Réttur - 01.01.1963, Blaðsíða 32

32
R E T T U R
ing stöðvuðu efnahagsþróunina. Á sama tíma og í Evrópu (þar sem
yfirstéttin auðgaðist á þrælasölu) var innleidd ný tækni og nýjar
stéttir fæddust, stöðnuðu þjóðfélagshættir Afríku á stigi hálfdrætt-
ingsfeudalisma.
Þegar Evrópa komst á stig imperíalismans, varð Afríka fórnar-
lumb nýrrar tegundar ánauðar, sem birtist í nýlendukerfi 20. aldar.
Nýlendustefnan, sem um 400 ára skeið hafði greitt Afríku svo mörg
högg og þung varð enn til þess að hindra þróun framleiðsJuhátta í
álfunni. En þetta tímabil er utan þess ramma, sem Davidson hefur
sett bók sinni.
Verkefni höfundar var ekki auðvelt. Og það þyrfti að rannsaka
enn nánar mörg vandamál, sem rædd eru í þessari bók. En enginn
getur andmælt með alvarlegum rökum aðalniðurstöðu bókarinnar:
fjórar aldir í sögu Afríku — frá 15. til 19. aldar — voru tímabil
„einangrunar og stöðnunar, alls staðar þar sem verzlun við Evrópu
— sem var þrælaverzlun — gat teygt dauða hönd sína.“ — Og
Davidson lætur í ljós þá von sína, að sannleikurinn um þetta sorg-
lega tímabil í sögu Svarta meginlandsins verði framlag til bjartari
framtíðar þess.