Morgunblaðið - 09.04.2006, Blaðsíða 51
MORGUNBLAÐIÐ SUNNUDAGUR 9. APRÍL 2006 51
MENNING
Euro Mover
Nýtt frá
Rafmagnsdrif til að aka hjólhýsum.
Einnig mögulegt fyrir hestakerrur, fellihýsi,
tjaldvagna og fleira.
Kefli sem leggst við dekkið og knýr það áfram,
stjórnað með fjarstýringu, allt að 6 m frá.
● Tilvalið til að aka á dráttarkúlu
● Aka inn á tjaldsvæði
● Aka í þröng stæði
● Aka inn í bílskúr o.fl.
Eins öxla fyrir 1.800 kg, tveggja fyrir 2.250 kg
Ekur upp 25% halla miðað við 1.200 kg
Ryðfrítt
Ekkert streð, láttu
Euro Mover færa til vagninn
umboðið, Bílaraf, Auðbrekku 20, s. 564 0400
SJÁVARKJALLARINN ÓSKAR
SÍNU FÓLKI TIL HAMINGJU
MEÐ ÁRANGURINN Á
SÝNINGUNNI MATUR 2006.
2006
MATREIÐSLUMAÐUR ÁRSINS
STEINN ÓSKAR SIGURÐSSON
MATREIÐSLUNEMAR ÁRSINS
GUÐLAUGUR P. FRÍMANNSSON
GÚSTAF AXEL GUNNLAUGSSON
2005
MATREIÐSLUNEMI ÁRSINS
PÉTUR ÖRN SIGFÚSSON
GRAND MARNIER TROPHY
VALTÝR BERGMANN, SILFURVERÐLAUN
2004
MATREIÐSLUMAÐUR ÁRSINS
LÁRUS GUNNAR JÓNSSON
CONDÉ NAST HOT TABLE
EINN AF 66 BESTU NÝJU VEITINGASTÖÐUM HEIMS
sjávarkjallarinn
aðalstræti 2
sími 511 1212
www.sjavarkjallarinn.is
KOLUPPSELT var á sinfóníutón-
leikunum utan raða á fimmtudags-
kvöld, og tilkomumikil sjón að sjá
125 hvítklædd ungmenni þræða sig
upp á svið fyrir aftan Vínarupp-
stilltu hljómsveitina í sálumessum
Eyblers og Mozarts. Hefur sjálf-
sagt farið fiðringur um fleiri en að-
standandi foreldra og ættingja.
En jafnvel þótt bundið væri fyrir
augu var sérstök upplifun að sam-
einuðum kórunum kenndum við
Hamrahlíð og menntaskólann þar,
því hljómur þeirra var engu líkur;
tandurhreinn, gegnsær og öruggur
í jafnvel vægðarlausustu flúr-
köflum. Og þó að æskubirtan kæmi
vitanlega harðast niður á fyllingu
karlradda, bættu kórarnir sér það
ríkulega upp með fyrrtöldum kost-
um.
Segja má að samkórinn hafi verið
stjarna kvöldsins. Því þó að jafnt
einsöngvarar sem hljómsveit legðu
sitt bezta fram undir handleiðslu
hins feikifæra og löngu hagvana
finnska stjórnanda, var óviðjafn-
anleg innlifun kórsins það sem bar
sálumessurnar tvær mest uppi og
sat fastast eftir. Þar fyrir utan er
ekki á hverjum degi sem heyra má
virðulegustu og aldurtilatengdustu
grein kirkjutónlistar sungna af jafn-
ferskum en öguðum röddum og hér
gerðist, og setti það óneitanlega
sérstakan svip á inntak textans, þó
að versti óhugnaðurinn hyrfi
kannski um leið úr t.a.m. dómsdags-
sekvenzunni Dies irae, þar sem
ósjaldan er teflt fram þrumandi
mammútbössum í jötunmóð með
eldri og þroskaðri kórsöngvara í
huga. En því meira sannfærandi
urðu paradísísku sælukaflarnir í
staðinn.
Þetta kvöld veitti hlustendum
ósvikna upplifun, hrífandi og hjarta-
hlýjandi í senn. Að vísu hefði verið
forvitnilegt að heyra vel samda
Sálumessu Josephs Eyblers (enn
einn ónefndan Íslandsfrumflutn-
ing?), í fullri lengd, enda virðist
Mozart hafa metið þennan nemanda
sinn og vin hærra en Süssmayr,
jafnvel þótt hinn síðartaldi ætti eftir
að ljúka Requiemi stórsnillingsins
eftir að Eybler gekk úr skafti. En
ugglaust hefði þá orðið að sleppa
Todtenfeier Mahlers, því tónleik-
arnir stóðu allt fram á 11. tímann,
þrátt fyrir nefnda styttingu.
Og vissulega átti sú magnaða
sálumessa án orða upplagt erindi í
þessu samhengi. Hana mætti eig-
inlega kalla sjálfstæða einþætta (en
margkaflaskipta) sinfóníu, þótt
samin væri sem 1. þáttur Annarrar
hljómkviðu sinfóníska breiðtjalds-
málarans. Er í sjálfu sér litlu við að
bæta öðru en að verkið var glæsi-
lega leikið af hljómsveitinni. Reynd-
ar svo glæsilega, að manni komu
ósjálfrátt í hug hin frægu orð um
Mannheimsveit Theodors kjörfursta
á fullu blómaskeiði, að þar færi úr-
valsher „skipaður eintómum herfor-
ingjum“.
Morgunblaðið/Ásdís
„En jafnvel þótt bundið væri fyrir augu var sérstök upplifun að samein-
uðum kórunum kenndum við Hamrahlíð og menntaskólannn þar, því
hljómur þeirra var engu líkur; tandurhreinn, gegnsær og öruggur í jafnvel
vægðarlausustu flúrköflum,“ segir í umsögn um tónleika Sinfóníuhljóm-
sveitar Íslands sl. fimmtudag.
Sálumessur
í æskuljóma
TÓNLIST
Háskólabíó
Eybler: Þættir úr Sálumessu í c. Mahler:
Todtenfeier. Mozart: Sálmumessa í d
K626. Einsöngvarar: Hanna Dóra Sturlu-
dóttir sópran, Alina Dubik alt, Jónas Guð-
mundsson tenór og Kouta Räsänen
bassi. Kór Menntaskólans við Hamrahlíð
og Hamrahlíðarkórinn (kórstjóri: Þor-
gerður Ingólfsdóttir) ásamt Sinfón-
íuhljómsveit Íslands. Stjórnandi: Petri
Sakari. Fimmtudaginn 6. apríl kl. 19.30.
Sinfóníutónleikar
Ríkarður Ö. Pálsson