Fréttablaðið - 11.12.2008, Blaðsíða 28
28 11. desember 2008 FIMMTUDAGUR
UMRÆÐAN
Ragnar Halldórsson
svarar grein Hallgríms
Helgasonar
Svo virðist – eftir allt sem á undan er geng-
ið – að Hallgrímur
Helgason rithöfundur
vilji halda áfram að rífa
niður og eyðileggja. Í
Fréttablaðinu 7. desem-
ber slær hann sig til riddara nið-
urrifsins og þykist vita allt betur
en aðrir. Betur en Sjálfstæðis-
flokkurinn. Betur en Samfylk-
ingin. Úthrópar þá sem eru að
vinna þjóðinni allt til heilla. Og
reynir að kynda undir pólitískri
hatursumræðu á Íslandi ofan á
allt annað.
Ég er orðinn svolítið leiður á
Hallgrími. Aftur og aftur geng-
ur hann of langt. Hann er með
Geir H. Haarde á heilanum.
Hann uppnefnir forsætisráð-
herra, kallar hann skjálfhentan,
þreyttan og pirraðan, án leið-
togahæfileika sem birtist í hlut-
verki smástráks með aulabrand-
ara. Talar um ákvarðanafælni
hans meðan Geir tekur ákvarð-
anir á færibandi hvern klukku-
tíma hvers einasta dags af
stjórnvisku og festu fyrir Ísland.
Af mikilli reisn. Taugaveiklun-
arlaust. Í þeirri röð sem er þjóð-
inni til mestrar gæfu á þessari
stundu. Það er mikill vandi að
stjórna landi. Ekki síst þegar
vandamálin eru á færibandi.
Hvað á Hallgrímur eiginlega
við? Er hann að tala um sjálfan
sig? Það er fráleitt að snúa aðdá-
un í fyrirlitningu með þeim
hætti sem Hallgrímur gerir og
úthrópa máttarstólpa þjóð-
félagsins – Sjálfstæðis-
flokkinn. Sem Hall-
grímur virðist þó innst
inni bera mikla virð-
ingu fyrir. Og allir vita
að er eini flokkurinn
sem getur tryggt þjóð-
inni tekjur til framtíð-
ar, ásamt samstarfs-
flokki sínum í
ríkisstjórn Íslands. En
svo ræðst Hallgrímur á
sinn eigin flokk sem
gerir sitt besta líka –
Samfylkinguna – og tekur undir
ódýrt lýðskrum Vinstri grænna
sem eru að græða á neyð þjóðar-
innar. Það er lítilmannlegt og
hæfir honum ekki.
Það er sáraauðvelt að ala á
fordómum um þá sem eru með
allar byrðar þjóðarinnar á bak-
inu. Gerir hann sér grein fyrir
því hve mikið mæðir á forsætis-
ráðherra Íslands 24 tíma á sólar-
hring? Heldur hann að það sé
eitthvert grín sem Geir H. Haar-
de er að takast á við á hverjum
einasta degi fyrir þjóðina? Með
slíka hatursumræðu gegn sér
ofan á allt annað? „Ísland er
brennandi blokk“ segir Hall-
grímur. „Íbúarnir [–] góna
örvæntingarfullir út úr reykjar-
kófinu.“ Voða sniðugt. Heldur
Hallgrímur að ástand Íslands sé
til að hafa í flimtingum?
Aðstæður þjóðarinnar séu eitt-
hvert grín? Íslandi blæðir og
hann leyfir sér að gera lítið,
bæði úr þjóðinni og þeim sem
eru að bjarga henni af mestu
heilindum og alvöru út úr verstu
krísu lýðveldistímans.
Það þarf að gæta einhvers
hófs í málflutningi manna. Og
vera eitthvert vit í því sem þeir
eru að segja. Sem er lögmálið
um skaðsemi öfga sem geta búið
í okkur öllum. Nú síðast í Hall-
grími. Því þetta er makalaust
lýðskrum. Rakalaus óvild. Sem
gerir engum greiða. Ekki Hall-
grími. Ekki Samfylkingunni.
Það er nóg komið af ofsóknar-
kenndri og hatursfullri orðræðu
Hallgríms. Hann er hvattur til
að líta í eigin barm. Hann skaðar
Samfylkinguna og sjálfan sig.
Hann þarf að hætta þessu móð-
ursýkislega niðurrifi og fara að
bygga upp með okkur hinum.
