Fréttablaðið - 25.02.2009, Síða 6
6 25. febrúar 2009 MIÐVIKUDAGUR
KJÖRKASSINN
HEILBRIGÐISMÁL Ekki hafa verið
teknar neinar ákvarðanir um
framtíðarstarfsemi í húsnæði
Heilsuverndarstöðvarinnar við
Barónstíg 47, segir Þorsteinn
Steingrímsson, fasteignasali og
eigandi húseignarinnar. Heilsu-
verndarstöðin ehf., sem rak dag-
deild og legudeild fyrir samtals
um fimmtíu skjólstæðinga í hús-
inu í kjölfar útboðs hjá heilbrigð-
isráðuneytinu, hætti starfsemi í
nóvember síðastliðnum.
Þorsteinn segir húsið nýupp-
gert og reiðubúið undir starf-
semi. „En það er skipt um heil-
brigðisráðherra af og til og nýir
menn með nýjar áherslur eru allt-
af að skoða og spekúlera,“ segir
Þorsteinn. - kg
Heilsuverndarstöðin:
Engin starfsemi
á Barónstíg
ENGIN ÁKVÖRÐUN Eigandinn segir
húsið tilbúið undir starfsemi.
Hrafnhildur í landskjörstjórn
Hrafnhildur Stefánsdóttir lögfræðingur
var á Alþingi í gær kjörin aðalmaður
í landskjörstjórn í stað Gísla Baldurs
Garðarssonar. Gunnar Sturluson
lögfræðingur var kjörinn varamaður í
stjórninni í stað Hrafnhildar.
ALÞINGI
EFNAHAGSMÁL Tillögur Framsóknar-
flokksins um niðurfellingu hluta
skulda heimila og fyrirtækja ganga
ekki upp að mati Jóns Steinssonar,
hagfræðings við Kólumbíu-háskóla
í Bandaríkjunum.
„Framsóknarmenn virðast vera
að ala á þeirri hugmynd að einhvern
veginn sé unnt að hjálpa öllum án
þess að það kosti neinn neitt. Við
megum ekki láta glepjast af slíkum
málflutningi. Það leiðir einungis til
þess að við munum vakna við það
eftir nokkur ár að skuldir ríkisins
verða orðnar himinháar og framtíð-
arskattar því einnig himinháir.“
Framsóknarflokkurinn kynnti
tillögur sínar í efnahagsmálum á
mánudag. Ein þeirra var að skuld-
ir fyrirtækja og húsnæðisskuldir
einstaklinga verði lækkaðar um
20 prósent og það muni ekki hafa
kostnað fyrir ríkið í för með sér.
Jón segir röksemdina fyrir því
að þetta muni ekki kosta ríkið neitt
gallaða. Í raun séu framsóknar-
menn að tala um að eyða sömu pen-
ingunum oftar en einu sinni.
Húsnæðislán gömlu bankanna
voru flutt yfir í þá nýju með helm-
ings afslætti, sem gefinn var til að
mæta útlánatapi í framtíðinni, segir
Jón. Það segi sig sjálft að sumir
hafi burði til að greiða hærra hlut-
fall en aðrir. Ef afslættinum sé sóað
í að veita öllum sömu niðurfellingu
skulda muni skattgreiðendur þurfa
að taka á sig tapið sem verði þegar
þeir verst settu geti ekki greitt eft-
irstöðvar sinna lána. - bj
Hagfræðingur við Kólumbíu-háskóla segir tillögu Framsóknarflokks um niðurfellingu skulda ekki ganga upp:
Vilja eyða sömu peningunum tvisvar
Ekki er hægt að gefa þá von út í
samfélagið að hægt verði að afskrifa
hluta skulda heimila og fyrirtækja, sagði
Jóhanna Sigurðardóttir forsætisráðherra
á blaðamannafundi ríkisstjórnarinnar
í Þjóðmenningarhúsinu í gær. Leiðin
sem Framsóknarflokkurinn leggur til
hefur verið skoðuð og myndi setja
Íbúðalánasjóð (ÍLS) lóðbeint á hausinn,
sagði Jóhanna. Kostnaður yrði 400 til
500 milljarðar.
Undir þetta tók Steingrímur J.
Sigfússon fjármálaráðherra. Með þessu
sé í raun verið að leggja til að skuldir
landsmanna verði afskrifaðar á þeirra
eigin kostnað, því afskriftirnar muni
falla á ríkið og lífeyrissjóðina.
Gylfi Magnússon viðskiptaráðherra
sagði á Alþingi í gær að ekki sé hægt
að afskrifa skuldir allra lántakenda. Stór
hluti standi í skilum. Verði lán afskrifuð
muni það rýra mjög eignir bankanna og
Íbúðalánasjóðs og hár kostnaður muni
falla á ríkið.
MYNDI SETJA ÍLS LÓÐBEINT Á HÖFUÐIÐ
EFNAHAGSMÁL Bætur þeirra sem
flytja réttindi sín til annarra
Evrópulanda eru reiknaðar út
miðað við gengi í október. Þetta
þýðir verulega lækkun á greiðslu
í erlendri mynt. Nýtt gengi verð-
ur ekki upp-
reiknað fyrr en
í byrjun apríl
og það miðast
þá við stöðuna í
byrjun janúar.
