Fréttablaðið - 11.12.2008, Blaðsíða 12
12 11. desember 2008 FIMMTUDAGUR
tökum notuð barnaskíði og skó upp í ný
SKÍÐASKIPTIMARKAÐUR
SPÁÐU Í HVAÐ ÞÚ SPARAR!
Ný
r
Or
ku
lyk
ill
NÝ
JU
NG
5 kr.
afsláttur
þegar þú notar
Orkulykilinn í
fyrsta sinn!
Alltaf
2 kr. afsláttur
af dæluverði
Bensínorkunnar sem
kannanir sýna að er
lægra en hjá
öðrum!
www.orkan.is
Meginefni nýs frumvarps
um Ríkisútvarpið ohf. er
að takmarka auglýsingar
í Sjónvarpinu, hækka út-
varpsskattinn frá því sem
áður var ákveðið og koma
á skilvirku eftirliti með
starfsemi RÚV.
Miklar skorður eru reistar við
auglýsingum í Ríkissjónvarpinu
í frumvarpi menntamálaráð-
herra sem dreift var á Alþingi í
gær. Samkvæmt því styttast
auglýsingatímar frá því sem nú
er, þeim fækkar og auglýsingar
á tilteknum útsendingartímum
verða bannaðar.
Í athugasemdum segir að með
takmörkun á svigrúmi RÚV á
auglýsingamarkaði sé stefnt að
því að treysta rekstur sjálfstætt
starfandi fjölmiðla og stuðla að
sem fjölbreyttustu fjölmiðlaum-
hverfi á Íslandi. Takmarkanirn-
ar ná aðeins til Sjónvarpsins -
ekki er hróflað við auglýsingum
á útvarpsrásum RÚV.
Skattur í stað auglýsingatekna
Erfitt er að segja nákvæmlega
fyrir um fjárhagsleg áhrif þessa
á Ríkisútvarpið en Páll Magnús-
son útvarpsstjóri sagðist í Morg-
unblaðinu í gær telja tekju-
skerðinguna nema allt að 400
milljónum króna á ári.
Ekki er þar með sagt að Ríkis-
útvarpið verði af þeirri fjárhæð
því skattgreiðendum verður
gert að mæta tekjutapinu, að
hluta í það minnsta.
Nefskattur sá sem
ákveðið var að inn-
heimta í stað afnota-
gjalda með lögum um
Ríkisútvarpið ohf. frá
síðasta ári verður
hækkaður. Áður var
hann ákveðinn 14.580
krónur á greiðanda á
ári en verður 17.900. Samkvæmt
athugasemdum frumvarpsins er
skatturinn meðal annars hækk-
aður til að mæta minni tekjum
af auglýsingasölu.
Áætlað er að rúmlega 3.7
milljarðar króna innheimtist
með skattinum. Afnotagjöld
þessa árs verða að líkindum um
3 milljarðar.
Aukið eftirlit
Í frumvarpinu er kveðið á um
aukið og skilvirkara eftirlit með
starfsemi Ríkisútvarpsins.
Útvarpsréttarnefnd verður falið
sérstakt og sjálfstætt eftirlit
auk þess sem eftirlitsskyldir
þættir samkvæmt núgildandi
lögum verða færðir til nefndar-
innar.
Meginbreytingin er sú að
Útvarpsréttarnefnd verður, sem
sjálfstæðu stjórnvaldi, falið
eftirlit með starfsemi Ríkisút-
varpsins og veitt heimild til að
beita stjórnvaldssektum vegna
tiltekinna brota gegn lögum.
Með virku eftirliti er stefnt að
því að auka gagnsæi í starfsem-
inni og tryggja að Ríkisútvarpið
sinni því hlutverki sem því er
ætlað í almannaþágu. Segir í
athugasemdum frumvarpsins
að gert sé ráð fyrir að Útvarps-
réttarnefnd geti bæði tekið upp
mál að eigin frumkvæði og tekið
við erindum er varða ætluð brot
RÚV á ákvæðum laga um það.
Ennfremur er lögð víðtæk upp-
lýsingaskylda á félagið og ber
því að kröfu
útvarps-
réttarnefnd-
ar að láta
henni í té allar þær upplýsingar
sem hún telur nauðsynlegar til
að rækja eftirlitshlutverk sitt.
Þá þarf Ríkisútvarpið að leita
mats nefndarinnar á hvort ný
þjónusta sem það hyggst veita
teljist útvarpsþjónusta í
almannaþágu og jafnframt láta
nefndinni í té upplýsingar til að
sannreyna megi hvernig félagið
hefur uppfyllt skyldur sínar
samkvæmt lögum og reglum um
ríkisstyrki til útvarpsþjónustu í
almannaþágu. Þessir þættir eru
sem sakir standa á hendi mennta-
málaráðuneytisins annars vegar
og Ríkisendurskoðunar hins
vegar.
Húsið og lífeyrisskuldbinding-
arnar
Núverandi rekstrarvanda Ríkis-
útvarpsins er ekki mætt í frum-
varpi menntamálaráðherra. Efni
þess snýst um aðra hluti. Engu
að síður hafa þau mál verið til
skoðunar hjá stjórnvöldum.
Lífeyrisskuldbindingar RÚV
upp á um þrjá milljarða króna er
rekstrinum þungur. Meðal ann-
ars hefur því verið hreyft að
ríkið taki þær yfir og eignist í
staðinn Útvarpshúsið við Efsta-
leiti. Bókfært virði þess er um
þrír milljarðar.
Takmörkun auglýsinga
mætt með hærri skatti
FRÉTTASKÝRING: Ríkisútvarpið ohf.
■ Hlutfall auglýsinga af daglegum útsendingartíma skal
vera innan við 10 prósent (sex mínútur á klukkustund).
■ Frá klukkan 19 til 22 (kjörtími) má hlutfall auglýsinga
ekki fara yfir 5 prósent (þrjár mínútur á klukkustund).
■ Hver auglýsingatími má að hámarki vera 3 mínútur og
20 sekúndur.
■ Mest mega auglýsingatímar vera tveir á klukkustund.
■ Óheimilt er að hafa auglýsingatíma í sjónvarpsþætti
sem er styttri en 45 mínútur.
■ Óheimilt er að auglýsa á útsendingartíma barnaefnis
og tíu mínútum á undan og eftir barnaefni.
■ Kostun sjónvarpsefnis er óheimil. Undantekningar
eiga við um stórviðburði í íþróttum (ÓL og HM og EM
í knattspyrnu), Evróvisjón og innlendum verðlaunaat-
höfnum (Gríman, Eddan, Ísl. tónlistarverðlaunin).
■ Vöruinnsetning er bönnuð sem og umfjöllun með
markaðslegt gildi.
AUGLÝSA MÁ Í NÍU MÍNÚTUR Á KJÖRTÍMA
FRÉTTASKÝRING
BJÖRN ÞÓR SIGBJÖRNSSON
bjorn@frettabladid.is
FR
ÉTTA
B
LA
Ð
IÐ
/G
VA
ÚTVARPSHÚSIÐ VIÐ
EFSTALEITI Útvarps-
réttarnefnd er falið
sérstakt og sjálfstætt
eftirlit með starfsemi
Ríkisútvarpsins.