Morgunblaðið - 16.01.2006, Blaðsíða 11

MORGUNBLAÐIÐ MÁNUDAGUR 16. JANÚAR 2006 11
VESTURLAND
MMC Pajero 2,8 Disel sjálfskiptur.
Nýskráður 04/2000 35" breyttur.
Leður, lúga, spoiler, varadekkshlíf,
dráttarbeisli. Ný 35" dekk og felgur.
Ásett verð 2.370 þús. Gott eintak.
Toyota Corolla H/B VVTI.
Nýskráður 05/2004. 5 gíra.
Ekin 22 þús. Sumar- og vetrardekk.
Áhvílandi 860 þús. 16 á mán.
Ásett verð 1.420 þús.
Toyota Corolla H/B VVTI.
Nýskráður 09/003. 5 gíra.
Ekin 56 þús.
Vetrardekk.
Ásett verð 1.220 þús.
M. Benz C 320 Elegance. Nýskráður
02/2001, sjálfskiptur. Ekinn 96 þús. Álf.,
leður, lúga, navigation, rafmagn í öllu.
Flott græja. 6 cyl. 218 hö. Ásett verð
3.190. Áhv. 2.300 þús., ca 49 á mán.
www.bilasalaselfoss.is - Söluumboð Heklu - Selfossi
KIA Sorento EX 2,5 disel. Nýskráður
03/2003. Ekinn 79 þús., sjálfskiptur,
digital miðstöð, loftkæling, hiti í sætum,
cruise control, beisli, heilsársdekk.
Ásett verð 2.470 þús.
Áhvílandi 2.015 þús. 33 þús. á mán.
Dodge Durango SLT+ 4,7.
Árg. 2001, sjálfskiptur. 4,7 bensín.
Ekinn 61 þús. km. Leður, loftkæling,
litað gler, beisli, álf.
Ásett verð 1.990 þús.
Áhvílandi 1.065 þús. 39 þús. á mán.
Akranes | ALMENN ánægja virðist
vera með þá þjónustu sem Stræt-
isvagnar Reykjavíkur bjóða nú upp á
á Akranesi en í upphafi árs hófu
vagnar fyrirtækisins akstur til og frá
Akranesi eftir að Akraneskaup-
staður hafði gert samning þar að lút-
andi. Allt að 13 ferðir eru daglega á
virkum dögum, en einnig er ekið um
helgar. Hafa margir nýtt sér þessa
nýju þjónustu enda stunda margir
íbúar Akraness vinnu og nám í
Reykjavík og nágrenni.
Það hefur komið fyrir í ein-
hverjum ferðum vagnsins að nokkrir
farþegar hafa þurft að standa alla
leiðina frá Akranesi og í Mosfellsbæ
en forsvarsmenn Strætisvagna
Reykjavíkur hafa brugðist við þessu
vandamáli með þeim hætti að nota
stærri vagn á helstu álagstímunum.
Strax í upphafi kom fram sterkur
vilji farþega til að „Skagavagninn“
myndi ekki stansa í Mosfellsbæ í
fyrstu ferðunum á morgnana og var
orðið við þeirri ósk. Farþegum er
hleypt út í Mosfellsbæ en ekki er ek-
ið inn í bæinn og teknir upp aðrir far-
þegar, en slíkt er gert í öðrum ferð-
um vagnsins. Farþegar af Akranesi
geta því ekið beint í Ártún þar sem
skipt er um vagn eftir því hvert ferð-
inni er heitið.
Bæjaryfirvöld á Akranesi eru
mjög ánægð með hve margir farþeg-
ar hafa verið í ferðum Strætó fram til
þessa, eru þeir mun fleiri en gert var
ráð fyrir í upphafi, og er greinilegt að
mikil þörf var á slíkum akstri.