Þeir sem hafa
áunnið sér rétt-
indi til atvinnu-
leysisbóta hér á
landi geta flutt
þau með sér hvert sem er innan
Evrópska efnahagssvæðisins. Það
er samkvæmt Evróputilskipun frá
1972 og tryggir hún að menn geti
haldið atvinnuleysi á milli landa
og fengið atvinnuleysisbætur í
allt að þrjá mánuði, enda séu þeir
í atvinnuleit. Vinnumálastofnun
gefur út svokallað E-303 vottorð
fyrir þá sem svo er ástatt um.
Evrópulöndin gera síðar upp á
milli sín greiðslur til þegna við-
komandi lands. Það á þó ekki við
um Norðurlöndin, þar rukka lönd-
in hvert annað ekki um greiðsl-
ur.
Evrópusambandið gefur út
gengistöflu og miðar við geng-
ið eins og það var þremur mán-
uðum áður en hún er gefin út.
Sú tafla gildir í þrjá mánuði.
Atvinnuleysisbætur sem fást
útgreiddar eru reiknaðar út frá
þeirri töflu.
„Þetta er mjög bagalegt og við
höfum varað fólk við sem er á
leiðinni út. Fólk verður að gera
sér grein fyrir þessu áður
en það flytur af landi
brott,“ segir Gissur Pét-
ursson, forstjóri Vinnu-
málastofnunar.
Gissur segist ekki hafa
tölur yfir þann fjölda
sem þetta snertir. Í
desember hafi þó verið
gefin út 150 E-303 vott-
orð. Inni í þeirri tölu
eru einnig erlendir rík-
isborgarar sem hafa
áunnið sér réttindi hér
á landi og geta flutt þau
með sér, til dæmis aftur
í heimaland sitt.
kolbeinn@frettabladid.is
Gengi frá október
stýrir bótum erlendis
Miðað er við gengi íslensku krónunnar frá því í október þegar bætur eru
greiddar út erlendis fyrir þá sem hafa flúið land. Þetta getur þýtt meira en
helmings lækkun atvinnuleysisbóta í nýju landi miðað við hér heima.
GISSUR PÉTURSSON
Sveinn Birkir Björnsson flutti til Svíþjóðar í lok janúar ásamt konu sinni og
þremur börnum. Fengi hann greidda dagpeninga þar eftir því gengi sem nú
gildir fengi hann um 180 þúsund krónur á mánuði. Vegna þess að miðað er
við gengi í október 2008 fær hann hins vegar einungis 78 þúsund krónur á
mánuði.
Sveinn Birkir segir þetta hafa sett strik í áætlanir þeirra
hjóna og kvartar yfir því að þeim hafi ekki verið
gefnar þessar upplýsingar fyrirfram.
„Ég þarf ekki að útlista það hvaða áhrif þessir
útreikningar hafa á heimilisbókhaldið hjá fimm
manna fjölskyldu. Þetta er ríflega bilið á milli
feigs og ófeigs. Ef ekki er brugðist við þessu á
einhvern hátt blasir ekkert við mér og minni
fjölskyldu annað en vanskil og framhaldið er
óþægilegra en svo að ég leyfi mér að hugsa þá
hugsun til enda.“
Hann hefur sent félagsmálaráðuneytinu
erindi og farið fram á að reglugerð
verði breytt tímabundið, þannig
að fólk fái greitt eftir núverandi
gengi en ekki sex mánaða
gömlu.
MEIRA EN HELMINGSLÆKKUN BÓTA
Nýr formaður kjörinn
Gunnar Örn Kristjánsson var kosinn
stjórnarformaður Nýja Kaupþings
á hluthafafundi í fyrradag í stað
Magnúsar Gunnarssonar sem látið
hefur af störfum. Ástríður Þórðardóttir
var kosin í varastjórn í stað Eiríks
Jónssonar.
BANKAMÁL
TÍBET, AP Fátt er um hátíðarhöld
meðal Tíbeta, hvort heldur þeirra
sem búsettir eru í Tíbet eða
útlaganna á Indlandi, þótt í dag
sé nýársdagur samkvæmt tíma-
tali Tíbetbúa.
Dalai Lama, andlegur og ver-
aldlegur leiðtogi Tíbeta, bað fólk
að sleppa hátíðarhöldum þetta
árið. Það væri ekki við hæfi eftir
að Kínverjar börðu niður harðri
hendi mótmæli í Lhasa, höfuð-
borg Tíbets, síðastliðið sumar.
„Það var stríð í Lhasa á árinu,“
sagði einn Tíbeti í borginni Xiahe
í Kína, þar sem töluverður fjöldi
Tíbeta býr. - gb
Nýtt ár hefst í Tíbet:
Tíbetar fagna
ekki áramótum
HÁTÍÐ Í PEKING Tíbetar í Peking, höfuð-
borg Kína, klæddust búningum.
FRÉTTABLAÐIÐ/AP
Viltu að Varnarmálastofnun
verði lögð niður?
Já 78%
Nei 22%
SPURNING DAGSINS Í DAG:
Var Davíð Oddsson sannfær-
andi í Kastljóssviðtalinu?
Segðu þína skoðun á Vísi.is
Dæmdur fyrir kynferðisbrot
Héraðsdómur Reykjavíkur hefur
dæmt karl á sjötugsaldri í fimmtán
mánaða fangelsi fyrir kynferðisbrot
gagnvart greindarskertri konu. Dóm-
urinn taldi sannað að maðurinn hafi
notfært sér fötlun fórnarlambsins í
því skyni að eiga við hana kynferðis-
mök. Maðurinn neitaði sök. Honum
er jafnframt gert að greiða konunni
600 þúsund krónur í miskabætur.
DÓMSMÁL