Fréttablaðið - 01.04.2009, Qupperneq 2

2 1. apríl 2009 MIÐVIKUDAGUR
Georg Alexander, færðu endur-
greitt hjá Einari?
„Nei, ég býst nú ekki við því.“
Georg Alexander Valgeirsson sótti
námskeið hjá Einari Bárðarsyni þar sem
áhugasamir keppendur í Idolinu gátu
fræðst um hina og þessa taktík sem
nauðsynlegt væri að hafa á takteinum
í keppninni. Georg lauk þátttöku sinni í
Idolinu síðastliðinn föstudag.
Nýttu þér framúrskarandi þekkingu
og þjónustu ásamt úrvalinu á stærsta
varahlutalager landsins fyrir allar
tegundir bíla.
Gerðu vel við bílinn þinn!
Erum með
varahlutaþjónustu
um allt land.
N1.ISN1 440 1000
Á B Y R G Ð
V A R A H L U T I R
3 ÁRA
SJÁVARÚTVEGUR Áhöfnin á Sædísi
ÍS fékk drjúgan aukaafla á grá-
sleppuveiðunum á föstudaginn
þegar hákarl lá í netunum. Sædís
gerir nú út frá Norðurfirði á
Ströndum en Reimar Vilmundar-
son sem gerir bátinn út segir
þetta þó ekki í fyrsta sinn sem
slíkt hendi á grásleppuveiðun-
um. „Svo erum við með hákarla-
línu svo okkur bregður ekkert við
einn hákarl,“ segir hann. „Það er
miklu erfiðara að eiga við eina
stórskötu.“ Hákarlinn verður
skorinn og settur í kös og tilbú-
inn til neyslu á næsta þorra. - jse
Grásleppuveiðar á Ströndum:
Hákarl í netið
REIMAR VILMUNDARSON Með einn
ófrýnilegan.
VIÐSKIPTI Stjórn verslunarinnar
Egils Árnasonar mun í dag óska
eftir því að félagið verði tekið til
gjaldþrotaskipta. Lýkur þar með
langri sögu félagsins, sem hefði átt
75 ára afmæli síðar á árinu, segir
Birgir Þórarinsson, stjórnarfor-
maður Egils Árnasonar.
„Við sjáum ekki lengur neina
ástæðu til að halda áfram, stjórn-
völd virðast hreinlega ekki skilja
hvað hlutirnir ganga út á,“ segir
Birgir. Hann segir verslunina, sem
seldi flísar og gólfefni, hafa orðið
illa úti í efnahagskreppunni, tekjur
hafi dregist saman um helming og
skuldir í erlendri mynt tvöfaldast.
Alls unnu 22 hjá fyrirtækinu. - bj
Verslunin Egill Árnason í þrot:
Náðu ekki 75
ára afmælinu
VIÐSKIPTI Tap Eimskips á fyrsta
ársfjórðungi nam 40,2 milljónum
evra, eða tæpum 6,6 milljörðum
króna miðað við gengi Seðlabank-
ans í gær. Á sama tíma í fyrra
nam tapið 38,9 milljónum evra.
Rekstrartekjur námu 131,1
milljón króna og lækkuðu um 23,7
prósent miðað við sama tímabil
í fyrra og rekstrargjöld á fyrsta
ársfjórðungi í ár voru 130,1
milljarður evra, en 160,2 í fyrra.
Heildarskuldir félagsins í lok
fjórðungsins nema 1.950,5 millj-
ónum evra en heildareignir 1.776
milljónum evra. Eigið fé er því
neikvætt um 174,5 milljónir evra,
um 28,5 milljarða króna. - kóp
Tap á fyrsta ársfjórðungi:
Eimskip tapar
6,6 milljörðum
MIKLAR SKULDIR Eimskip tapaði um 6,6
milljörðum króna á fyrsta ársfjórðungi
2009 og eigið fé er neikvætt um 28,5
milljarða króna. FRÉTTABLAÐIÐ/GVA
NOREGUR Föðurlandsvinir Noregs
(Norgespatriotene) eru nýr flokk-
ur sem safnað hefur nógu mörg-
um undirskriftum til að mega
bjóða fram í komandi þingkosn-
ingum í Noregi.
Meðal helstu stefnumála flokks-
ins er að frekari aðflutning-
ur fólks til Noregs frá öðrum en
vestrænum löndum verði stöðv-
aður, og sem flestir úr röðum
slíkra „nýbúa“ verði sendir til síns
heima. Flokkurinn vill líka að öll
bænahús múslima sem reist hafa
verið í landinu verði rifin niður.
