur
95,20 +2,70%
GENGISVÍSITALA KRÓNUNNAR: 239,9 -4,04%
MARKAÐSPUNKTAR
Össur hf. hefur gert samkomulag við
Nýja Kaupþing banka um framleng-
ingu á brúarláni sem tekið var vegna
kaupa á franska félaginu Gibaud í árs-
lok 2006. Lánið hefur verið framlengt
til 30. júní 2009. Eftirstöðvar nema
48,8 milljónum Bandaríkjadala (37,9
milljónum evra).
Norska hugbúnaðarfyrirtækið Opera
hefur gert aðgengilega forútgáfu af
næstu tegund netvafra félagsins,
Opera 10. Í útgáfunni er aukinn
stuðningur við nýja veftækni.
Danska flugfélagið Cimber Air segist
hafa keypt nafn, flugrekstrarleyfi
og vefsíður Sterling fyrir ótilgreinda
fjárhæð. Sterling, sem var í eigu Fons,
varð gjaldþrota í októberlok. Flugvélar
og starfsfólk fylgdu ekki í kaupunum
að því er fram kemur í frétt AP.
Byr, Sparisjóðurinn í Kefla-
vík og Spron vilja skoða
kosti þess að ganga í eina
sæng. Ekki neyðarráðstöf-
un, segja sparisjóðsstjór-
arnir.
„Við erum að horfa á þær erfiðu
aðstæður sem komnar eru upp í
íslensku efnahagslífi. Sameinaðir
sparisjóðir geta nýtt sér betur þau
sóknarfæri sem skapast þegar
markaðir komast í eðlilegt horf,“
segir Ragnar Z. Guðjónsson, spari-
sjóðsstjóri Byrs.
Sparisjóðurinn hefur skrifað
undir viljayfirlýsingu ásamt Spron
og Sparisjóði Keflavíkur að hefja
undirbúning og vinnu sem miði að
sameiningu sparisjóðanna.
Sparisjóðirnir þrír hafa skuld-
bundið sig til að ræða ekki við
aðra aðila um samstarf eða sam-
einingu á meðan að viðræður
standa yfir. Stefnt er að því að nið-
urstaða liggi fyrir eins fljótt og
hægt er en stofnfjáreigendur og
hluthafar verða boðaðir til fundar
í febrúarmánuði á nýju ári þar
sem tillögur að samruna verði á
borðinu. Gangi málið í gegn verð-
ur samruninn afturvirkur og tekur
gildi á nýársdag.
Þeir Ragnar og Geirmundur
Kristinsson, sparisjóðsstjóri í
Keflavík, hafna því báðir að þrýst
hafi verið á sameininguna. Þeir
segja sparisjóðina sjálfa hafa átt
frumkvæði að þreifingunum eftir
þær erfiðu aðstæður sem komu
upp hér á landi í kjölfar hruns við-
skiptabankanna þriggja fyrir
tveimur mánuðum.
Um það leyti var vinna langt
komin með yfirtöku Kaupþings á
Spron en Fjármálaeftirlitið átti
eftir að samþykkja samrunann.
Auk þess hafði
Glitnir lýst yfir
vilja til sam-
runa við Byr.
Ekki leið nema
um vika frá því
yfirlýsingin var
gefin út og þar
til ríkið tók
Glitni yfir.
Þreifingar voru
komnar skammt
á veg og viðræð-
ur um samruna ekki hafnar. Þeim
var slitið í kjölfarið.
Byr er ekki ókunnur samruna-
þreifingum en sparisjóðurinn varð
til á fyrri hluta síðasta árs með
sameiningu Sparisjóðs Hafnar-
fjarðar, Sparisjóðs vélstjóra og
Sparisjóðs Kópavogs en Sparisjóð-
ur Norðlendinga varð hluti af Byr
á vordögum.
Ekki náðist í Guðmund Hauks-
son, sparisjóðsstjóra Spron við
vinnslu fréttarinnar.
Þeir Geirmundur og Ragnar
segja viljayfirlýsinguna fyrsta
skrefið í samrunaátt og eigi eftir
að þróa áætlanir frekar auk þess
sem enn eigi eftir að skoða sam-
legðaráhrif. Farið verði í málið af
krafti bráðlega. „Menn þurfa að
vera opnir fyrir því að hugsa hlut-
ina upp á nýtt eftir breytingar í
þjóðfélaginu,“ segir Ragnar Z.
Guðjónsson. jonab@markadurinn.is
Sterkir saman í
breyttu ástandi
RAGNAR Z.
GUÐJÓNSSON
„Yfirlýsingar um að eignir íslensku
bankanna lendi ekki á brunaútsölu
komu of seint. Slælega horfir fyrir
björgun verðmæta,“ segir í nýrri
skýrslu greiningarfyrirtækisins
Credit Sights. Í henni er fjallað um
fall íslensku bankanna þriggja,
Landsbankans, Glitnis og Kaup-
þings, og farið yfir nýbirtan bráða-
birgðaefnahagsreikning þeirra.
Yfirskrift skýrslunnar er: „Tiplað
gegnum rústirnar.“
Credit Sights kemst að þeirri
niðurstððu að óvissa um mat á
verðmæti eigna, tímasetningar og
lagaflækjur geri að verkum að
ómögulegt sé að spá fyrir um
hversu mikil verðmæti sé að finna
í þrotabúum gömlu bankanna og
þar af leiðandi hversu miklum
afföllum kröfuhafar eigi að gera
ráð fyrir.