Mikil búbót
Jóhannes Finnur Halldórsson
hagfræðingur er einn margra sem
hafa nýtt sér ferðirnar á nýju ári og
er hann ánægður með þessa ný-
breytni. „Það sem hefur komið mér
mest á óvart er hve vel maður hvílist
á þessari leið og hve mikla orku mað-
ur notar þegar maður ekur sjálfur,“
segir Jóhannes en hann starfar við
Háskóla Íslands og er um eina
klukkustund í vinnuna. „Það er nauð-
synlegt að tvær fyrstu ferðirnar á
daginn séu með þeim hætti að vagn-
inn fari beint í Ártún en taki ekki
hring um Mosfellsbæinn. Í dag er
það aðeins fyrsta ferðin á daginn sem
fer beint í Ártún. Þessi háttur ætti
einnig að vera á tveimur ferðum síð-
degis. En ég finn að starfsmenn og
bílstjórar eru að reyna að bæta þjón-
ustuna og gera allt til þess að farþeg-
ar nái sínum vagni á réttum tíma. En
stundum gengur það ekki upp.“
Jóhannes hefur að sjálfsögðu
reiknað það út lauslega að hver ferð í
einkabifreið frá Akranesi til Reykja-
víkur kosti um 1.700 kr. en hann
ferðaðist oftar en ekki einn þegar
hann ók á milli sjálfur. „Ef keypt eru
afsláttarkort í Strætó reiknast mér
til að hver ferð kosti um 170 kr. og er
þetta því mikil búbót fyrir þá sem
vinna og stunda nám í Reykjavík,“
sagði Jóhannes Finnur. Hann hefur
sjálfur einnig getað notað tímann á
leið sinni frá vinnu og í vinnu til þess
að vinna að ýmsum verkefnum. „Það
eru einhverjir sem hafa opnað far-
tölvurnar sínar á leiðinni en ég hef
reynt að lesa og stundum er það eitt-
hvað sem tengist vinnunni. En það er
ekki mjög gott að vinna með fartölvu
í fanginu í þessum vögnum.“
Á vef Akraneskaupstaðar hafa far-
þegar skrifað um reynslu sína af
þessum ferðum á umræðuvef og er
greinilegt á þeim skrifum að margir
hafa beðið lengi eftir þessari þjón-
ustu og aðilar sem hafa skipst á um
að keyra til vinnu frá Akranesi allt
frá opnum Hvalfjarðarganga árið
1998 eru nú hættir þeim akstri og
nota strætisvagninn eingöngu.
„Skagavagninn“
nýtur vinsælda
Morgunblaðið/Sigurður Elvar
Skagamenn hafa tekið strætisvagnaferðum til Reykjavíkur fagnandi og
mikill fjöldi ferðast með vögnunum sem fara allt að 13 ferðir daglega.
Eftir Sigurð Elvar Þórólfsson
seth@mbl.is
PÁLMI Haraldsson, knattspyrnu-
maður úr ÍA, var á dögunum kjörinn
íþróttamaður Akraness árið 2005 og
er þetta í fyrsta sinn sem Pálmi hlýt-
ur þessa viðurkenningu. Hann var í
haust kjörinn leikmaður ársins af
leikmönnum ÍA liðsins í lokahófi fé-
lagsins. Pálmi segir að hann hafi
ekki átt von á því að verða efstur í
kjörinu en Kolbrún Kristjánsdóttir,
sundkona, varð önnur en hún hafði
nánast einokað þetta kjör á und-
anförnum árum. Badmintonmað-
urinn Hólmsteinn Þór Valdimarsson
varð þriðji í kjörinu.
Pálmi hefur verið burðarás í liði
Skagamanna í mörg ár en hann hef-
ur leikið 209 leiki í efstu deild, þar af
18 leiki með Breiðabliki eitt tímabil,
en að öðru leyti hefur Pálmi ávallt
verið leikmaður ÍA. Pálmi á að baki
23 leiki með U-17 ára landsliðinu, 24
leiki með U-19 ára liðinu og 10 leiki
með U-21 árs landsliðinu.
„Ég satt best að segja átti ekki
von á því að fá þessa viðurkenningu
en þetta hvetur mig til þess að gera
enn betur og gefur mér kraft í úti-
hlaupunum sem við erum í flesta
daga á þessum árstíma,“ segir
Pálmi. Hann er þriðji knatt-
spyrnumaðurinn á Akranesi sem
fær Friðþjófsbikarinn afhentan, en
verðlaunagripurinn er gefin til
minningar um Friðþjóf Daníelsson.
„Þetta er gríðarlega stór bikar og
eftir samningaviðræður við eig-
inkonuna, Elfu Margréti Ingvadótt-
ur, fundum við heppilegan stað í
stofunni fyrir gripinn. Dætur okkar,
tvíburarnir Hjördís Tinna og Ingi-
björg Birta, sem eru á níunda ári eru
aðeins hærri en bikarinn,“ segir
Pálmi en hann starfar nú sem að-
stoðarútibússtjóri í Íslandsbanka á
Akranesi. „Ég hef verið að vinna í
Reykjavík undanfarin ár hjá Lands-
virkjun og það er mikill munur að
þurfa ekki að keyra á milli alla daga.
