Fréttablaðið - 31.12.2008, Page 27

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
ÞRJÚ SÖFN verða höfð opin á nýársdag, það er Landnáms-
sýningin í Aðalstræti, Þjóðmenningarhúsið við Hverfisgötu og
Listasafn Reykjavíkur – Hafnarhús við Tryggvagötu. Menningar-
þyrstir gestir Reykjavíkur eða íbúar geta því valið á milli sögu-
legrar arfleifðar og samtímalistar. Sjá www.visitreykjavik.is.
Það er yndislegt að standa uppi á Esjunni þegar nýtt ár gengur í garð en flugeldarnir njóta sín ekki úr þeirri hæð að sögn Ingólfs
Guðlaugssonar, framkvæmdastjóra Sea Safari, sem talar af reynslu. FRÉTTABLAÐIÐ/STEFÁN
„Það var fullt tungl og heiðríkja
og við höfðum því góða birtu alla
leið. Gengum í snjó að hluta til og
vorum svona hátt í tvo tíma á leið-
inni af Kjalarnesinu upp á Ker-
hólakambinn.“
Þannig lýsir Ingólfur ferð sinni
á Esjuna á gamlárskvöldi fyrir
nokkrum árum í fylgd unnust-
unnar og núverandi eiginkonu,
Rannveigar Pétursdóttur. „Við
vorum bara með ástina,“ segir
hann hlæjandi þegar hann er
spurður um nesti. „Okkur var
boðið í mat þetta kvöld svo við
vorum vel haldin. En klukkan
hálfníu sagði ég: Við höfum ekki
meiri tíma til að dvelja hér. Upp
úr því drifum við okkur af stað.
Það passaði. Við vorum komin
upp þegar klukkuna vantaði tíu
mínútur í tólf.“
Aðdragandann að Esjugöng-
unni segir Ingólfur hafa verið
þann að kvöldið áður hafi hann
farið upp í Heiðmörk um hálftíu
um kvöldið til að ganga þar um á
gönguskíðum. „Mér finnst svo
gaman að losna stundum við ljós-
mengun þéttbýlisins og njóta þess
sem náttúran býður upp á í stað-
inn. Þetta kvöld tók ég eftir því
hvað Esjan lýstist öll upp í tungls-
ljósinu. Þá var sú ákvörðun tekin
að nú væri akkúrat birtan til að
ganga á hana.“
Inntur eftir upplifuninni af því
að standa á Kerhólakambi á ára-
mótum svarar hann: „Það var
yndislegt. Við höfðum mikið víð-
sýni vestur yfir Borgarfjörð og
um allt Reykjanesið en flugeld-
arnir nutu sín ekki úr þessari
hæð. Við vorum komin svo hátt að
þeir ljómuðu ekki yfir okkur held-
ur litum við niður á þá sem strik
sem enduðu í ákveðinni hæð.
Kannski mætti líkja því við að
horfa niður á ljósateppi. Það sem
var þó sérkennilegast og vakti
mesta gleði hjá okkur var útsýnið
til Grindavíkur. Við sáum ljósin
þar blika í skarði milli fjallanna
og ótal rauðar sólir stíga þaðan til
lofts. Þetta var eins og skær rósa-
vöndur í fjarska.“
Ekki kveðst Ingólfur hafa end-
urtekið þann leik að ganga á
Esjuna á gamlárskvöld en telur
víst að einhverjir iðki það þegar
vel viðri. „Við heyrðum í fólki á
Þverfellshorninu þar sem við
stóðum og er þó langt á milli. En
svona var lognið,“ lýsir hann.
Úlfarsfell, Kjalarnes og fleiri
útsýnisstaðir í grenndinni hafa
orðið fyrir valinu hjá Ingólfi og
frúnni á síðustu gamlárskvöld-
um. „Við reynum að koma okkur
einhvers staðar vel fyrir og njóta
ljósadýrðarinnar,“ segir hann
brosandi. gun@frettabladid.is
Grindavík sem rósavöndur
Rómantískt er að standa með ástinni sinni á brúnum Esjunnar í glampandi tunglsljósi á áramótum.
Ingólfur Guðlaugsson, framkvæmdastjóri hefur prófað það. Sólirnar yfir Grindavík vöktu mesta lukku.
Hugaðu að heilsunni
á nýju ári
Ný námskeið hefjast 5. og 6. janúar
Rope yoga Eiðistorgi
Skráning hafi n
Verð 9.900,-
Leitið upplýsinga í síma 895 9016 eða
so@hive.is
6. janúar 8. janúar