„Jafnvel þótt nýju bankarnir séu
í ríkiseigu getur íslenska ríkið tæp-
ast talist öflugur bakhjarl og á
þessu stigi virðist ólíklegt að gömlu
bankarnir geti átt viðskipti með
skuldabréf. Með öðrum orðum má
segja að afrakstur eignasölu sé lík-
legur til að vera smávægilegur í
hlutfalli við skuldir og erlendir
skuldabréfaeigendur ættu því að
búa sig undir mikil afföll,“ segir í
greiningu Credit Sights.
Fyrirtækið segir hins vegar þá
sem eigi kröfur á dótturfélög
gömlu íslensku bankanna, svo sem
FIH, sem Kaupþing átti, og Glitni
ASA í Noregi, vera í betri stöðu,
því staða þeirra virðist nokkuð góð,
hvort sem þau hafi verið seld eða
séu í greiðslustöðvun. - óká
Tiplað gegn um bankarústirnar
Credit Sights segir mikla óvissu um hve mikil verðmæti leynist í gömlu bönkunum.
EFTIR FELLIBYL Í BANDARÍKJUNUM Rústir íslenskra fjármálafyrirtækja eru ekki jafn
áþreifanlegar og eftir náttúruhamfarir. Greiningarfyrirtæki segir erfitt að átta sig á hve
mikil verðmæti sé í þeim að finna. FRÉTTABLAÐIÐ/AP
„Við notum tækifærið til þess að
fjalla um hvað er hér í gangi og
útskýra efnahagsástandið,“
segir Stefán Haukur Jóhannes-
son, sendiherra Íslands í Brus-
sel, spurður um nýleg lög um
gjaldeyrishöft og viðbrögð við
þeim úti í Evrópu.
Stefán Haukur segir að í dag
verði haldinn reglulegur fundur
EES-nefndarinnar, en þar sitja
fulltrúar EFTA-ríkja, Íslands,
Noregs og Liechtenstein, og full-
trúar Evrópusambandsins (ESB),
það er sameiginlega EES-nefnd-
in.
Íslendingar hafa þegar gert
öðrum aðildarríkjum EES-samn-
ingsins viðvart um gjaldeyris-
höftin og var það gert skriflega.
Percy Westerlund, sendiherra
ESB gagnvart Íslandi, vildi ekki
tjá sig um málið þegar eftir því
var leitað.
Frjálst flæði fjármagns er ein
fjögurra grunnstoða samnings-
ins um Evrópska efnhagssvæðið
(EES). Í samn-
ingnum er einn-
ig undanþága
til aðgerða af
þessu tagi.
Inge Hausk-
en Thygesen,
upplýsingafull-
trúi Eftirlits-
stofnunar
EFTA, segir að
málið þurfi að
fara fyrir sam-
eiginlegu EES-nefndina, sem í
framhaldinu meti hvort aðgerðir
Íslendinga falli undir undanþág-
una.
Stefán Haukur segir að engin
formleg viðbrögð hafi borist frá
öðrum ríkjum. Óformlega hafi
hins vegar verið spurt um hvers
eðlis gjaldeyrishöftin séu,
hversu lengi þau eigi að standa,
hversu margir verði fyrir áhrif-
um af lögunum og hversu miklar
upphæðir séu til umræðu.
- ikh, aa
Útskýra höftin fyrir ESB
STEFÁN HAUKUR
JÓHANNESSON
EFNAHAGSREIKNINGUR Á
FYRRI HLUTA ÁRS*
Sparisjóður Eignir Eigið fé Eiginfjárhl
Byr 226,1 45,3 23,5%
Spron 246,7 13,5 12,1%
SpKef 90,5 12,0 10,3
* Allar tölur í milljörðum króna
Evrópski seðlabankinn, Englandsbanki og sá
sænski lækkuðu allir stýrivextir verulega í
gær.
Menn eru sammála um að aðgerðirnar hafi
verið neyðarúrræði þar sem fyrri aðgerðir
bankanna hafi ekki náð að slá á áhrif efna-
hagskreppunnar sem liðið hefur yfir alþjóð-
legt hagkerfi síðastliðið ár.
Sænski seðlabankinn reið á vaðið og skar
vextina niður í tvö prósent. Englandsbanki
greip til sömu ráða en evrópski bankinn færði
þá niður í 3,25 prósent. Ákvörðun evrópska
seðlabankans olli nokkrum vonbrigðum, að
sögn Financial Times. Menn hafi vonast eftir
snarpari lækkun til að slá á áhyggjur manna
af kreppueinkennum á evrusvæðinu.
Stýrivextir bankanna hafa ekki verið lægri
í áraraðir. Englandsbanki leiðir þar lestina en
vextir þar í landi hafa ekki verið jafn lágir
síðan árið 1951. - jab
BANKASTJÓRI OG FORSÆTISRÁÐHERRA Stýrivextir
í Bretlandi hafa ekki verið lægri síðan árið 1951.
FRÉTTABLAÐIÐ/AFP
Snarpar lækkanir
Skeifan, Smáralind, Kringlan, Hafnarfjörður, Selfoss, Vestmannaeyjar, Egilsstaðir, Akureyri, Ísafjörður
Aðeins
3.495kr. áður 6.990 kr.
Aðeins
1.745kr. áður 3.490 kr.
Aðeins
1.245kr. áður 2.490 kr.
Aðeins
990kr. áður 1.980 kr.
Aðeins
1.245kr. áður 2.490 kr.
Aðeins
1.495kr. áður 2.990 kr.
sparaðu
50%
sparaðu
50%
sparaðu
50%
sparaðu
50%
sparaðu
50%
sparaðu
50%
Tilboðin gilda frá 03.12.08 til 08.12.08. Til þess að koma í veg fyrir að samkeppnisaðilar nýti sér tilboðin til innkaupa fyrir eigin verslanir má
hver og einn viðskiptavinur aðeins versla þrjár bækur af einstaka titli.