Fréttablaðið - 17.01.2009, Qupperneq 66

34 17. janúar 2009 LAUGARDAGUR
JANÚAR
DESEMBERFRAMHALD AF SÍÐU 32
17. nóv.
■ Efnahagsáætlun stjórnvalda lögð
fram sem þingsályktunartillaga.
Fjármagnsþörf ríkisins sögð 5
milljarðar en ekki 6 eins og áður
hafði verið haldið fram.
18. nóv.
■ Davíð Oddsson segist, í ræðu hjá
Viðskiptaráði, margoft hafa varað
stjórnvöld við hruni fjármálakerf-
isins. Ráðherrar segjast ýmist ekki
kannast við það eða hafa farið
eftir öllum ráðleggingum. Davíð
segir aðskilnað fjármálaeftirlits og
Seðlabanka hafa verið mistök.
19. nóv.
■ Stjórn Alþjóðagjaldeyrissjóðsins
samþykkir 2 milljarða króna lán
til Íslands að ítarlegum skilmálum
uppfylltum.
20. nóv.
■ Ráðherrarnir Björgvin G. Sigurðs-
son og Þórunn Sveinbjarnardóttir
segjast vilja kosningar til Alþingis
í vor.
■ ASÍ kynnir verðkönnun sem sýnir
mikla verðhækkun. Verð á einstök-
um matvælum hefur hækkað um
100 prósent síðan í mars.
22. nóv.
■ Mótmælt á Austurvelli. Hluti mót-
mælenda fer að lögreglustöðinni
við Hverfisgötu í kjölfar handtöku
manns sem áður hafði dregið
Bónusfánann að húni á Alþingis-
húsinu. Um 500 manns taka
þátt. Mótmælendur brjóta
sér leið inn í anddyri.
Lögreglan sleppir í
kjölfarið manninum, sem
boðar algjöra, almenna
og tafarlausa byltingu við
mikinn fögnuð.
24. nóv.
■ Vantrauststillaga
stjórnarandstöð-
unnar þar sem
kosninga er krafist
er felld á þingi.
■ Skoðanakönnun
Fréttablaðsins
sýnir að 64
prósent vilja
kosningar í vor eða fyrr.
■ Átta ráðherrar ríkisstjórnarinnar
sitja fyrir svörum á opnum borg-
arafundi í Háskólabíói. Um 1.500
manns mæta. Ingibjörg Sólrún
Gísladóttir segir fundargesti ekki
endurspegla vilja þjóðarinnar.
26. nóv.
■ ASÍ krefst afsagnar fjármálaráð-
herra og viðskiptaráðherra á fundi
með Geir H. Haarde og Ingibjörgu
Sólrúnu Gísladóttur. „Það skortir
tilfinnanlega á trúverðugleika
stjórnvalda. Ég sé ekki með nokkru
móti hvernig við eða stjórnvöld
getum unnið okkur út úr þessum
erfiðleikum ef ríkisstjórninni tekst
ekki að bæta sína ímynd og ná
sátt við þjóðina,“ segir Gylfi Arn-
björnsson, forseti ASÍ.
■ AGS birtir útreikninga um að
nettókostnaður Íslendinga vegna
útlána í erlendum útibúum bank-
anna verði 245 milljarðar króna,
800 þúsund á hvern Íslending.
■ Verðbólgan komin í 17,1 prósent
27. nóv.
■ Frumvarp um lög um rannsókn
á aðdraganda og orsökum falls
íslensku bankanna lagt fram
á Alþingi. Forseti Alþingis og
formenn allra stjórnmálaflokka eru
flutningsmenn.
■ Alþingi samþykkir lög sem heimila
Seðlabankanum að setja hömlur á
gjaldeyrisviðskipti.
28. nóv.
■ 700 milljóna niðurskurður tilkynnt-
ur hjá Rúv og uppsagnir 44 starfs-
manna, þar af 21 fastráðins.
■ Tæplega 7.000 manns án
atvinnu, hefur fjölgað um
3.000 á einum mánuði.
Um 150 manns skrá sig
atvinnulausa daglega.
29. nóv.
■ „Ég tel mig ekki
persónulega
ábyrgan,“ segir
Geir H. Haarde
um hrun
bankakerfisins
við AP-frétta-
stofuna.
1. des.
■ Í kjölfar mótmælafundar fara
nokkur hundruð mótmælendur að
Seðlabankanum. Eva Hauksdóttir
fær að hitta bankastjórana þrjá og
ber Davíð Oddsson síðan út með
táknrænum hætti. Mótmælend-
ur koma sér fyrir í anddyrinu og
lögreglan er með viðbúnað. Eftir
tvo tíma leggja mótmælendur til
að lögregla fari, þá fari þeir. Það
gengur eftir.
■ Vinstri græn orðin stærsti stjórn-
málaflokkurinn, samkvæmt Þjóðar-
púlsi Gallup.
■ 530 manns sagt upp í 12 hóp-
uppsögnum í nóvember. 43% úr
verslun, flutningum og tengdum
greinum.
