Fréttablaðið - 07.12.2008, Page 2

2 7. desember 2008 SUNNUDAGUR
ELDSVOÐI „Ég hef miklar áhyggjur
af eiginmanni mínum. Læknirinn
sagði mér að honum yrði leyft að
sofa í einhvern tíma vegna bruna-
sáranna, en mér er ekki leyft að
heimsækja hann,“ sagði Daisy
Arante Magnússon spítalastarfs-
maður, eiginkona Magnúsar
Helga Magnússonar valtara-
stjóra, sem brenndist illa þegar
eldur kom upp í íbúð þeirra hjóna
á annarri hæð fjölbýlishúss í
Álftamýri laust eftir hádegi í gær.
Magnúsi var enn haldið sofandi í
öndunarvél á gjörgæsludeild
Landspítalans í gærkvöldi. Daisy
brenndist lítillega á hendi í elds-
voðanum, en leið að eigin sögn
ágætlega þegar Fréttablaðið
talaði við hana í gær.
Að sögn Daisy voru tildrög
brunans sú að hún var að elda
svínaskanka, og notaði til þess
olíu, þegar hún þurfti að bregða
sér frá eldhúsinu í skamma stund.
Þegar Daisy sneri aftur var kom-
inn eldur í pottinn og eldhúsið
fullt af reyk. Meðan á þessu stóð
svaf Magnús í svefnherberginu.
Daisy lét hann vita af eldinum og
hófst því næst handa við að opna
glugga í stofunni til að hleypa
reyknum út, en Magnús hljóp inn
í eldhús til að freista þess að
slökkva eldinn.
Daisy segist því næst hafa
heyrt Magnús æpa hátt úr eldhús-
inu og hafi hún þá hlaupið þang-
að. Þá lá Magnús brenndur á eld-
húsgólfinu, en Daisy náði að reisa
hann upp og saman komust þau út
úr íbúðinni og út á stétt fyrir
framan húsið. Á leiðinni létu þau
nágranna sína vita af eldinum, og
höfðu þeir samband við Neyðar-
línuna. Slökkvilið kom á staðinn
fimm mínútum síðar og tók þá
einungis sex mínútur að ljúka
slökkvistarfi. Að sögn varðstjóra
var eldurinn staðbundinn í eld-
húsi íbúðarinnar, en reyk lagði
um alla íbúð og um ganga fjölbýl-
isins.
Læknir á gjörgæsludeild tjáði
Fréttablaðinu í gærkvöldi að
Magnús væri alvarlega brenndur
en þó ekki í lífshættu. Daisy seg-
ist vona það besta. „Það var
greinilegt á eiginmanni mínum að
sársaukinn var mikill. Ég vona
bara að allt fari eins vel og kostur
er,“ segir Daisy, sem er frá Filipps-
eyjum. Hún hefur búið á Íslandi í
tæp þrjú ár og giftist Magnúsi í
fyrra. kjartan@frettabladid.is
Það var greinilegt á eig-
inmanni mínum að sárs-
aukinn var mikill. Ég vona bara
að allt fari eins vel og kostur er
DAISY ARANTE MAGNÚSSON
EIGINKONA HINS SLASAÐA
Hafrún, eruð þið þá ekki
loðnar um lófana?
„Jú, og förum vaxandi.“
Hafrún María Zsoldos hjá Cera snyrtihúsi,
þar sem brasilískt vax meðal annars er
afar vinsælt, segir lítið hafa verið að gera
í október og nóvember. Nú sé hins vegar
nóg að gera enda jólin að nálgast.
KÖNNUN Vinstri græn eru stærsti
stjórnmálaflokkur landsins ef
marka má nýja skoðanakönnun
fyrirtækisins Markaðs og
miðlunar. Flokkurinn mælist með
þrjátíu prósenta fylgi, Samfylk-
ingin með 27 prósent og Sjálf-
stæðisflokkur 26. Fylgi Fram-
sóknar mælist einungis 4,9
prósent, Frjálslyndir fá þrjú
prósent og Íslandshreyfingin 1,6
prósent.
