Fréttablaðið - 07.12.2008, Blaðsíða 14

14 7. desember 2008 SUNNUDAGUR
Hvers vegna heldur þú að nútímafólk
hrífist af rómantíkinni sem býr í vamp-
írusögum? Mannkynið hefur alltaf
hrifist af skrímslum. Við eigum slatta
af þeim, Frankenstein, uppvakninga
og fleira en ég held að ástæða þess að
vampírur eru vinsælastar sé sú að á
meðan að önnur skrímsli eru einungis
hræðileg og vekja hræðslu eru vamp-
írur þau einu sem eru einnig heillandi.
Vampírur geta verið fallegar og fágað-
ar, þær eru ungar að eilífu, sterkar og
gáfaðar. Það eru tvær hliðar á vampír-
um sem önnur skrímsli hafa ekki. Ég
held að fólk hrífist af þessari blöndu
af góðu og illu.
Varstu hissa á vinsældum „Ljósa-
skipta“-bókanna? Algerlega. Ég skrif-
aði fyrstu bókina bara fyrir sjálfa mig.
Mér finnst það alveg með ólíkindum
að hún eigi sér svona marga aðdáend-
ur um heim allan og stundum finnst
mér erfitt að hugsa um það.
Þú elst upp í mormónatrú. Stangast
ekki svoleiðis bakgrunnur á við að
upphefja myrkraverur eins og vamp-
írur? Eða eru vampírur nútímans ekki
eins illar og þær voru í bókmenntum
19 aldar? Ég hef ekki lesið margar
bækur um vampírur þannig að ég get
eiginlega ekki borið vampírurnar
mínar saman við þær. Ég var tiltölu-
lega laus við staðalmyndir um vampír-
ur þegar ég hóf að skrifa trílógíuna
mína. Það eina trúarlega í skrifum
mínum er að persónur bókanna hugsa
um eilífðina. Mennskt fólk verður að
hugsa um hvað gerist á eftir þessu lífi
og lifa lífi sínu samkvæmt því. Persón-
urnar í bókunum hugsa líka á þann
máta.Mér finnst þær verða raunveru-
legri og dýpri á þann hátt. En vampír-
urnar mínar eru alls ekki „illar“ eða
„ógnvekjandi“. Meira að segja fjand-
samlegu vampírurnar hafa sínar
ástæður fyrir því.
Hvenær fékkstu fyrst hugmyndina
um að skrifa bók um vampíru og hafð-
ir þú lengi hrifist af vampírusögum?
Ég valdi ekki að skrifa um vampírurn-
ar, þær völdu mig. Ljósaskipti var inn-
blásin af mjög sterkum draumi sem
mig dreymdi í júní árið 2003 og þess-
um draumi er lýst þrettánda kafla bók-
arinnar. Ég var svo hugfangin af
draumnum að ég festi hann strax á
blað. Þegar ég var búin að því þá lang-
aði mig til þess að vita hvað yrði um
þessar mögnuðu persónur, og hélt bara
áfram að skrifa.
Hvers vegna heldur þú að konur séu
sérstaklega hrifnar af hugmyndinni
um ástmann sem er vampíra? Ég get
svo sem aðeins svarað hvers vegna
konur eru svo hrifnar af vampírunni
Edward í bókinni minni. Hann er í
raun ástæðan fyrir vinsældum bók-
anna. Fólk heldur áfram að lesa vegna
þess að það vill kynnast honum betur.
Hann er séntilmaður og slíka menn er
erfitt að finna nútildags. Það er líka
eitthvað ómótstæðilegt við einhvern
sem elskar þig meira en hann elskar
sjálfan sig.
Ófullnægð kynhvöt virðist krauma
undir niðri í verkum þínum. Hvað ertu
í raun að segja við ungmennin sem
lesa bækurnar? Ég er ekki að koma
neinum sérstökum skilaboðum í sög-
urnar mínar, tilgangur þeirra er aðeins
sá að skemmta lesendanum. Ég vona
að unglingar sem lesa bækurnar njóti
þeirra. En ég held hins vegar að fólk
gleymi stundum hversu dásamleg
ástar sambönd eru alveg í byrjun, litlir
hlutir eins og þegar hann heldur í
höndina á þér, fyrsti kossinn … ég tel
að margir missi af miklu ef þeir æða
of fljótt í náið líkamlegt samband.
Hverjar voru fyrirmyndir þínar að
bókinni? Sóttir þú innblástur til vamp-
íruhöfunda eins og Brams Stoker og
Anne Rice? Ég er enginn sérstakur
aðdáandi hryllingsbókmennta og hef
lítið lesið af vampírubókum. Það er
hins vegar á dagskrá að lesa Bram
Stoker þegar ég hef lokið öllum mínum
eigin skrifum um vampírur.