Formaður hins nýja flokks er
Öyvind Heian sem hyggst verða í
framboði á Vestfold. - aa
Stjórnmál í Noregi:
Þjóðernissinnar
í framboð
SUÐUR-KÓREA, AP Stjórnvöld í
Norður-Kóreu vöruðu í gær
japönsk stjórnvöld við því að skipta
sér af fyrirhuguðu eldflaugaskoti,
og sögðu að litið verði á afskipti af
skotinu sem stríðsyfirlýsingu.
Stjórnvöld í Norður-Kóreu
áforma að skjóta langdrægri eld-
flaug yfir Japan út á Kyrrahaf.
Segja þau tilganginn með skotinu
að koma gervihnetti á braut um
jörðu, en talið er að tilgangurinn
sé öðru fremur að prófa nýja gerð
langdrægra flugskeyta. Japanar
hafa hótað því að skjóta flugskeyt-
ið niður með varnarflaugum. - bj
Andar köldu á Kyrrahafi:
Hóta stríði í
flugskeytadeilu
DÝRALÍF Undanfarnar vikur hefur
óvenju mikið verið af fugli í Hafn-
arfjarðarhöfn auk þess sem smá-
hveli eiga það til að synda þangað
inn þessa dagana. Ástæðan er sú
að þykkar síldartorfur hafa verið í
höfninni undanfarnar vikur. „Það
fylgir þessu náttúrulega mikið
fuglalíf,“ segir Már Sveinbjörns-
son hafnarvörður. „Fuglinn er
líka afar vel haldinn þessa dagana;
æðarfuglinn hefur sig ekki einu
sinni á loft. En svo koma smærri
hvalir, eins og hnísa og höfrungar,
inn í höfnina stöku sinnum en þeir
stóru halda sig rétt fyrir utan.“
Svo mikið er af henni að ekki er
hægt að setja vélarnar í gang án
þess að tæta torfunar. „Mínir menn
[sjómennirnir í Hafnarfirði] hafa
sagt mér það að þegar þeir setja
vélina í gang og skrúfan fer af stað
þá þyrlist upp dauð síld svo hún er
þarna alveg í þykkum torfum. Svo
hafa einhverjir verið að húkka hana
á stöng af bryggjunni.“
Ekki hafa þó Hafnfirðingar orðið
varir við grút eins og gerst hefur
í Vestmannaeyjahöfn. En hafa
menn einhverja skýringu á þessari
vöðu? „Ég hef heyrt að þegar hún
er illa haldin, eins og verið hefur
með þessa sýktu síld, syndi hún í
fersk ara vatn til að létta sér lífið.
Þar á hún auðveldara með að anda
en ég sel þessa skýringu nú ekki
dýrara en ég keypti hana.“
- jse
Smáhveli og fuglar elta þykkar síldartorfur inn í Hafnarfjarðarhöfn:
Hvalir fá sér síld í höfninni
FR
ÉTTA
B
LA
Ð
IÐ
/PJETU
R
MÁR SVEINBJÖRNSSON Kannski fer vel
á því að Már sé hafnarvörðu nú þegar
svona mikið fuglalíf er við höfnina.
TÓMSTUNDIR „Við höfðum heyrt
utan af okkur að það væri oft eins
og að leita í frumskógi að finna
upplýsingar um þessa hluti á Net-
inu. Þess vegna réðumst við í þetta
risavaxna verkefni og vonum að
viðbrögðin verði góð,“ segir Gunn-
hildur Sveinsdóttir, verkefnastjóri
hjá Rauða krossi Íslands. Ný vef-
síða sem nefnist Hvað er í boði?,
þar sem safnað verður saman upp-
lýsingum um frístundir og nám-
skeið sem kosta lítið eða ekkert,
var kynnt í húsi Rauða krossins
við Borgartún í gær.
Sjálfboðaliðar Rauða krossins,
í samstarfi við SÍBS og Háskóla
Íslands, hafa undanfarnar vikur
unnið að því að kortleggja upplýs-
ingar sem eiga að auðvelda fólki
leitina að slíkum upplýsingum.
Gunnhildur segir skjalið þó enn
á byrjunarstigi, og því hafi verið
ákveðið að efna til kynningarinn-
ar í gær. „Þetta á að vera lifandi
skjal sem þróast og tekur sífelld-
um breytingum, enda hlutir allt-
af að bætast við og detta út. Við
vonum að þeir sem sjá um að koma
svona upplýsingum á framfæri
hafi okkur í huga og beini þeim
upplýsingum til okkar, þannig að
síðan geti nýst í sem víðustum til-
gangi,“ segir Gunnhildur.
Hvað er í boði?-skjalið verður
að finna á vefsíðunum raudakross-
husid.is, sibs.is og hi.is. Tenglum
verður komið fyrir á öðrum síðum
sem líklegt er að þeir heimsæki
sem eru á höttunum eftir ódýrri
eða ókeypis frístundum eða nám-
skeiðum. - kg
Vefsíða sem geymir upplýsingar um ódýr eða ókeypis námskeið og frístundir:
Auðveldar upplýsingaleitina
KYNNING Vefsíðan Hvað er í boði? var
kynnt í húsi Rauða krossins í gær.
