Réttur - 01.03.1939, Page 11

reiðubúin að greiða þennan kostnað þessa innlenda iðn-
aðar?
Spurningunni um innlendan iðnað er engan veginn
fyllilega svarað með þessu.
ísland hefir mikil náttúrugæði, og þau eru hvergi not-
uð eins og skyldi, en það er einmitt á þeim sviðum, sem
íslenzka náttúran leggur fram gæði sín, sem vinna lands-
manna er afkastamest. Afköst íslenzku sjómannanna
eru t.d. margföld á við það, sem þau eru hjá flestum öðr-
um fiskiveiðaþjóðum. En þó verður tiltölulega minna úr
þeim miklu afköstum, en búast mætti við. En það staf-
ar einkum af því, að afurðirnar eru svo lítt unnar. —
Óneitanlega hefir mikið verið gert til betri nýtingar á
þeim, en samt engan veginn nóg. Það vantar meiri iðn-
að til þess að nýta sjáyarafurðirnar og önnur iðnaðar-
hráefni, sem finnast í landinu. Þess vegna á sá iðnað-
ur, sem rís hér upp, fyrst og fremst að vera grundvall-
aður á náttúruauðlindum landsins — og tengdur öðr-
um höfuðatvinnuvegi þjóðarinnar, útgerðinni. Það þarf
að byggja fleiri fiskimjölsverksmiður, síldar- og niður-
suðuverksmiðjur, og koma upp verksmiðju til þess að
herða lýsið. Og margar aðrar framkvæmdir koma til
greina .Þetta heimtar, að rannsóknum á nýtingu sjáv-
arafurða verði hraðað, og að hvorki verði spöruð fyrir-
höfn né fé, til þess að afla afurðum þessa iðnaðar mark-
aðar.
Þetta er þá önnur tegund af innlendum iðnaði: iðn-
aður, sem grundvallaður er á náttúruauðlindum lands-
ins og tengdur er höfuðatvinnuvegunum, sem fyrir eru.
En á þessum sviðum bíða stórkostleg verkefni.
Við þessum iðnaði getur verkalýðurinn sagt já, án
þess að hika. Og það er þessi iðnaður, sem fyrst og
fremst á að greiða úr atvinnuleysinun. En það koma
fleiri tegundir til greina en þessar. Þriðja tegundin af
innlenda iðnaðinum er enn þá órædd, en það er sá iðn-
aður, sem nauðsynlegt er að flytja inn í landið, til þess
11