Hallgrímur virðist ekki skilja
vanda stjórnmálanna. Vanda
raunveruleikans. Hann heldur
að gaspursamar patentlausnir í
frasakenndum stíl færi okkur úr
grafalvarlegum vanda heillar
þjóðar inn í framtíðina. En það
er alrangt. Það er mikill vandi
að stjórna landi. Ekki síst þegar
virðing fyrir öllum borgurum
þess er höfð að leiðarljósi. Þá er
þörf á visku Salómons. Þetta
skilur formaður Sjálfstæðis-
flokksins og forsætisráðherra
Íslands – Geir H. Haarde. Þetta
skilur varaformaður Sjálfstæð-
isflokksins – Þorgerður Katrín
Gunnarsdóttir. Þetta skilur
Sjálfstæðisflokkurinn. Þetta
skilur Samfylkingin og forysta
hennar. En það virðist ofvaxið
skilningi Hallgríms Helgasonar.
Höfundur er ráðgjafi.
UMRÆÐAN
Gunnlaugur I. Grét-
arsson skrifar um
fordóma
Eitt af höfuðmarkmið-um samtakanna HIV-
Ísland er að vinna gegn
fordómum. Þess vegna
nýtum við hvert tækifæri
sem okkur gefst til að
koma fram með ábyrgum
hætti í fjölmiðlum.
Fyrir nokkrum dögum fékk ég
símhringingu frá kunningjum
mínum, sem sjá um útvarpsþátt-
inn Harmageddon á X-inu 977.
Þeir báðu mig sem formann HIV-
Ísland um að ræða í beinni útsend-
ingu frétt sem hafði birst í Frétta-
blaðinu. Ég játti þessu og stuttu
síðar hringdu þeir í mig. Við rædd-
um stuttlega fréttina og fórum svo
yfir stöðu mála á Íslandi í dag
varðandi HIV og alnæmi. Eftir
samtalið, sem var í beinni útsend-
ingu, kveikti ég á útvarpinu til að
gá hvort einhver meiri umfjöllun
kæmi í kjölfarið. Eftir eitt lag og
nokkrar auglýsingar hleypa þeir
kumpánar í loftið vini sínum, sem
hefur fengið viðurnefnið „Nasist-
inn“ af hlustendum stöðvarinnar.
Þáttastjórnendur (annar þeirra er
dagskrárstjóri X-ins 977) láta sem
þeir þekki ekki viðmælandann,
sem hefur áður komið fram í þætt-
inum undir fölsku nafni. Viðmæl-
andinn lætur fjölmargar fordóma-
fullar yfirlýsingar falla í garð
HIV-jákvæðra, á þann hátt að ég
vil ekki hafa eftir. Á meðan gera
þáttastjórnendur að mínu mati
marklitlar tilraunir til að leiðrétta
mál hans.
Ég spyr: Hver er tilgangurinn
með svona háttarlagi? Á þetta að
vera fyndið eða er til-
gangurinn að breiða út
fordóma? Ég þekki per-
sónulega alla málsaðila
og þeir mig og ég veit
líka hversu vel þeir
þekkja hver annan. Þeir
þekkja mína sögu og vita
vel að faðir minn lést úr
alnæmi. Var það kannski
tilgangur verknaðarins
að reyna að særa mig
sem persónu eða for-
mann HIV-Ísland? Ef svo
er þá uppskáru þeir ekki erindi
sem erfiði.
Það var mikið áfall fyrir mig
sem ungan mann að missa föður
minn úr alnæmi. Árið 1989 vildi
faðir minn koma opinskátt fram í
sjónvarpi, en kaus að myndin af
honum yrði skyggð og röddin
brengluð. Þannig vildi hann
vernda fjölskyldu sína, þar á
meðal mig, fyrir fordómum.
Það er enn þá mikið áfall að
greinast HIV-jákvæður. Við hjá
samtökunum erum í stöðugri bar-
áttu við fordóma og fyrir því að
skapa grundvöll fyrir HIV-
jákvæða að geta talað opinskátt
um veikindi sín.
Því miður er það svo að fjöl-
miðlar sækjast eftir neikvæðum
fréttum og hættir til að dramatís-
era umfjöllun sína um HIV og
alnæmi. Það er erfitt að koma
jákvæðri umfjöllun um sjúkdóm-
inn að í fjölmiðlum. Þess vegna vil
ég hvetja alla fjölmiðla, ekki síst
X-ið 977, til að hjálpa okkur í bar-
áttunni við fordóma og við að búa
til það umhverfi sem þarf til að
HIV-jákvæðir eigi auðveldara
með að koma fram opinskátt í
fjölmiðlum.
Höfundur er formaður
HIV-Ísland.
SEND IÐ OKK UR LÍNU
Við hvetj um les end ur til að senda okk ur línu og leggja orð í belg um mál-
efni líð andi stund ar. Grein ar og bréf skulu vera stutt og gagn orð. Ein göngu
er tek ið á móti efni sem sent er frá Skoð ana síð unni á vis ir.is. Þar eru nán ari
leið bein ing ar. Rit stjórn ákveð ur hvort efni birt ist í Frétta blað inu eða Vísi
eða í báð um miðl un um að hluta eða í heild. Áskil inn er rétt ur til leið rétt-
inga og til að stytta efni.