FRÉTTABLAÐIÐ/GVA
ALÞINGI Þingmenn Sjálfstæðis-
flokks komu í gær í veg fyrir að
frumvarp um stjórnarskrárbreyt-
ingar yrði afgreitt úr nefnd í gær-
kvöldi eins og til stóð. Þeir hótuðu
að koma í veg fyrir að frumvarp
sem ætlað var að stoppa í götin á
gjaldeyrishöftunum yrði afgreitt
úr þinginu fyrir morgun.
Stjórnarfrumvarp um breyt-
ingar á tollalögum og lögum um
gjaldeyrismál var lagt fram á
Alþingi á sjötta tímanum í gær.
Afbrigði þurfti til að fá málið á
dagskrá þingsins strax, en afar
mikilvægt var talið að afgreiða
málið fyrir opnun markaða í
dag.
Samkvæmt heimildum Frétta-
blaðsins neituðu þingmenn Sjálf-
stæðisflokks að veita afbrigði.
Heimildarmaður orðar það svo
að þeir hafi notað þetta mikil-
væga mál sem skiptimynt til að
tefja framgang frumvarps um
stjórnar skrárbreytingar. Fáheyrt
sé að hótað sé að stöðva svo mikil-
væg mál með þessum hætti.
Birgir Ármannsson, þingmaður
Sjálfstæðisflokksins, segir þetta
oftúlkun á atburðarásinni. Sjálf-
stæðisflokkurinn hafi vissulega
þrýst á að samráð yrði haft við
þingmenn flokksins um stjórnar-
skrárbreytingarnar.
„Það greiddi fyrir úrslausn
málsins [í gær] að það var fallist á
að ræða við okkur og hætt við að
keyra málið úr nefndinni [í gær-
kvöldi],“ sagði Birgir.
Þegar Fréttablaðið fór í prentun
hafði önnur umræða um frum-
varpið um breytingu á gjaldeyris-
lögunum ekki farið fram, en þing-
menn sem rætt var við töldu að
það yrði að lögum um kvöldið.
Frumvarpið á að tryggja að
markmið stjórnvalda um styrk-
ingu gengis krónunnar náist. Sam-
kvæmt því verða útflytjendur að
skrá verð vöru sem flutt er út í
evrum eða annarri erlendri mynt.
Ekkert bendir til að samkomu-
lag sé í farvatninu um breytingar
á stjórnarskránni og skipan stjórn-
lagaþings. Sjálfstæðismenn geta
ekki fellt sig við breytingartil-
lögur flutningsmanna sem lagðar
voru til um helgina.
Fulltrúum Sjálfstæðisflokks-
ins í sérnefnd um stjórnarskrár-
mál voru sendar tillögurnar í
tölvupósti á laugardagsmorgun
og boðið að gera við þær athuga-
semdir fyrir mánudagsmorgun
enda hygðist formaður nefndar-
innar, Valgerður Sverrisdóttir,
þá taka málið úr nefndinni. Sjálf-
stæðismenn héldu sem kunnugt er
landsfund um helgina.
Jóhanna Sigurðardóttir forsætis-
ráðherra sagði á fundi með blaða-
mönnum í gær að málinu hefði
þokað verulega áfram þó sam-
eiginleg lending hefði ekki náðst.
Reynt hafi verið að nálgast sjónar-
mið sjálfstæðismanna.
Birgir segir breytingarnar koma
afskaplega skammt til móts við
sjónarmið flokksins. „Í sumum
tilvikum er aðeins um fegrunar-
aðgerðir að ræða og í öðrum til-
vikum vekja útfærslur upp fleiri
spurningar eða er ýtt inn í fram-
tíðina.“ Birgir segir því rangt hjá
Jóhönnu að þokast hafi í samkomu-
lagsátt, alls óvíst sé um framhald
málsins. bj, bþs, kóp
Segja hótanir hafa
stöðvað frumvarp
Sjálfstæðismenn komu í gær í veg fyrir að frumvarp um stjórnarskrárbreyting-
ar kæmist úr nefnd með því að neita að hleypa frumvarpi sem stoppar í gat á
gjaldeyrishöftum á dagskrá. Knúið á um samráð við flokkinn segir þingmaður.
BIRGIR ÁRMANSSON Þingmaður Sjálfstæðisflokksins segir sjálfstæðimenn vissulega
hafa þrýst á að samráð yrði haft um stjórnarskrárbreytingarnar. FRÉTTABLAÐIÐ/ANTON
SPURNING DAGSINS