Réttur - 01.01.1964, Síða 14
Fyrsta alþjóðasambandið
100 ára
Á þessu ári mun verklýðshreyfing heimsins minnast þess að liðin
eru 100 ár síðan Karl Marx og Friedrich Engels stofnuðu fyrsta
Alþjóðasamband verkamanna, sem hét þá á enskri íungu: Inter-
national Working Men’s Association. Alþjóðasambandið var stofn-
að 28. september 1864 í St. Martin’s Hall í Lundúnum. Karl Marx
var fremsti hvatamaður þess, höfundur að ávarpi þess og lögum,
en verkamenn frá ýmsum Jöndum voru stofnendur þess.
Stofnun Alþjóðasambandsins var vottur um vaxandi þroska verka-
lýðsins, þörf hans á að sameinast og um sjálfstraust hans. I ávarpinu
var sagt að „frelsun verklýðsstéttarinnar yrði að vera liennar eigið
verk.“
1 hinum ýmsu löndum lýstu nú ýms verkamannasamtök fylgi
sínu við hin nýju alþjóðasambönd og gerðust deildir í því.
Fyrsta þing Alþjóðasambandsiris var haldið í Genf í Sviss 3.—8.
september 1865 og voru þar mættir 60 fulllrúar frá 25 deildum þess,
fiá Englandi, Frakklandi, Þýzkalandi og Sviss. Þær ályktanir, er
þetta þing gerði voru allar í samræmi við hinn vísindalega sósíal-
isma, en andstæðar Proudhon og fylgjendum lians. Þingið lagði
áherzlu á gildi verkfallanna, undirstrikaði gildi baráttunnar fyrir
8 tíma vinnudegi og gerði myndun og starfsemi verklýðsfélaga að
einu höfuðatriði baráttunnar.
Annað þing Alþjóðasambandsins kom saman 2.—8. september
1867 í Lausanne í Sviss. Þar mættu 63 fulltrúar frá verklýðssam-
tökum í Sviss, Frakklandi, Þýzkalandi, Bretlandi, Ítalíu og Belgíu.
Á því þingi var samþykkl að þjóðfélagslegt frelsi verkamanna væri
óhugsandi án pólitísks frelsis þeirra. Þingið ákvað að beita sér
fyrir ríkiseign á samgöngutækjum, Yar «ú samþykkt sigur fyrir