Réttur - 01.01.1948, Blaðsíða 37

RÉTTUR
37
er reknir í anda hernaðareinræðis. Milljónir manna eru í
fangabúðum, „þar sem þeir deyja eins og flugur, eru barðir
eins og hundar, verða að vinna eins og þrælar." Jafnvel
fóstureyðingar eru bannaðar. Og þannig utan enda.
Til marks urn þann sjúklega haturshug, sem liggur að
baki öllum þessum ákærum, má benda á eitt ljóst dæmi.
Överland segir á einum stað: „í menningarþjóðfélagi geta
menn venjulega komizt hjá dauðahegningu. í sósíalísku
þjóðfélagi á hún ekki heima.“ Síðan fordæmir hann ráð-
stjórnina út frá þeirri forsendu, að 1935 hafi hún fært ald-
urstakmark dauðarefsingar allt niður í 12 ár. Hann vitnar
bæði í Arthur Köstler og Max Eastman þessu til sönnunar.
Sannleikurinn í málinu er sá, að árið 1935 var hinn almenni
refsialdur, sem í Noregi er miðaður við 14 ára aldur, færður
úr 16 niður í 12 ár í Rússlandi í nokkrum tilteknum málum.
Aldurslágmark dauðarefsingar var eftir sem áður 18 ár, þar
til hún var afnumin með öllu snemma árs 1947.
En þegar svo ráðstjórnin er búin að afnema dauðarefs-
inguna af nýju, fagnar hann því ekki sem menningarlegum
sigri sósíalísks þjóðfélags, eins og fyrrnefnd ályktun hans
gefur tilefni til að ætla. Þess í stað segir hann: „Nú er dauða-
hegning á ný afnumin. Lagaákvceðin í því efni hafa reynzt
óþörf. Það er hœgt að gera út af við menn án þess að viðhafa
nokkrar serimoniur." Þetta er nú hugarfar, sem segir sex!
En enda þótt „rökvísi“ Överlands sé þannig oftast reist á
fölsuðum forsendum og blindu hatri, ber hún yfirleitt ekki
blæ þess að vera vísvitandi blekking svindlarans, heldur lík-
ist öllu fremur neyðarópi sökkvandi manns. Málflutningur
hans er síður en svo eingöngu þetta venjulega auðvalds-
kjaftæði, sem búið er að drepa alla Rússa hvað eftir annað
úr hungri. Hann skírskotar þvert á móti af allri sinni ríku
ástríðu til þeirra mannlegra eiginleika, sem sterkast eru
mótaðir af hinum útskúfuðu hugsjónum borgarastéttarinn-
ar. Hann talar í nafni lýðræðisins. Hann talar í nafni frels-
isins. Og fyrst og síðast talar hann í nafni sannleikans. Það