Morgunblaðið - 18.04.2006, Blaðsíða 6

6 ÞRIÐJUDAGUR 18. APRÍL 2006 MORGUNBLAÐIÐ
FRÉTTIR
VEGNA gífurlegs aðstreymis að-
sendra greina í aðdraganda borg-
ar- og sveitarstjórnarkosninga
verður formi þeirra greina, sem
lúta að kosningunum, breytt frá og
með deginum í dag. Er þetta gert
til þess að gera efnið aðgengilegra
fyrir lesendur og auka möguleika
Morgunblaðsins á að koma grein-
unum á framfæri fyrir kosningar.
Frambjóðendum býðst að skrifa
greinar í blaðið og verður lengd
greinanna miðuð við 3.000 tölvu-
slög með bilum. Skila skal greinum
í gegnum vefsíðu Morgunblaðsins,
mbl.is. Smellt er á reitinn „Kosn-
ingar 2006“ sem er staðsettur of-
arlega á forsíðu mbl.is. Þar er boð-
ið upp á þrjá valkosti: í fyrsta lagi
geta frambjóðendur skrifað grein-
ar sem birtar verða í blaðinu, í öðru
lagi geta stuðningsmenn einstakra
frambjóðenda skrifað greinar sem
birtast á mbl.is og í þriðja lagi er
hægt að lesa greinar sem sendar
hafa verið.
Engin lengdarmörk á mbl.is
Greinar sem skrifaðar eru til
stuðnings einstökum framboðum
eða frambjóðendum verða ein-
göngu birtar á mbl.is. Engin lengd-
armörk eru á þeim greinum er þar
birtast. Útbúið hefur verið sér-
stakt stílsnið sem höfundar geta
sjálfir skrifað greinar sínar inn í.
Stílsniðið er undir hnappnum
„Kosningar 2006“ á forsíðu mbl.is.
Þeir sem ekki hafa sent greinar áð-
ur í gegnum þetta stílsnið þurfa að
skrá sig inn og fá þá sent lykilorð í
tölvupósti. Að því fengnu er hægt
að skrifa og senda greinar í gegn-
um stílsniðið. Einnig er hægt að
senda myndir af höfundum í gegn-
um stílsniðið. Boðið er upp á að
raða greinum eftir flokkum og
sveitarfélögum og birtast grein-
arnar þá undir þeim flokki, sveitar-
félagi eða landshluta sem valinn
hefur verið. Greinarnar verða yf-
irfarnar af starfsmönnum rit-
stjórnar Morgunblaðsins áður en
þær birtast á netinu, en réttritun
er á ábyrgð höfunda. Þessi háttur á
birtingu greina frambjóðenda og
stuðningsmanna í borgar- og sveit-
arstjórnarkosningunum verður
eins og áður segir tekinn upp frá
og með deginum í dag, 18. apríl.
Breytt fyrirkomulag aðsendra
greina vegna kosninga
GRÍÐARLEGAR fjárhæðir fara í gegn hjá okkur
en velgengni á þessu sviði hefur byggst á því að
að við höfum gætt hófs hér á landi, að því er
Ragnar Önundarson, framkvæmdastjóri Kredit-
korta hf., segir, en ekki alls fyrir löngu birti fram-
kvæmdastjórn Evrópusambandsins fyrstu
skýrslu sína um viðamikla rannsókn á greiðslu-
kortum í aðildarlöndum ESB. Segir þar m.a. að
greiðslukort hækki smásöluverð í Evrópu um allt
að 2,5%, og að neytendur greiði of mikið fyrir de-
bet- og kreditkort vegna of lítillar samkeppni.
Kortagjöld í smásöluverslun
að meðaltali um 0,9%
Ragnar segir að staða Íslands sé að mörgu
leyti ólík því sem gerist í öðrum Evrópulöndum,
ekki síst þar sem Íslendingar noti greiðslukort á
við milljón manna þjóð, og í
reynd sé þjóðfélagið því sem
næst seðlalaust, fyrst allra.
Ragnar segir að hér á landi séu
kortagjöld á smásöluverslun að
meðaltali um 0,9% í stað þeirra
2,5% sem greint er frá í skýrsl-
unni. Hafi þessum kostnaði
verið velt út í verðlagið hafi það
gerst fyrir mörgum árum og
valdi ekki verðlagshækkunum
nú þegar þessi kostnaður fari
lækkandi.
„Það er gífurleg veltuaukning í þjóðfélaginu
sem hefur leitt til hríðlækkandi þjónustugjalda
hjá okkur, þannig að þau gjöld sem við erum að
taka eru mun lægri að meðaltali en þau voru á
miðjum síðasta áratug. Við erum með einhver
lægstu gjöld á seljendur sem þekkjast í Evrópu,“
segir Ragnar sem telur tvær skýringar vera á
því. „Veltan á mannsbarn í okkar hagkerfi er
sennilega fimmföld miðað við t.d. Bretland. Við
erum með fimm sinnum meira gegnumstreymi á
mannsbarn í okkar kerfi og fáum því miklu betri
nýtingu en annars staðar.
