Fréttablaðið - 17.01.2009, Qupperneq 6

6 17. janúar 2009 LAUGARDAGUR
BANDARÍKIN, AP „Hugsanlega eruð
þið ekki sammála öllum þeim erf-
iðu ákvörðunum sem ég tók, en ég
vona að þið getið verið sammála
því að ég var fús til að taka erfiðar
ákvarðanir,“ sagði George W. Bush
Bandaríkjaforseti í síðasta ávarpi
sínu til þjóðarinnar á fimmtudag.
Hann sagði atburðina 11. sept-
ember 2001 hafa mótað forsetatíð
sína, og þótt flestir Bandaríkja-
menn hafi smám saman getað
snúið aftur til fyrra lífs, þá hafi
hann ekki getað það.
Hann segir að deila megi um
þær ákvarðanir sem hann tók, en
árangurinn sé þó óumdeildur: í heil
sjö ár hafi engin hryðjuverkaárás
verið gerð á Bandaríkin. Engu að
síður sagði hann að mesta hættan
sem enn steðjar að Bandaríkjun-
um sé önnur hryðjuverkaárás.
Eftir árásirnar haustið 2001 juk-
ust vinsældir Bush upp í 90 pró-
sent, en smám saman féll hann í
áliti hjá þjóðinni og mældist ekki
með nema 25 prósenta stuðning
fyrir kosningarnar í nóvember
síðastliðnum. Nú eru vinsældirn-
ar komnar upp í 34 prósent, en
algengt er að vinsældir forseta
taki kipp upp á við um það leyti
sem hann er að hætta í embætti.
Á þriðjudaginn kemur tekur
Barack Obama við af honum. Bush
sagðist óska honum velfarnaðar í
starfi og bætti því við að það fyllti
Bandaríkjamenn bæði von og stolti
að fyrsti þeldökki forsetinn taki
við embættinu.
- gb
Bush kveður Bandaríkjamenn í síðasta sjónvarpsávarpi sínu:
Segir árangurinn óumdeildan
SÍÐASTA SJÓNVARPSÁVARPIÐ Bush
Bandaríkjaforseti segist hafa þurft að
taka erfiðar ákvarðanir. FRÉTTABLAÐIÐ/AP
BRUNI „Það var ýmislegt sem rann
í gegnum hugann á þessum sek-
úndubrotum en það voru einhverj-
ir englar sem vöktu yfir okkur.“
segir Ásgeir Halldórsson reyk-
kafari sem ásamt Sigurjóni Ólafs-
syni lenti í sjálfheldu í brennandi
húsi við Klapparstíg í fyrrinótt.
Mildi þykir að enginn slasaðist í
eldsvoðanum.
Slökkviliði var tilkynnt um eld-
inn um klukkan hálf fjögur og fór
allt tiltækt lið á vettvang. Húsið
var þá alelda en tólf íbúar þess
höfðu komist út af sjálfsdáðum.
Í fyrstu var óttast að ein stúlka
væri enn í húsinu. Tveir reyk-
kafarar slökkviliðsins, þeir Ásgeir
og Sigurjón, fóru því inn í húsið.
„Um leið og við komum upp á þriðju
hæðina var hún mettuð af reyk við
sáum ekki handa okkar skil,“ segir
Ásgeir. Sigurjón fór niður á aðra
hæð til að toga brunaslöngu upp
til Ásgeirs þar sem þeir ætluðu að
sækja inn á hæðina og leita stúlk-
unnar. Skömmu síðar var önnur
hæðin alelda svo Sigurjón verð-
ur að forða sér, með eldtungurn-
ar á eftir sér, upp til Ásgeirs. Eld-
urinn magnaðist hratt. „Við sáum
að útgönguleið okkar var brostin,“
segir Ásgeir. Sigurjón fann glugga
og kýldi í gegnum hann. „Hann
hrópaði til mín að þetta væru
svalir,“ segir Ásgeir. Þeir stukku
út á svalirnar en við það að opna
dyrnar varð svokölluð yfirtendrun
þegar eldurinn í húsinu fékk aukið
súrefni. Eldsúla fylgdi þeim því út
á svalirnar.
Lögreglumaður, sem staddur
var á vettvangi reisti stiga upp
að svölunum. Sigurjón greip með
sér gaskút sem var á svölunum
og steig í stigann áður en hann
féll ofan á lögreglumanninn fyrir
neðan. Ásgeir náði hins vegar að
krækja fótunum utan um súlu sem
heldur uppi svölunum og renna sér
niður.
Þeir félagar eru nokkuð lemstr-
aðir eftir átökin og lögreglumaður-
inn einnig. Þeim félögum fannst þó
mikilvægast að í ljós skyldi koma
að enginn væri í húsinu. Þeir
þakka líka góðri þjálfun að ekki
fór verr.