2. des.
■ Ríkisstjórnin tilkynnir aðgerðir í tólf
liðum til að bæta rekstrarumhverfi
fyrirtækja. Erlendum kröfuhöfum
verði boðið hlutafé í bönkunum,
fyrirtæki fái að gera upp í erlendri
mynt. Áhersla á mannaflsfrekar
aðgerðir og óháður umboðsmaður
viðskiptavina skipaður í hverjum
banka.
■ Gengisvísitala fer í fyrsta skipti yfir
250 stig.
3. des.
■ Umboðsmaður Alþingis lýsir yfir
áhyggjum sínum af stjórnsýslu
við framkvæmd neyðarlaga í tólf
atriðum. Geir segir síðar áhyggjurn-
ar óþarfar.
4. des.
■ Davíð Oddsson mætir á fund við-
skiptanefndar. Ber fyrir sig banka-
leynd vegna ummæla hans um að
hann viti hvers vegna Bretar beittu
Íslendinga hryðjuverkalögum. Seg-
ist hafa sagt við ríkisstjórnina í júní
að líkur á því að bankarnir stæðu
væru núll.
■ Fréttir berast af viðtali
við Davíð í dönsku
blaði. Þar segist hann
ætla í pólitík verði
hann látinn fara úr
Seðlabanka. „Ef ég verð
neyddur til að segja
af mér lítur málið allt
öðruvísi út. Þá ætla ég
að snúa aftur í pólitík.“
5. des.
■ Össur Skarphéðinsson
iðnaðarráðherra segir
Davíð Oddsson hafa
blekkt sig og aðra borg-
ara landsins, hafi hann varað
leiðtoga ríkisstjórnarinnar við falli
bankanna í júní.
6. des.
■ Geir H. Haarde segist ekki
muna eftir símtali þar sem
Davíð varaði hann við falli
bankanna.
7. des.
■ Geir segir ýmis-
legt óviðeigandi í
ummælum Davíðs
á fundi viðskiptaráðs.
■ Björgvin G. Sigurðsson gagnrýnir
Seðlabankann vegna þjóðnýtingar
Glitnis. Hann hafi ekki verið hafður
með í ráðum.
■ Össur Skarphéðinsson upplýsir að
Samfylkingin hafi komið í veg fyrir
skipan sérstaks neyðarráðs emb-
ættismanna undir forystu Davíðs
Oddssonar.
8. des.
■ Tveir mótmælendur fara á
þingpalla og eru með háreysti.
Í kjölfarið er 30 mótmælendum
meinaður aðgangur að pöllunum
og til ryskinga kemur. Sjö eru
handteknir.
9. des.
■ Mikil mótmæli fyrir utan Ráðherra-
bústaðinn í aðdraganda ríkisstjórn-
arfundar.
10. des.
■ KPMG segir sig frá rannsókn á
Glitni eftir tveggja mánaða vinnu.
■ Frumvarp um sérstakan saksókn-
ara til að rannsaka bankahrunið
verður að lögum.
11.des.
■ Fundað með
erlendum kröfuhöf-
um í bankana. Von-
ast eftir samningum
um erlent eignar-
hald í Kaupþingi
og Glitni.
12. des.
■ Verðbólga
hækkar vegna
hærri álaga á
elds- neyti, áfengi,
tóbak og fleira. Skuldir heim-
ila hækka um 6,7 milljarða.
16. des.
■ Ríflega 100 manns
mótmæla fyrir framan
Ráðherrabústaðinn í
aðdraganda ríkisstjórnar-
fundar. Ríkisstjórnin færir
í kjölfarið fundi sína í
Alþingishúsið.
17. des.
■ Frumvarp lagt fram um fjárhagsleg-
an stuðning við þá sem hyggja á
málsókn við Breta.
19. des.
■ Þrjú hundruð fjölskyldur þiggja
aðstoð hjá Fjölskylduhjálpinni í
síðustu úthlutun fyrir jól. Alls þáðu
átta hundruð fjölskyldur aðstoð í
desember.
20. des.
■ Fjöldi lagabreytinga á Alþingi.
Tekjuskattur hækkaður um 1,25
prósent, heimild til gjaldtöku á
sjúkrahúsum, þak fæðingarorlofs
lækkað um 80 þúsund.
22. des.
■ Fjárlög samþykkt með 154
milljarða króna halla. Fjáraukalög
samþykkt sem bæta 45 milljörðum
við áður samþykkt fjárlög.
■ Verðbólga komin í 18,1 prósent.
Hefur ekki verið hærri síðan í maí
1990.
22. des.
■ Ný eftirlaunalög samþykkt. Ekki
nóg að gert, segja sumir.
23. des.
■ 2,1 prósent landsmanna sækir um
aðstoð frá hjálparstofnunum fyrir
jólin.
■ Páll Hreinsson skipaður formaður
rannsóknarnefndar um banka-
hrunið. Tryggvi Gunnarsson og
Sigríður Benediktsdóttir sitja einnig
í nefndinni.
