Réttur - 01.03.1939, Qupperneq 75

islausa uppgjöf fyrir Francó. í lok marzmánaðar var
Madrid, sem hafði varizt í 28 mánuði, seld í hendur
Francos. Borgin, sem ritað hefir nafn sitt eldstöfum í
sögu vorra daga, féll fyrir launsátri svikara og afvega-
leiddra herforingja. En launráðsmannanna er að leita í
London og París.
Spánn í höndum fasistanna —Ítalíu og Þýzkalands —
það var fyrsta holdtekja „andans í Munshen". Leiðtog-
ar Frakklands og Englands börðu sér á brjóst og hrós-
uðu sér af að hafa bundið enda á hið milda spánska
blóðbað. En á norðurlandamærum Spánar vinna þýzkir
'verkfræðingar að víggirðingum. Nýir flugvellir eru
gerðir á Norður-Spáni.Þar munu flugvélarnar í kom-
andi stríði lyfta sér til flugs og sá eldi og eimyrkju yfir
franskar borgir.
Fyrstu mánuðina eftir Miinchen-sáttmálann hafði
Þýzkaland hlutfallslega hægt um sig. Þegar hljóðna tók
í Mið-Evrópu eftir septemberkreppuna, gekk Italía á
lagið við Miðjarðarhaf. En eitt mál sótti Hitler fast á
þessum mánuðum, með fullum stuðningi Chamberlains,
sameiginlega yfirlýsingu Frakklands og Þýzkalands.
Yfirlýsing þessi var undirrituð í París 6. des. 1938. I
henni viðurkenndu bæði ríkin landamæri hvors annars,
og skuldbundu sig til að ráðgast um öll vandamál, er
snerti hagsmuni beggja landa, ef til alþjóðlegs vanda
dragi.
Þessi yfirlýsing er eins einhliða og hún getur verið.
Frakkland er bundið varnarsáttmálum við ríki í Austur-
Evrópu, og þó skuldbindur það sig til að taka fyrst upp
samninga við Þýskal., ef það síðarnefnda lenti í deilum
við bandamenn Frakklands. Það er því ekki að furða, er
blöð Þýzkalands ráðlögðu Frakklandi að slíta bandalagi
•og „úreltum samningum“ við ríki eins og Rússland.
Frakkland var þannig í raun réttri búið að slíta öll
sifjabönd við fyrri bandamenn sína. Afleiðingin var
raunveruleg einangrun Englands og Frakklands, og
.að launum þágu þau „vináttu“ hins fasistiska stór-
75