Réttur - 01.01.1964, Qupperneq 16

16
R É T T U R
barátluaðferS verkamanna. Á því þingi var og samþykkt ályktun
gegn stríði, þar sem alþjóðasambandið hét á allar deildir sínar og
verklýðssambönd að berjast gegn stríði með því að beita allsherjar-
verkfalli.
Fjórða þing Alþjóðasamhandsins var haldið í Basel í Sviss 6.—
11. september 1869. Voru þar mættir 78 fulltrúar frá átta löndum.
Þar var háð hörð barátta við stjórnleysingjana (anarkistana), er
voru undir forustu Bakunin’s.
I marz 1870 myndaði hópur rússneskra útlaga í Sviss rússneska
deild úr Alþjóðasambandinu. Báðu þeir Karl Marx um að vera
fulltrúa sinn í allsherjarráðinu. „Eg tek með ánægju þeim heiðri,
er þér gerið mér með því að bjóða mér að vera fulltrúi yðar í Alls-
herjarráðinu“, skrifaði Marx til þeirra.
Eftir ósigur Frakka í styrjöldinni v(ð Þjóðverja 1871, hófst upp-
reisn verkalýðsins í París 18. marz 1871, Parísarkommúnan, fyrsta
sigursæla bylting verkalýðsins í veröldinni, þó skammlíf væri. Hún
var kæfð í blóði af afturhaldinu 21. maí 1871. Þeir Marx og Engel
aðstoðuðu Parísarkommúnuna með ráð og dáð og þeir skrifuðu
hina frægu bók um hana, „Borgarastyrjöldin í Frakklandi“, í apríl
og maí 1871 og var það rit samþykkt af Allsherjarráðinu 30. maí
1871 og sent út sem ávarp þess á ensku, þýzku og frönsku.
Eftir fall Parísarkommúnunnar hófst allsherjarofsókn afturhalds-
ins gegn Alþjóðasambandinu. I ýmsum löndum var það gerð land-
ráðasök að tilheyra því og ýmsar deildir þess urðu að starfa í banni
laganna.
Fimmta þing Alþjóðasambandsins var haldið 2.—7. september
1872 í Haag í Hollandi. Þar voru 65 fulltrúar frá ellefu löndum.
Marx og Engels voru háðir mættir.
Á þessu þingi var ákveðið að koma upp óháðum verkamanna-
flokki í hverju landi. Bakunin og anarkistarnir voru reknir úr Al-
þjóðasambandinu, en allsherjarráðið hafði áður, 5. marz 1872, sent
út bréf gegn Bakunin og undirróðri hans, samið af þeim Marx og
Engels.
Marxisminn hafði sigrað í Alþjóðasambandinu og mótaði upp
frá þessu stefnu og skipulag þeirra alþjóðasamtaka, er hin sósíalist-
iska verklýðshreyfing skóp. Hinsvegar var ofsókn afturhaldsins í
Evrópu slík eftir fall Parísar-kommúnunnar að Alþjóðasambandinu
var ólíft í Evrópu. Var því samþykkt að flytja miðstöðvar þess til
Bandaríkjanna.