Þá sögðust 8 prósent þátttak-
enda í könnuninni vilja kjósa
annan flokk en þá sem stóðu til
boða í síðustu Alþingiskosning-
um. Svöruðu 2.500 manns
könnuninni. - sh
Kjósendur flýja Framsókn:
VG mælast enn
með mest fylgi
ÁLFTAMÝRI 16 Slökkvistarf gekk vonum framar, enda eldurinn staðbundinn í eldhúsi
íbúðarinnar. FRÉTTABLAÐIÐ/DANÉIL NOREGUR Norski heilbrigðisráð-
herrann Bjarne Håkon Hanssen
vill að Norðmenn ræði það hvort
rétt sé að dreifa heróíni til þeirra
sem eru djúpt sokknir í heróín-
neyslu til að hamla gegn eiturlyfja-
neyslu í Noregi og hjálpa neytend-
um sem eru á botninum og eiga
ekki afturkvæmt þaðan.
„Sumir hafa verið djúpt sokknir
svo lengi að leiðin í edrúmennsku
getur orðið of löng. Þá er spurning
hvort við getum komið til móts við
þetta fólk. Þess vegna held ég að
við ættum að ræða hvort rétt sé að
dreifa heróíni til þessa hóps,“ segir
hann á vefútgáfu Dagbladet. - ghs
Norski heilbrigðisráðherrann:
Vilja skoða að
dreifa heróíni
Brenndist illa þegar
eldur kviknaði í potti
Maður á fimmtugsaldri brenndist illa þegar eldur kom upp í íbúð í Álftamýri í
gær. Honum er haldið sofandi í öndunarvél á gjörgæsludeild. Eiginkona manns-
ins brenndist einnig. Hún var að elda hádegismat þegar kviknaði í olíu í potti.
STJÓRNMÁL Geir H. Haarde segir
það koma til greina að ákveðið
verði á landsfundi Sjálfstæðis-
flokksins í jan-
úar að óska eftir
aðildarviðræð-
um við Evrópu-
sambandið að
tilteknum skil-
yrðum uppfyllt-
um. Þetta sagði
hann þar sem
hann sat fyrir
svörum í þætt-
inum Vikulokunum á Rás 1 í gær.
Geir tók fram að hann vildi alls
ekki grípa fram fyrir hendur Evr-
ópunefndar flokksins sem væri með
þessi mál til skoðunar undir forystu
Kristjáns Þórs Júlíussonar og Árna
Sigfússonar. Þorgerður Katrín
Gunnarsdóttir, varaformaður
flokksins, sagðist telja að „straum-
arnir falli í þá átt að við förum í það
að sækja um aðildarviðræður“. - sh
Forsætisráðherra segir aðildarviðræður við Evrópusambandið koma til greina:
Geir opnar á Evrópuviðræður
GEIR H. HAARDE SUMT ÓVIÐEIGANDI Í RÆÐU DAVÍÐS
Geir sagði í umræðum um Davíð Oddsson og yfirlýsingar hans að hann
hefði ekki verið alls kostar ánægður með ræðu Davíðs á morgunfundi
Viðskiptaráðs fyrir skemmstu. „Ég tel að eitt og annað í þeirri ræðu hafi
ekki verið viðeigandi og ég hef rætt það við hann,“ sagði Geir og vísaði
sérstaklega til orða Davíðs um að hann vissi ástæður þess að Bretar beittu
Íslendinga hreðjuverkalögum.
Þá sagðist Geir enn fremur ekki minnast þess að Davíð hafi sagt honum
að núll prósent líkur væru á að bankarnir stæðu af sér efnahagslægðina,
eins og Davíð nefndi á fundi viðskiptanefndar Alþingis. Hann væri minnugur
maður og ólíklegt að slíkt hefði runnið honum úr minni.
UMDEILDUR Davíð Odds-
son hefur verið gagnrýndur
fyrir yfirlýsingar sínar, sem
mörgum þykja ekki sæma
seðlabankastjóra.
WASHINGTON, AP Fimm málaliðar
bandaríska öryggisþjónustu-
fyrir tækisins Blackwater hafa
verið ákærðir fyrir að hafa orðið
sautján Írökum að bana í
Bagdad í fyrra. Þeir skutu fólkið
til bana og særðu um þrjátíu til
viðbótar á torgi í úthverfi
Bagdad. Ekki hefur verið
ákveðið hvort mennirnir verða
ákærðir fyrir morð eða mann-
dráp.
