Réttur - 01.03.1939, Qupperneq 8

sem Sósíalistaflokkurinn verður að einbeita öllum sín-
um kröftum til að sameina þjóðina gegn framrás fas-
ismans. En enda þótt Breiðfylkingin sé engin fasista-
flokkur, sambærilegur við þýzka nazista, þá stefnir samt
allt í sömu átt undir stjórn hennar og í fasistalöndun-
um, bara undir lýðræðisyfirskini’ og með mildari að-
ferðum, svo lengi sem kostur er. Stjórn Breiðfylkingar-
innar er hið afturvirka lýðræði, sem alstaðar er undan-
fari fasismans, svo framarlega sem verkalýðshreyfing-
unni tekst ekki að sigrast á því, snúa straumnum við
og sameina lýðræðisöflin til sóknar gegn fasismanum
fyrir frelsi og mannréttindum.
Það er hlutverk Sósíalistaflokksins. Og til þess að
þetta megi takast, er mikils um vert að landssamband
stéttarfélagannaí verði þegar í upphafi svo öflugt, að
allar tilraunir til klofnings verði tiltölulega máttlausar,.
enda þótt þær njóti stuðnings ríkisvaldsins.
Benjamín H. J. Eiríksson:
Um innlendan iðnað.
Því lengur sem innflutningshöftin og gjaldeyris-
hömlurnar hafa verið í gildi, því betur hafa hin óheilla-
vænlegu áhrif þeirra á þróun þjóðarbúskaparins komið
í Ijós. Hin óheppilega þróun þjóðarbúskaparins, sem ég
hér á við, eru þær höfuðbreytingar, sem orðið hafa á
byggingu hans undanfarin ár, og sem eiga eftir að hafa
mikilvæg áhrif á lífskjör fólksins í landinu til hins
verra, verði ekki bráðlega breytt um stefnu.
Innflutningshöftin og gjaldeyrishömlurnar hafa
breytt gróðaskilyrðunum mikið innanlands. Framleiðsla
á neyzluvarningi úr erlendum hráefnum, hefir t. d.
reynzt mjög gróðavænleg. Fjármagnið hefir því leitað
yfir í þá framleiðslu. Og það þeim mun frekar, sem hún
8