Þetta verður kannski til þess að
maður endist lengur í fótboltanum.“
Pálmi fer á æfingar ásamt fé-
lögum sínum í ÍA á laugardags-
morgnum í Egilshöllina í Reykjavík
en leikmenn leggja af stað kl 7 að
morgni á æfinguna sem hefst kl 8 að
morgni. „Það er ekki laust við að
maður gleðjist yfir því að verið sé að
reisa fjölnota íþróttahús á gamla
malarvellinum á Akranesi. Við fáum
örugglega betri æfingatíma yfir vet-
urinn og laugardagarnir verða mun
skemmtilegri fyrir vikið – býst ég
við,“ sagði Pálmi Haraldsson,
íþróttamaður Akraness árið 2005.
„Æft eldsnemma
á laugardögum“
Morgunblaðið/Sigurður Elvar
Eftir Sigurð Elvar Þórólfsson
seth@mbl.is
Pálmi Haraldsson, íþróttamaður Akraness 2005.
SAMEINING Kennaraháskóla Ís-
lands (KHÍ) og Háskóla Íslands (HÍ)
er góður kostur að mati Kristínar
Ingólfsdóttur, rektors Háskóla Ís-
lands. Ólafur Proppé, rektor KHÍ,
segir einn helsta ávinninginn af
hugsanlegri sameiningu eflingu
kennaramenntunar. Hann bendir á
að sameiningarferli sé langt og
vandasamt verk.
„Skólarnir hafa þegar talsvert
mikið samstarf,“ segir Kristín. „Það
eru margar deildir hér í HÍ sem hafa
þegar mikið samstarf við KHÍ. Ekki
aðeins félagsvísindadeild vegna sam-
starfs í kennslu- og uppeldisfræðum,
heldur einnig raunvísindadeild,
hjúkrunarfræðideild, læknadeild og
hugvísindadeild.“
Kristín segir hið öfluga samstarf
milli skólanna færa góð rök fyrir því
að sameiningarkosturinn verði skoð-
aður. „Með því markmiði að efla
kennaranám hér á landi og efla rann-
sóknir við skólana báða og í raun
styrkja menntakerfið í heild,“ segir
Kristín. „Fyrir nokkrum árum var
gerð athugun, með þátttöku starfs-
fólks skólanna, þar sem kannað var
hvaða samstarfsleiðir væru vænleg-
astar milli þessara tveggja stofnana.
Niðurstaðan úr þeirri athugun var
sú að sameining myndi gefa bestan
árangur, en nú er okkur ætlað að
rifja upp það sem fram kom í þessari
skýrslu og fara yfir stöðuna á ný og
meta í kjölfarið fýsileikann á samein-
ingu.“
Kristín segir ekki nokkurn vafa að
sameiningin geti leitt af sér öflugra
háskólasamfélag. Aðspurð hvort
slakni á samkeppninni og fjölbreytni
og líf í samstarfi skólanna minnki
þegar hinum óformlegu tengslum
verði breytt í formleg og stofnunin
festist í sessi segir Kristín ljóst að
samkeppni verði til staðar eftir sem
áður, bæði við erlenda og innlenda
háskóla. „Aðalatriðið, ef af samein-
ingu verður, er að unnið yrði að því
að styrkja kennaramenntun í land-
inu og rannsóknir á sviðum sem
henni tengjast,“ segir Kristín.
Langur vegur frá
ákvörðun til sameiningar
Ólafur Proppé, rektor KHÍ, segir
að með sameiningu verði að nást
ávinningur hvað varðar kennara-
menntun í landinu og eflingu beggja
háskólanna. Hann segir ekki verið að
leita eftir fjárhagslegum ávinningi.
„En ég er sannfærður um það að það
verði ýmiskonar hagræðing en mein-
ingin er að sú hagræðing nýtist í enn
betri skóla og betri þjónustu á öllum
sviðum,“ segir Ólafur. „Markmiðið
er því að fá meira út úr hverri krónu,
það er vissulega eftirsóknavert.“ Þá
sé eitt markmiðið að nemendur hafi
meira val. Ólafur leggur þó áherslu á
að enn sé ekki búið að ákveða sam-
einingu en að starfshópur mennta-
málaráðherra, sem hann á sæti í,
muni á næstunni skoða kosti og galla
sameiningar.
Ólafur bendir á að KHÍ hafi mikla
reynslu af sameiningu, en fyrir fjór-
um árum voru Kennaraskóli Íslands,
Fósturskóli Íslands, Þroskaþjálfa-
skóli Íslands og Íþróttakennaraskól-
inn á Laugavatni sameinaðir.
Sameining KHÍ og
HÍ góður kostur en
vandasamt verk
Eftir Svavar Knút Kristinsson
og Sunnu Ósk Logadóttur
Kristín
Ingólfsdóttir
Ólafur
Proppé
FRÉTTIR