Önnur skýring er sú að á Íslandi hefur þess
alltaf verið gætt vandlega að tekjurnar hafa verið
teknar í sömu hlutföllum og kostnaðurinn fellur
til, annars vegar af þjónustu við seljendur og hins
vegar við korthafa.“
Þrátt fyrir að umhverfi greiðslukorta hér á
landi sé að mörgu leyti annað en hjá öðrum Evr-
ópuþjóðum segir Ragnar margt athyglisvert í
skýrslunni og þörf á því að fara vandlega yfir
hana, sjá hvað má betur fara og hvað hægt sé að
læra af henni. Hann telur hins vegar að oft
gleymist það í umræðunni að kostnaði við seðla
og mynt sé velt yfir á skattgreiðendur í stað þess
að setja gjöld á kostnaðarsama meðhöndlun
reiðufjár.
Ragnar Önundarson segir gjöld á greiðslukort lægri hér en í flestum Evrópulöndum
Notum greiðslukort á
við milljón manna þjóð
Eftir Andra Karl
andri@mbl.is
Ragnar
Önundarson
OPINBER heimsókn forseta Ís-
lands Ólafs Ragnars Grímssonar og
eiginkonu hans Dorrit Moussaieff í
Austur-Skaftafellssýslu verður dag-
ana 25. og 26. apríl.
Þriðjudaginn 25. apríl munu for-
setahjónin lenda á Hornafjarð-
arflugvelli kl. 9.00. Þennan dag
heimsækja forsetahjónin og fylgd-
arlið þeirra skóla, fyrirtæki og stofn-
anir á Höfn og deginum lýkur með
fjölskylduhátíð í Íþróttahúsinu kl.
20.00 til heiðurs forsetahjónunum og
eru allir velkomnir þangað.
Miðvikudaginn 26. apríl munu for-
setahjónin og fylgdarlið aka í Lón
um Almannaskarðsgöngin. Síðan
verður ekið til baka um Almanna-
skarð og haldið að Seljavöllum í
Nesjum. Þaðan liggur leiðin út í Ný-
heima á Höfn þar sem forsetinn mun
ávarpa málþing um skapandi at-
vinnugreinar.
Að því loknu halda forsetahjónin
vestur á bóginn og koma við á býl-
um, stofnunum og söfnum á leiðinni.
Endapunkturinn í vestri er þjóð-
garðurinn í Skaftafelli. Heimleiðis
halda forsetahjónin síðan frá Fag-
urhólsmýri að kvöldi þessa dags.
Forsetahjónin
heimsækja
Austur-Skafta-
fellssýslu
NÝ FERJA sigldi inn í höfnina í
Stykkishólmi kl. 11 á laugardag.
Ferjan ber nafnið Baldur og er hún
áttunda skipið sem ber þetta nafn og
hefur stundað siglingar um Breiða-
fjörð með vörur og farþega.
Nýi Baldur var keyptur frá Hol-
landi og var notaður þar til ferjusigl-
inga.
Sæferðir í Stykkishólmi eru eig-
endur nýju ferjunnar og sjá um
rekstur hennar. „Nýja ferjan mark-
ar ný spor í samgöngumálum Breið-
firðinga. Þarna er komin stór og
mikil ferja þar sem öll aðstaða fyrir
farþega og bíla er allt önnur og betri
en á gamla Baldri. Þetta er ekki
sambærilegt,“ segir Pétur Ágústs-
son, skipstjóri og framkvæmdastjóri
Sæferða.
Ferjan er 62 m á lengd og 12,5 m á
breidd. Hún tekur um 300 farþega í
sæti og 45–50 bíla á millidekk.