Hvers konar bækur last þú þegar þú
varst ung? Ég las aðallega fullorðins-
bækur, stórar, þykkar bækur sem tók
langan tíma að lesa. Meðal uppáhalds-
verka voru Pride and Prejudice, Gone
with the Wind, The Sword of Sahara,
Jane Eyre og Rebecca. Ég er líka mik-
ill aðdáandi Orsons Scotts Card, Shake-
speares og Jane Austen.
Hvaðan færðu hugmyndir þínar og
hvenær dags ertu vön að skrifa? Ég
skrifa oftast á nóttunni þegar ég er
ekki trufluð. Ég þarf aldrei að bíða
eftir innblæstri. Það er alltaf eitthvað
í höfðinu á mér sem þarf að komast á
blað. Ég hins vegar verð að hafa tón-
list í gangi á meðan ég skrifa til þess
að ná réttum anda og réttum tilfinn-
ingum. Mér finnst best að skrifa við
tónlist frá hljómsveitinni Muse. Það
eru atburðir í bókunum sem hefðu
aldrei átt sér stað ef ég hefði ekki
hlustað á lögin hennar. Ég hlusta líka
mikið á Arcade Fire, Linkin Park, Plac-
ebo, Interpol og Blue October. Mér
finnst tónlist yndisleg og fæ aldrei nóg
af henni.
Hvaða ráðleggingar hefur þú handa
ungum og upprennandi rithöfundum?
Ég myndi segja þeim að skrifa fyrir
sjálfa sig fyrst. Það er ekki hægt að
þóknast fólki því allir vilja lesa mis-
munandi hluti. Skrifaðu það sem þig
myndi langa til að lesa. Og skrifaðu
fyrir sjálfan þig alveg sama hvort ein-
hver muni lesa skrif þín eða ekki.
Bækur þínar eiga sér fjölda
Hugmyndin kom í draumi
Bandaríski rithöfundurinn Stephenie Meyer er sögð vera arftaki J.K. Rowling en bækur hennar um Ljósaskipti hafa eignast þús-
undir aðdáenda um heim allan og kvikmynd byggð á fyrstu bókinni var frumsýnd hérlendis í vikunni. Anna Margrét Björnsson
ræddi við konuna á bak við vampíruæðið mikla.
ÁST MILLI VAMPÍRU OG MENNSKRAR STÚLKU Leikararnir Robert Pattinson og Kirsten Stewart í hlutverkum sínum sem Edward og Bella.
aðdáenda um heim allan. Hefur þú ein-
hvern tíma áhyggjur af því að aðdáend-
ur taki vampírurulluna of alvarlega?
Ég hef hitt þúsundir aðdáenda og þeir
hafa allir verið yndislegir og alls ekki
undarlegir. Ég hef enn ekki hitt nokk-
urn sem heldur í raun og veru að hann
sé vampíra.
Vampírur eru nú dálítið töff, alltaf í
svörtum fötum og svalar. Sækir þú
fatastíl til blóðsugna? Nei, vegna þess
að mínar vampírur eru ekki svona
klassískar vampírur. Persónulega geng
ég alltaf í litum, bláu, grænu og bleiku.
Hversu nálægt bókinni finnst þér
kvikmyndin vera og ertu ánægð með
útkomuna? Ég er virkilega ánægð með
myndina. Hún er ekki alveg eins og
bókin en hún gæti aldrei verið það. En
hjarta Ljósaskipta er í myndinni.
Robert Pattinson og Kirsten Stewart
eru frábær í hlutverkum sínum og það
gneistar á milli þeirra. Ástarsagan
verður virkilega raunveruleg í þeirra
höndum.
Skammdegið á Íslandi ætti að vera
kjörið umhverfi fyrir vampíru. Ert þú
nokkuð væntanleg í heimsókn á næst-
unni? Því miður, ég get það ekki. Ég
varð að taka erfiða ákvörðun - að hætta
við að ferðast um heiminn til að fylgja
bókinni eftir til þess að geta verið
heima hjá fjölskyldunni minni.
Vampírur
eru einu
skrímslin
sem eru
heillandi.
Vampírur
geta verið
fallegar og
fágaðar, þær
eru ungar að
eilífu, sterk-
ar og gáfað-
ar.
STEPHANIE MEYER „ Ég hef aldrei hitt aðdá-
enda sem heldur í raun og veru að hann sé
vampíra.“
➜ Í LJÓSASKIPTUM
Bækurnar „Twilight“ eða Ljósaskipti á
íslensku fjalla um stúlkuna Bellu sem flytur
frá Arizona til þess að búa hjá föður sínum
í Forks, Washington. Hún kynnist hinum
dularfulla Edward Cullen í nýja skólanum
en svo virðist sem hann þoli ekki að vera
nálægt henni. Síðar kemst hún að því að
Edward og fjölskylda hans eru blóðsugur
sem eru hættar að drekka mennskt blóð
og lifa á dýrablóði. Fljótlega fara þó Bella
og Edward að fella saman hugi en vondar
vampírur reyna að koma í veg fyrir ham-
ingju þeirra.