Réttur - 01.01.1948, Page 1

RÉTTUH
TÍMARIT UM ÞJÓÐFÉLAGSMÁL
32. árgangur
1. hefti
1948
JÓHANNES ÚH KÖTLUM:
Hvar stöndum vér?
„Lokasporið eigum vér aldrei að stíga
17. júní 1944 var sannur merkisdagur í sögu íslendinga.
Öllum er í fersku minni, hvað þá var að gerast á yfirborði
þjóðlífsins. Þann dag vorum vér að afmá síðustu tákn erlends
drottinvalds: segja skilið við hinn framandi konungdóm og
stofna sjálfstætt lýðveldi. Almenn atkvæðagreiðsla hafði farið
fram um málið. í henni tóku þátt 98,6% gildra kjósenda.
Þar af sögðu 99,5% já. Svo einhuga stóðum vér þann dag.
Stoltari stund en Lýðveldishátíðin hefur aldrei runnið upp
yfir vort fagra land.
Það var næsta djörf og stórmannleg ákvörðun, sem vér
íslendingar tókum þennan minnisverða dag. Umheimurinn
stóð í geigvænlegasta styrjaldarbáli, sem sögur fara af. Vér
vorum hersetin þjóð. Hin gamla sambandsþjóð vor sat nú
sjálf í viðjum ofbeldis. Hrun nazismans var að vísu fyrirsjá-
anlegt, en örðugt var að gizka á, hverskonar veröld mundi
rísa upp úr öllum rústunum. Eitt var þó víst: styrjöldin
hafði gert land vort að einum brennipunktinum í barátt-
LANDSBÓKASAFN
Jk'fc 1 7 2 0 9 7
fsLANÞS ~