Írösk yfirvöld segja árásina
hafa verið tilefnislausa, en
talsmenn Blackwater segja að
þeir hafi verið að bregðast við
umsátri. Mennirnir eru allir
fyrrverandi liðsmenn Banda-
ríkjahers. - sh
Skutu sautján Íraka til bana:
Blackwater-liðar
sóttir til saka
UMHVERFISMÁL Samkvæmt fyrstu
niðurstöðum Náttúrufræðistofnun-
ar er hlutfall ungfugla af heildar-
veiði rjúpu á nýafstöðnu veiðitíma-
bili 78 prósent. Að því er kemur
fram á veiðivefnum lax-a.is óskaði
Náttúrufræðistofnun eftir því við
skotveiðimenn að þeir kæmu
öðrum vængnum af veiddum
rjúpum til stofnunarinnar svo hægt
væri að aldursgreina rjúpnastofn-
inn auk þess að meta stærð hans.
Þegar sé búið að aldursgreina
599 fugla. Um 60 prósent þeirra sé
af Norðausturlandi. „Stefnt er að
því að aldursgreina 400−500 fugla
úr hverjum landshluta, þannig að
mikið vantar enn uppá fullt sýni,“
segir á lax-a.is. - gar
Rannsaka rjúpur veiðimanna:
Hátt hlutfall af
ungfugli í veiði
RJÚPA Náttúrufræðistofnun biður veiði-
menn um sýni.
BANDARÍKIN, AP Fulltrúar úr Hvíta
húsinu og demókratar af Banda-
ríkjaþingi hafa hafið viðræður
um að veita bílarisum í Detroit
fimmtán milljarða dollara lán til
að forða þeim frá falli.
Forstjórar bandarísku bílaris-
anna GM, Ford og Chrysler komu
fyrir þingnefnd í Washington á
föstudag, annan daginn í röð, til
að færa rök fyrir því að fyrir-
tækjunum yrði veitt neyðarfjár-
hagsaðstoð úr ríkissjóði upp á
samtals 34 milljarða dala, and-
virði um 5.000 milljarða króna.
Nú segja fulltrúar Hvíta húss-
ins að „uppyggilegar viðræður“
hafi átt sér stað um hjálpar-
aðgerðir við þingmenn beggja
flokka. Skriður komst á málið
þegar þingforsetinn Nancy Pelosi
samþykkti loks tillögu Bush
forseta þess efnis að hjálpin yrði
sótt í sjóð sem lagður hafði verið
til hliðar fyrir þróun umhverfis-
vænna bíla. Pelosi hefur verið
höll undir umhverfisverndarsjón-
armið.
Það fór illa í menn er forstjór-
arnir mættu til sams konar funda
í síðasta mánuði á einkaþotum. Á
fundinum á föstudag lækkuðu
þeir upphæðina sem þeir fóru
fram á og hétu róttækri endur-
skipulagningu, auk þess sem þeir
lýstu sig reiðubúna til að starfa
fyrir einn táknrænan dal á ári,
verði fyrirtækjunum veitt fyrir-
greiðsla á kostnað skattborgar-
anna. - aa / - sh
Viðræður hafnar um fimmtján milljarða dollara lán til fallvaltra bílarisa:
Detroit-forstjórar á hnjánum
EKKERT SELST Óseldir bílar standa í
röðum á þessari bílasölu í Kaliforníu,
sem nú hefur verið lokað vegna fjár-
hagsvandræða. FRÉTTABLAÐIÐ / AP
STJÓRNSÝSLA Símreikningur
forsetaembættisins á fyrstu tíu
mánuðum ársins var 5,7 milljón-
ir króna. Gerir það um nítján
þúsund krónur
á dag, alla daga
vikunnar. Þetta
kom frá á Vísi.
is í gær.
Í frétt Vísis
kemur einnig
fram að
forsetaembætt-
ið hafi kostað
íslenska
skattgreiðend-
ur um sextíu
milljónir króna það sem af er ári.
Þar hafi 1,6 milljónir króna farið
í myndatökur og 1,4 milljónir
króna í leigubíla kostnað.
Bensín á bíl forsetans kostaði
rúma milljón og um níu milljónir
fóru í risnufé, eða veisluhöld
ýmiss konar, samkvæmt frétt
Vísis.
- kg
Símreikningur forseta:
Nítján þúsund
krónur á dag
ÓLAFUR RAGNAR
GRÍMSSON
SPURNING DAGSINS