Réttur - 01.08.1987, Blaðsíða 36

Kraftaverk aldarinnar
Sovétbyltingin 70 ára
Tekst því verkalýðsvaldi
að bjarga heiminum?
Menn gera sér alltof sjaldan ljóst hvílíkt kraftaverk það er að sósíalistísk bylt-
ing skuli hafa sigrað og fengið staðist í 70 ár — í einu afturhaldssamasta og frum-
stæðasta landi álfunnar, eins og Rússland keisarans var 1917.
Burgeisastétt Frakklands hafði kæft fyrstu byltingu verkalýðsins — „Komm-
únuna“ í París í blóði 1871 — með aðstoð þýska hersins, sem hafði sigrað þann
franska. Það varð þá greinilegt að auðmannastétt álfunnar mundi beita hvaða
inorðvopnum sem var til að berja verkalýðinn niður, ef hann dirfðist að ógna
valdi þeirra.
I.
Borgarastyrjöld 1919-21
Það var heldur ekki beðið boðanna af
auðvaldsins hálfu. Ef um það var að ræða
að berja verkalýðinn niður, þá voru auð-
menn allra landa samtaka.
Eins og áður hefur verið skýrt frá í
„Rétti" þá bauð þýska herstjórnin þeirri
frönsku að lána henni lið og vopn til að
ráðast á Moskvu og kæfa byltinguna í
blóði. Og Focli, franski herstjórinn, vildi
með ánægju þiggja boðið. En það var
Wilson, Bandaríkjaforseti, sem lagði
blátt bann við slíkum viðskiptum.
En ekki var fyrr komin ró á eftir
stríðið, en auðvaldsherir sitt úr hverju
landi — og á ólíkum tímum — tóku að
ráðast á Sovétríkin.
Frá 1919-1921 var ekkert lát á árásun-
um. Englendingar að norðan, tóku m.a.
Arkangelsk, Japan og Bandaríkin lögðu
undir sig mestalla Síberíu. Sunnan frá
sóttu enskir herir og fleiri í olíulindir
Kákasus — og þannig mætti lengi telja.
Hið unga verkalýðsríki varð að taka á
öllu sínu til að lifa af. Helmingurinn af
þeim mönnum, sem voru í Bolshevika-
flokknum 1917, féll í þessari borgara-
styrjöld. — En byltingin sigraði. 1921
hafði rússnesk alþýða náð völdunum yfir
öllu hinu gamla Rússlandi, þegar Eystra-
saltslöndin eru undanskilin. Þau höfðu
Bolshevikarnir orðið að láta af hendi með
samningum. Og þar voru áður róttækustu
verkalýðssinnarnir, sem nú voru ofurseld-
ir yfirdrottnun burgeisastéttanna í þess-
um löndum, — sem nú fóru að tala um
sjálfstæði, en burgeisastéttir þessar höfðu
aldrei hreyft sig meðan Rússakeisari
drottnaði þar, — undu sælar hag sínum í
skjóli hans!
148