Fréttablaðið - 31.12.2008, Side 28

31. desember 2008 MIÐ-
VIKUDAGUR
2
Waterford-kristalskúlan sem hringir inn
nýja árið í New York var til sýnis í versl-
un Macy‘s í borginni. NORDICPHOTOS/GETTY
Áramótagleðin á Times-torgi er
ein sú mesta í heiminum.
Mikill mannfjöldi safnast saman á
Times-torgi í New York á áramót-
unum og skemmtir sér og syngur.
Eina mínútu fyrir miðnætti byrjar
stærðar hnöttur úr Waterford-krist-
al, sem vegur nánast hálft tonn, að
síga niður stöng á toppi byggingar-
innar One Times Square. Staðnæm-
ist kristalskúlan á miðnætti við
mikinn fögnuð nærstaddra. Þessum
atburði er sjónvarpað um allan
heim og er fyrirmynd sams konar
hefða víða um Bandaríkin.
Kúlan var til sýnis í verslun
Macy‘s á Herald Square í nóvem-
ber. Kúlan er búin til úr 672 krist-
alsþríhyrningum og þemað er „Let
there be light“ eða Verði ljós. - sg
Áramót á
torgi tímans
Sjósund er orðin vinsæl íþrótt.
Á morgun ætlar hópur fólks að
fagna nýju ári í Nauthólsvík og
er búist við að hátt í 80 manns
taki sundsprett.
Haft verður opið á Ylströndinni í
Nauthólsvík á nýársdag milli
klukkan 11 og 13, annað árið í röð.
Árni Jónsson, deildarstjóri í úti-
vistarmiðstöð Nauthólsvíkur, býst
við góðri mætingu. Hann telur lík-
legt að nýárssundið, sem á sér ára-
langa hefð, verði það fjölmenn-
asta í ár frá upphafi.
„Ég á von á 60 til 80 manns í sjó-
inn á morgun en sá hópur sem
hefur verið að stunda sjósund
hefur stækkað mikið á undanförn-
um mánuðum,“ segir Árni. Í kring-
um 30 manns syntu að staðaldri í
sjónum í hverri viku í fyrra en sá
fjöldi hefur margfaldast í haust.
„Nú koma að lágmarki 50 manns
á mánudögum og 130 manns á mið-
vikudögum en þá erum við með
opið bæði í hádeginu og á kvöldin.
Sjórinn er um 2 til 3 gráður núna
og fór einu sinni í mínus 1,7 í fyrra,
þá var ansi kalt. Við brýnum fyrir
byrjendum að fara mjög varlega.
Fara ekki langt út og vera ekki
lengi í sjónum í einu.“
Ástæðuna fyrir þessari fjölgun
sjósundgarpa segir Árni geta
verið tíðarandann. Fólk leiti í það
sem kostar ekkert. „Hér er opið í
búningsklefana og í pottinn og
ekki rukkað fyrir. Sjósundið er
jafnvel orðið fjölskyldusport. Fólk
kemur með krakkana, sem eru þá
í heita pottinum meðan foreldr-
arnir og afar og ömmur fara í sjó-
inn.“
- rat
Nýju ári fagnað í sjó
Vinsældir sjósunds hafa aukist mikið í haust. Búist er við fjölmenni í nýárssundið á
morgun. MYND/ÁRNI JÓNSSON
PARTÍHATTAR lífga upp á áramótapartíið. Hattarnir eru alveg tilvaldir
til þess að draga úr stífleika í áramótaveislum landsmanna, því það er
nær ómögulegt að taka sjálfan sig hátíðlega þegar maður skartar fjólu-
bláum og keilulaga glanshatti á höfðinu.
Getur þú hugsað
þér jólin án
rafmagns?
www.rarik.is
Brátt fer daginn að lengja á ný og við
fögnum birtunni sem fylgir hækkandi sól.
Við hjá RARIK viljum þakka ykkur fyrir
viðskiptin á árinu sem nú er senn liðið og
sendum bestu óskir um gleðileg jól og
heillarríkt komandi ár
Gleðilega hátíð!
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...