Réttur - 01.01.1948, Page 22

22
RÉTTUR
lega innlimað í hernaðarkerfi Bandaríkjanna og hefði opin-
berlega afsalað sér hlutleysi sínu.
Markmiðin, sem æsingarnar eiga að þjóna, eru þessi: í
fyrsta lagi á að draga athyglina frá innlendu málunuin. í
öðru lagi á að skapa ofsahræðslu við kommúnista, þannig
að takist að æra mikinn hluta landslýðsins, svo að hann sjái
ekki annað en baráttuna gegn kommúnismanum, sé reiðu-
búinn til að gleyma öllu öðru og færa fórnir til friðþægingar
gegn þessari skelfingu. Það á meira að segja að telja fólki
trú um, að engin fórn sé of stór, ekki heldur afhending her-
stöðva og efnahagslegs og pólitísks sjálfstæðis landsins í
hendur Bandaríkjanna. Bjarni Benediktsson talaði mikið
um það, að landið væri varnarlaust. Það var svo sem auð-
heyrt hvert hann vai að fara.
Annað höfuðatriðið í áróðri stjórnarinnar er að telja fólki
trú um að allt sé komið að hruni, afurðirnar séu að lækka,
við eigum engan gjaldeyri, ekkert fjármagn o. s. frv. Þess
vegna séu engin önnur úrræði til en að lækka kaupið, rýra
kjörin, draga saman seglin í atvinnulífinu og síðast en ekki
sízt, taka dollaralán, taka feginshendi við Marshallhjálpinni.
Loks á að undirbúa jarðveginn fyrir ofsóknir gegn sósíal-
istaflokknum og verkalýðshreyfingunni, þegar Bandaríkjun-
um og leppum þeirra þykir nauðsyn til bera. Eins og sakir
standa, telja þeir meginverkefnið í sókninni gegn verkalýðs-
samtökunum vera að sameina alla fylgismenn stjórnarflokk-
anna undir merki kommúnistahræðslunnar til þess að vinna
Alþýðusambandið undir yfirráð afturhaldsins.
Marshalllán
Miðstjórnir allra stjómarflokkanna hafa nú samþykkt að
fallast á tillögur ríkisstjórnarinnar um lántöku samkvæmt
skilyrðum Marshalls. Ríkisstjórnin hefur skipað starfsmenn
af sinni hálfu til þess að undirbúa þátttöku íslands í Mar-
shalláætluninni.Þó er að sjá á skrifum Tímans, að sumir
Framsóknarmenn séu eitthvað hikandi.