Morgunblaðið - 18.04.2006, Blaðsíða 17

MORGUNBLAÐIÐ ÞRIÐJUDAGUR 18. APRÍL 2006 17
ERLENT
GEYSILEGUR sandstormur
reið yfir höfuðborg Kína,
Peking, í gær og lagðist
þykkt lag af sandi á hús,
götur og bíla. Eyðimerkur
stækka hratt þessi árin í
vestanverðu landinu og
Mongólíu. Hafa sandbylj-
irnir, sem yfirleitt eru verst-
ir á vorin, færst mjög í
aukana með þeim afleið-
ingum að fjöldi fólks þarf
læknishjálp vegna sjúkdóma
í öndunarfærum. Almenn-
ingur er því hvattur til að
nota grímur. AP
Sandbylur
í Peking
BENEDIKT XVI páfi söng fyrstu
páskamessu sína í embætti á Péturs-
torginu í Róm á sunnudag. Bað hann
þess að friður yrði í Írak, að takast
mætti að semja um friðsamlega
lausn í kjarnorkudeilunni við Írana
og að samningaviðræður fari fram
milli Ísraelsmanna og Palestínu-
manna til að binda enda á langvinnar
deilur þeirra.
Nær 100 þúsund manns voru við
messuna á torginu og hlýddu á páfa
flytja hefðbundið Urbi et Orbi-
ávarp páfa af svölum Péturskirkj-
unnar. Benedikt páfi flutti einnig
páskakveðjur á 62 tungumálum og
blessaði mannfjöldann.
Reuters
Bað fyrir
friði
Kabúl, Kandahar. AFP. | Hamid
Karzai, forseti Afganistans, gaf í
gær út skipun um að gerð yrði
rannsókn á því að sjö óbreyttir
borgarar skyldu hafa fallið í hér-
aðinu Kunar í aðgerðum gegn upp-
reisnarmönnum síðustu daga. Að
auki er alþjóða-
herliðið nú að
kanna hvort sex
afganskir lög-
reglumenn sem
féllu í átökum
annars staðar í
landinu á föstu-
dag hafi fyrir
slysni orðið fyrir
skothríð her-
mannanna.
Harðir bardagar voru í sunnan-
verðu landinu í liðinni viku og um
helgina milli liðsmanna afgönsku
öryggissveitanna og talibana í suð-
urhluta Afganistans, en næstum
fimmtíu eru sagðir hafa fallið í
átökum á föstudag.
Langt er síðan til jafn harðra
bardaga kom milli talibana, sem áð-
ur stýrðu landinu, og stjórnarher-
manna. Um 2.500 hermenn úr al-
þjóðaliðinu í Afganistan og fjöldi
stjórnarhermanna tók þátt í að-
gerðunum. Beitt var þyrlum og
flugvélum gegn talibönum.
Átökin brutust út á föstudag eftir
að lögreglan umkringdi hóp talib-
ana í Kandahar. Sögðu afganskir
embættismenn að 41 talibani hefði
fallið og sex lögreglumenn en bar-
dagar stóðu allan föstudaginn og
hófust svo aftur daginn eftir.
Kandahar er sterkasta vígi talibana
í Afganistan. Var Kandahar-borg
einmitt á sínum tíma höfuðstaður
Múlla Omars, helsta leiðtoga talib-
anastjórnarinnar.
Karzai vill
rannsókn á
mannfalli
Alþjóðaherliðið
sagt hafa fellt
óbreytta borgara
og lögreglumenn
Hamid Karzai
♦♦♦