„Þessar tölur segja ekki allt,“ seg-
ir Pétur. „Með nýju ferjunni verður
miklu þægilegra að ferðast. Í henni
er borðsalur sem tekur yfir 200
manns í sæti. Annar salur, setustofa,
tekur um 100 manns í sæti, þar sem
boðið er upp á þægilega stóla, þar
sem farþegar geta látið fara mjög
vel um sig á meðan á siglingu stend-
ur. Farþegasalirnir eru ofan sjólínu
og eru gluggar á bæði borð og far-
þegar sjá vel út. Stórt eldhús er í
ferjunni og öll vinnuaðstaða fyrir
áhöfn er mjög góð.“
Mikil lyftistöng
Einn af kostum ferjunnar er að
hún er mun hraðskreiðari en gamli
Baldur var. Að sögn Péturs styttist
siglingatíminn yfir Breiðafjörð um
50 mínútur og tekur siglingin rúmar
tvær klukkustundir í stað þriggja
tíma áður. Það er um 25% stytting
ferðatímans og það verður til þess
að ferjan þjónar mun betur sínu
hlutverki. Pétur Ágústsson segir að
ferjusiglingar yfir Breiðafjörð séu
og verði mikilvægur hlekkur í sam-
göngum og ferðaþjónustu. „Nýja
ferjan verður mikil lyftistöng fyrir
ferðaþjónustu, bæði norðan og sunn-
an Breiðafjarðar. Ég er viss um að
umferð eykst mikið í kjölfarið. Sú
vissa ýtti okkur af stað í að end-
urnýja ferjuna. Ég finn fyrir miklum
áhuga og greinilegri velvild allra
íbúa svæðisins. Fyrstu viðbrögð lofa
góðu því fullbókað var í ferðir með
ferjunni í gær, annan dag páska.“
Ný ferja styttir ferðatímann yfir Breiðafjörð um fjórðung
Ný og öflug ferja komin til Stykkishólms
Pétur Ágússtsson, skipstjóri og framkæmdastjóri Sæ-
ferða, um borð í Baldri við heimkomuna.
Morgunblaðið/Gunnlaugur Árnason
Í heimahöfn. Nýi Baldur siglir í blíðu inn í höfnina í Stykkishólmi fánum prýddur.
Eftir Gunnlaug Árnason.
„ÉG var utanríkisráðherra Bret-
lands árið 1956 og þurfti því að verja
Breta sérstaklega þegar umræðan
snerist um vandamálin í Súez en
gagnrýna stefnu Frakka þegar kom
að stríðinu í Alsír,“ segir Sigrún
Ingibjörg Gísladóttir, nemi á lokaári
við IB-braut EABJM-skólans í Par-
ís, sem vann nýverið til viðurkenn-
ingar fyrir mælskulist á ráðstefnu
ungs fólks úr Evrópu og víðar sem
Harvard-háskóli stóð fyrir.
Á ráðstefnunni setja um fjögur
hundruð ungmenni sig í spor ráða-
manna í alþjóðlegum stofnunum og
eru m.a. settir á svið fundir hjá Sam-
einuðu þjóðunum og Bandaríkja-
þingi. Sigrún er keppninni vel kunn-
ug en hún hefur tekið þátt í fimm
slíkum og vann jafnramt til sam-
bærilegrar viðurkenningar á ráð-
stefnunni í fyrra – þá sem utanrík-
isráðherra Íslands í NATO en í
samtímanum.
Nemendur frá
Harvard halda
utan um ráðstefn-
una og velja einn-
ig þá ræðumenn
sem þeim finnst
framúrskarandi.
Var Sigrún ein af
þremur sem
stóðu sig best í
umræðunum á
NATO-fundinum.
Mikill heiður
Sigrún segir það mikinn heiður að
fá viðurkenningu frá Harvard-
háskóla og geta komið sér vel ef hún
hyggst síðar sækja um í háskóla í
Bandaríkjunum. Það er þó ekki á
dagskrá hjá henni enn sem komið
þar sem hún stefnir á nám í lögræði
við Háskóla Íslands í haust.
Vann til viðurkenningar
frá Harvard-háskóla
Sigrún Ingibjörg
Gísladóttir
♦♦♦
ÞRJÁR útigangskindur fundust á
föstudaginn langa í Unadal upp af
Hofsósi. Vélsleðamenn fundu kind-
urnar og komu þeim til byggða.
Þarna var ær með tvö lömb frá
bænum Minni-Reykjum.
Þykir ljóst að kindurnar hafa bú-
ið við talsvert harðræði síðustu vik-
ur og voru svangar og búnar að
leggja talsvert af. Skömmu áður
hafði fundist eitt lamb í Hrolleifsdal
í Sléttuhlíð en það var frá bænum
Glæsibæ.
Í báðum þessum dölum fundust
kindur seint í haust en þá varð ekki
þessara kinda vart.
Útigangsfé
fannst í Unadal
LÖGREGLAN á Hvolsvelli fór í tvær
eftirlitsferðir um páskana, annars
vegar inn á hálendið og hins vegar í
Þórsmörk, til að kanna ástand öku-
tækja og ökumanna og ræða við
fólk. Að sögn lögreglu var allt hátta-
lag og ástand fólks og ökutækja til
fyrirmyndar og greinilegt að fólk
var komið á hálendið til að njóta veð-
urs og náttúru. Virtust ferðalangar
einnig ánægðir með þessa ferð lög-
reglunnar um hálendið um þessa
miklu ferðahelgi. Var færð góð og
margt fólk bæði á hálendinu og í
Þórsmörk að sögn lögreglu.
Hálendisfarar
til fyrirmyndar