27. des.
■ Kjararáð lækkar laun þingmanna
og ráðherra um 7,5 til 15 prósent.
30. des.
■ Úttektum á bönkunum skilað til
Fjármálaeftirlitsins. Hafa ekki enn
verið gerðar opinberar.
31. des.
■ Mótmæli við Stjórnarráð og síðar
Hótel Borg þar sem Kryddsíld
Stöðvar 2 fer fram. Lögreglan beitir
táragasi. Útsending þáttarins rofin.
1. jan.
■ 17.541 einstaklingur er á vanskila-
skrá og 5.938 fyrirtæki.
■ Krónan féll um 45 prósent á árinu
2008.
3. jan.
■ Mótmælafundur á Austurvelli 13.
laugardaginn í röð.
■ Economist spáir neikvæðum
hagvexti um 10 prósent á Íslandi
árið 2009 og um 5 prósent hjá
Simbabve.
5. jan.
■ Bjarni Ármannsson upplýsir að
hann hafi skilað 370 milljónum
króna eftir bankahrun. Reyndust
vera 240, restin kom úr ríkissjóði
sem endurgreiddir skattar.
■ Hundruð skrá sig atvinnulaus á
fyrsta launalausa degi ársins.
6. jan.
■ Upplýst að kvótaveð nokkurra
fyrirtækja eru komin í eigu erlendra
banka.
■ Ríkisstjórnin ákveður að fara ekki
í mál við Breta vegna Icesave en
leitar í staðinn til Mannréttinda-
dómstóls Evrópu.
7. jan.
■ Heilbrigðisráðherra tilkynnir um
1.300 milljarða niðurskurð í
heilbrigðiskerfinu og uppstokkun.
Sveitarfélög ræða yfirtöku stofnana.
8. jan.
■ Creditinfo spáir gjaldþroti 3.527
fyrirtækja á árinu 2009.
10. jan.
■ Carsten Valgreen, aðalhagfræðingur
Danske Bank, segir rót kreppunn-
ar vera mikil innbyrðis tengsl.
Davíð Oddsson hafi valdið
stórslysi með yfirlýsingum
sínum og losna þurfi við
stjórnmálamenn úr
stjórnunarstöðum.
11. jan.
■ Rannsókn-
arnefnd um
bankahrunið
segist munu
rannsaka
stöðutökur gegn íslensku krónunni.
12. jan.
■ Atvinnurekendur sakaðir um að
misnota atvinnutryggingakerfið og
nota bætur vegna skertrar vinnu til
að greiða niður launakostnað.
■ Sigurbjörg Sigurgeirsdóttir stjórn-
sýslufræðingur segir ráðherra hafa
haft samband við sig fyrir borgara-
fund, þar sem hún var ræðumaður,
og hvatt hana til að gæta orða
sinna. Ingibjörg Sólrún Gísladóttir
segist síðan hafa átt í hlut og ráðin
hafi verið gefin af góðum huga.
■ Robert Wade, hagfræðingur við
London School of Economics, segir
viðbrögð ríkisstjórnar og Seðla-
banka við fjármálakreppunni hafa
verið fálmkennd.
13. jan.
■ Geir H. Haarde segir við breska
tímaritið Monocle að hann hafi
áhyggjur af því að unga fólkið flytji
úr landi. „Við erum lítið eyjasamfé-
lag og það er alltaf freistandi fyrir
ungt menntafólk að flytja sig til
grænni haga.“
■ Verkalýðsforkólfar átelja
ríkisstjórnina fyrir að
aðhafast lítið vegna
atvinnuleysis.
■ Tilkynnt að
staða bankastjóra
Landsbankans
verði auglýst.
Elín Sigfús-
dóttir mun
ekki sækja
um.
14. jan.
■ Fleiri hefðu átt að taka stöðu gegn
krónunni, segir Ásgeir Jónsson hag-
fræðingur. „Þjóðin lifði einfaldlega
um efni fram allt of lengi með því
að taka stöður með krónunni.“
■ Skýrsla sýnir að skuldir fyrirtækja
hafi aukist um 44% frá ársbyrjun
að falli bankanna og heimilanna
um 22%. 68% skuldanna voru
gengisbundnar, miðað við 59% í
ársbyrjun.
■ Robert Wade fundar með embætt-
ismönnum.
15. jan.
■ Eiríkur Guðnason seðlabankastjóri
segir bankastjóra hafa talið sig vera
að styrkja kerfið með veðlánum til
bankanna skömmu fyrir fall. Þeir
hafi haldið í vonina um að kerfið
„myndi standa af sér þann ólgusjó
sem yfir dundi. Við töldum ekki
fullvíst á þeim tíma að þetta myndi
tapast.“ Ummælin þykja stangast á
við ummæli Davíðs Oddssonar um
að hann hafi sagt ríkisstjórninni í
júní að núll prósents líkur væru á
að bankarnir stæðu.