GUNNLAUGUR I.
GRÉTARSSON
Eru fordómar fyndnir?
RAGNAR
HALLDÓRSSON
Svar til riddara niðurrifsins
Það þarf að gæta einhvers
hófs í málflutningi manna. Og
vera eitthvert vit í því sem þeir
eru að segja. Sem er lögmálið
um skaðsemi öfga sem geta
búið í okkur öllum. Nú síðast í
Hallgrími.
UMRÆÐAN
Jakob Frímann Magn-
ússon skrifar um dag
íslenskrar tónlistar
Íslensk tónlist nýtur um þessar mundir
meiri hylli hérlendis en
áður hefur þekkst sé
miðað við almenna
útbreiðslu, flutning í
útvarpi og sölu hljóm-
diska. Um þessar mundir er hlut-
fall íslenskra hljómplatna allt að
90% miðað við sölu- og vinsælda-
lista. Fyrir áratug var það hlutfall
einungis um 30%.
Það breytir þó ekki þeirri stað-
reynd að hljómplötumarkaður í
heild sinni hefur dregist verulega
saman um heim allan. Það má m.a.
rekja til þeirrar tæknibyltingar
sem netvæðingin er og leitt hefur
til endurgjaldslauss niðurhals,
bæði á tónlist og kvikmyndum.
Um þessar mundir standa yfir
samningaviðræður við net- og
símafyrirtæki víða um lönd sem
vonandi megna að snúa vörn
greinarinnar í sókn.
Þó að íslenskir tónlist-
armenn séu fæstir í
álnum standa þeir
óskaddaðir eftir 25 ár í
útrás. Sumir fullyrða að
tónlistin og menningin
muni endurreisa og varð-
veita orðstír Íslendinga á
alþjóðavettvangi.
Íslenskir tónlistar-
menn þurfa engan kinn-
roða að bera af framlagi
sínu til samfélagsins.
Þeir barma sér sjaldan
þó æði þröngt sé flestum sniðinn
bæði heimavistar- og útherja-
stakkurinn.
Efnt verður til dagskrár í Þjóð-
leikhúskjallaranum kl. 12.12.
þennan 12. dag 12. mánaðar ársins
og verður sú dagskrá tileinkuð
minningu Rúnars Júlíussonar sem
verður jarðsunginn kl. 14.00 þenn-
an dag frá Keflavíkurkirkju.
Þá verður Bjarkarlaufið afhent
einstaklingi úr stétt fjölmiðla-
manna fyrir auðsýnda ræktarsemi
við íslenska tónlist. Bjarkarlaufs-
þegi síðasta árs var Árni Matthí-
asson, blaðamaður á Morgunblað-
inu. Kynningu á tilnefningum til
ÍTV verður frestað fram yfir helgi
af virðingu við hinn látna.
Að lokinni klukkustundar dag-
skrá í Þjóðleikhúskjallaranum
gefst fólki kostur á að safnast
saman í Fríkirkjunni í Reykjavík
þar sem tónlist Rúnars mun
hljóma uns útförin hefst kl. 14.00,
en henni verður varpað á risaskjá
í kirkjunni.
Höfundur er formaður FTT, Stefs
og Samtóns.
Ár og dagar
íslenskrar tónlistar
JAKOB FRÍMANN
MAGNÚSSON
Þó að íslenskir tónlistarmenn
séu fæstir í álnum standa þeir
óskaddaðir eftir 25 ár í útrás.
Sumir fullyrða að tónlistin og
menningin muni endurreisa og
varðveita orðstír Íslendinga á
alþjóðavettvangi.
Skeifan, Smáralind, Kringlan, Hafnarfjörður, Selfoss, Vestmannaeyjar, Egilsstaðir, Akureyri, Ísafjörður
Aðeins
2.740kr. áður 5.480 kr.
Aðeins
1.495kr. áður 2.990 kr.
Aðeins
1.745kr. áður 3.490 kr.
Aðeins
2.240kr. áður 4.480 kr.
Aðeins
2.495kr. áður 4.990 kr.
Aðeins
1.995kr. áður 3.990 kr.
sparaðu
50%
sparaðu
50%
sparaðu
50%
sparaðu
50%
sparaðu
50%
sparaðu
50%
Tilboðin gilda frá 11.12.08 til 16.12.08. Til þess að koma í veg fyrir að samkeppnisaðilar nýti sér tilboðin til innkaupa fyrir eigin verslanir má
hver og einn viðskiptavinur aðeins versla þrjár bækur af einstaka titli.
Saga
Bald
urs
Brján
sson
ar
Töfr
aman
ns