Sjötíu slökkviliðsmenn lögðu
allt kapp á að verja nærliggjandi
hús og segir Höskuldur Einars-
son, deildarstjóri slökkviliðsins, að
fljótlega hafi verið tekin ákvörðun
um að rýma húsin. Eldtungur, sem
um tíma náðu yfir götuna og hiti
frá eldinum náðu að sprengja vel á
annað hundrað rúður í húsunum.
Starfsfólk Rauða krossins veitti
íbúunum aðhlynningu Þá voru þrír
íbúar fluttir á slysadeild vegna
gruns um reykeitrun.
„Það var mikill eldsmatur í
þessu húsi og því fór sem fór,“
segir Höskuldur. Það tók slökkvi-
liðið um fjórar klukkustundir að
ráða niðurlögum eldsins.
Skúli Helgason, íbúi við Klapp-
arstíg, segist næstum öruggur
um að kveikt hafi verið í húsinu.
Hann segir myndir, sem hann tók
áður en slökkvilið kom á vettvang,
sýna að kveikt hafi verið í eldfim-
um vökva sem slett hafi verið á úti-
dyr hússins.
Rannsókn lögreglu stendur yfir.
Eldsupptök eru ókunn en íkveikja
þykir ekki útilokuð.
olav@frettabladid.is
Hætt komnir í skíð-
logandi sjálfheldu
Reykkafarar Slökkviliðs höfuðborgarsvæðisins voru hætt komnir þegar eldur
króaði þá inni í logandi húsi við Klapparstíg í fyrrinótt. Íbúar hússins komust út
af sjálfsdáðum en óttast var að enn væri einn íbúinn inni. Húsið er gjörónýtt.
ELDSUPPTÖK Af myndum sem Skúli Helgason tók, áður en slökkviliðið kom á vettvang má sjá að eldurinn er mestur við útidyr
hússins sem þykir renna stoðum undir að eldur hafi verið borinn að húsinu. MYND/SKÚLI HELGASON
REYKKAFARAR SLÖKKVILIÐSINS Ásgeir Halldórsson og Sigurjón Ólafsson við svalirnar
þaðan sem þeir björguðu sér út. FRÉTTABLAÐIÐ/STEFÁN
Samband íslenskra kvikmyndaframleiðenda
Association of Icelandic Film Producers
SÍK – Samband íslenskra kvikmyndaframleiðenda
auglýsir eftir umsóknum um greiðslur úr IHM sjóði félagsins.
Rétt til umsókna eiga sjálfstæðir kvikmyndaframleiðendur sem
framleitt hafa kvikmyndir sem sýndar hafa verið í sjónvarpi á
tímabilinu frá 1986 – 2007.
Umsóknir berist fyrir 15. febrúar til:
SÍK – Samband íslenskra kvikmyndaframleiðenda.
Túngötu 14, P.O. Box 5367, 125 Reykjavík
eða með tölvupósti á sik@producers.is
Nánari upplýsingar, reglur og umsóknareyðublöð eru á vefsíðu
SÍK – www.producers.is
Greiðslur úr
IHM sjóði SÍK
Fleiri dagsetningar og nánari upplýsingar
á expressferdir.is eða í síma 5 900 100
F
í
t
o
n
/
S
Í
A
Innifalið: Flug með sköttum og öðrum greiðslum,
gisting á 4* hóteli í 7 nætur með morgunverðar-
hlaðborði, akstur til og frá flugvelli og íslensk fararstjórn.
Páskaferð til Berlínar
6.–13. apríl 2009 Verð á mann í tvíbýli:
119.900 kr.Fararstjóri: Lilja Hilmarsdóttir
www.floridafri.is // rurik@floridafri.is // 618-2596
HÚS TIL LEIGU Í FLORIDA
GOLF – STRÖND – SVEITASÆLA
ST. AUGUSTINE
- NATION’S OLDEST CITY -
VIÐSKIPTI „Það hefur ekki verið
gengið endanlega frá öllum
formsatriðum varðandi kaup-
in, en mér finnst allar líkur á því
að þetta klárist,“ segir Róbert
Wessman, stjórnarformaður
Salt Investment. Félagið verður
að öllum líkindum stærsti hlut-
hafinn í Myllusetri, nýstofnuðu
útgáfufélagi Viðskiptablaðsins.
Félag Róberts kemur til með að
eiga 40 prósent í Myllusetri.
Aðspurður sagðist Róbert
hvorki geta, vilja né mega tjá sig
um aðra væntanlega eigendur.
Leynd hefur ríkt yfir hluthafa-
hópnum frá því að félagið var
stofnað í lok nóvember. - kg
Wessman í Viðskiptablaðið:
Róbert eignast
meirihlutann
Þjáist þú af skammdegisþung-
lyndi?
Já 30%
Nei 70%
SPURNING DAGSINS Í DAG
Hefur þú lesið bók eftir Arnald
Indriðason?
Segðu skoðun þína á vísir.is
KJÖRKASSINN