Fréttablaðið - 25.02.2009, Side 22
25. febrúar 2009 MIÐVIKUDAGUR4
„Nauðsynlegt er að hreinsa húð-
ina á unglingum þegar komn-
ir eru fílapenslar, þar sem hægt
er að koma í veg fyrir að ungl-
ingar fái slæmar unglingabólur
og ör með því að hreinsa húðina
nógu snemma,“ segir Jónína Hall-
grímsdóttir, eigandi Snyrtistof-
unnar Jónu í Hamraborg. „Ef setja
á fermingarbarnið í húðhreinsun
er því gott að koma með það þó
nokkru áður en stóri dagurinn er
áætlaður svo húðin nái að jafna
sig. Þá er ég að tala um þrjár vikur
eða mánuð,“ segir hún.
Á unglingsárunum er mikil fitu-
framleiðsla í húðinni og myndast
þá fílapenslar eða stíflur sem koma
út sem litlir svartir dílar á húð-
inni. „Misjafnt er hvenær fyrstu
fílapenslarnir gera vart við sig og
fer það eftir þroska hvers og eins.
Húðin er alltaf að framleiða fitu og
fitan heldur henni mjúkri. Þegar
krakkarnir fara á unglingsárin
eykst fituframleiðslan í tengslum
við hormónabreytingar. Oft stíflast
fitugöngin og fílapenslar myndast.
Ef maður hreinsar þá ekki þá vilja
koma bólur. Þess vegna borgar sig
að fara í húðhreinsun á meðan enn
eru bara fílapenslar,“ segir Jónína
og bætir við: „Fólk er oft að draga
þetta of lengi og þá eru þessar
bólur komnar sem erfiðara er að
eiga við.“
Ef unglingar eru með slæma húð
þá er gott að koma í húðhreinsun
um það bil einu sinni í mánuði á
meðan í henni sitja fílapenslar.
„Sumir þurfa bara að koma einu
sinni en þeir sem eru með mikið
af stíflum þurfa að koma í nokkur
skipti,“ segir Jónína. Húðhreins-
unin fer þannig fram að fyrst er
húðin hreinsuð með hreinsimjólk
og andlitsvatni og oft er notað
kornakrem til að slípa dauðar húð-
frumur sem orsaka stífluna.
„Síðan setjum við andlitsgufu
og þá hitnar húðin og verður rök
þannig að auðveldara er að ná
fílapenslunum. Svo sótthreinsum
við á eftir og að lokum setjum við
hreinsimaska til að loka húðinni
aftur,“ útskýrir hún.
Húðhreinsun fyrir sextán ára
og yngri kostar 5.600 krónur hjá
Snyrtistofu Jónu en 6.500 krónur
fyrir sextán ára og eldri. „Seint
verður lögð nógu mikil áhersla á
að koma bara eins fljótt og hægt
er,“ segir Jónína og ítrekar að
fermingarbörn ættu að koma í það
minnsta þremur vikum fyrir ferm-
ingu og mælir með að unglingar
séu duglegir að þrífa húðina með
þar til gerðum snyrtivörum.
hrefna@frettabladid.is
Gott að fara tímanlega
Ófáir unglingar myndu gjarnan vilja losna við bólur, ekki síst fyrir fermingardaginn. Jónína Hallgríms-
dóttir snyrtifræðingur ráðleggur húðhreinsun tímanlega svo húðin nái að jafna sig fyrir stóra daginn.
Jónína mælir með húðhreinsun fyrir unglinga með húðvandamál. FRÉTTABLAÐIÐ/ANTON
GESTABÆKUR skapa góðar minningar um
fermingardaginn. Góð hugmynd er að hvetja
gesti til að skrifa heilræði í bókina eða jafn-
vel að efna til vísnakeppni í veislunni.
Margar gerðir af búningasilfri.
Þetta er ódýrasta mynstrið. Allt sem þarf á upphlutinn,
settið frá 90.530, kr.
Allar upplýsingar um hefð og
gerðir búninga eru veittar á staðnum.
Gullkistan - Frakkastíg 10 - Sími: 551-3160.
Sérverslun með
kvensilfur
Bæjarlind 6 .. Eddufelli 2
S. 554-7030 S. 557-1730