Morgunblaðið - 18.04.2006, Side 19

Kela líður vel þar sem hann situr á
öxl heimasætunnar Helgu Sóleyjar.
Morgunblaðið/Eyþór
Keli á spjalli við Laufeyju mömmu sína.Kela finnst gaman að leika sér með boltann sinn og tekur hann upp með goggnum og rúllar honum niður stiga.
„Í ÞESSUM litla líkama býr ótrúlega
stór persónuleiki. Þessi fugl er risa-
smár. Hann hefur mikla þörf fyrir
snertingu, kossa og kelerí og þess
vegna kom ekkert annað til greina en
að láta hann heita Kela. En hann er
ekki egóisti sem vill bara láta klappa
sér og kjassa, því hann er líka rosa-
lega góður við okkur. Ef einhver fer
að gráta kemur hann strax flögrandi,
sest á öxl viðkomandi og verður að fá
að sjá framan í hann og svo horfir
hann spurnaraugum eins og hann sé
að segja: „Hvað er að?“
Svo segir Laufey Arnardóttir einn
eigenda páfagauksins Kela sem er
bráðgáfaður og talar svo fínt manna-
mál að undrun vekur hjá hverjum
þeim sem heyrir.
Talar með röddum
heimilisfólksins
„Hann talar mikið við sjálfan sig og
heldur þá langar ræður, aðallega um
eigið ágæti. Setningar eins og Keli er
hrikalega sætur fugl, Keli er góður
strákur, Keli er frábær, Keli er ynd-
islegur lítill fugl, eru mjög algengar
hjá honum. Hann segir líka ástin mín,
ég elska þig, hvað segirðu gott? eig-
um við að fá okkur kaffisopa? og ým-
islegt fleira.“
Keli líkir eftir þeim hljóm sem
raddir heimilisfólksins hafa. „Hann
talar mest með röddinni minni en
skiptir yfir í djúpa rödd mannsins
míns þegar hann segir eitthvað um
pabba sinn og stundum skiptir hann
líka yfir í unglingsrödd sonar okkar.“
Keli talar yfirleitt í karlkyni af því
að heimilisfólkið talar eðli málsins
samkvæmt til hans í karlkyni. „Hann
heimfærir karlkynið upp á okkur og
þegar hann vill vera virkilega góður
við mig þá segir hann: „Mamma er
svo sætur eða mamma er góður fugl.“
En hann reynir líka að siða mig til og
segir þá: „Skamm mamma, þú ert
óþekkur.“
Keli var fljótur að læra að tala, þau
fengu hann nokkurra vikna gamlan í
janúar fyrir tveimur árum og í apríl á
sama ári sagði hann sína fyrstu setn-
ingu og strax um sumarið var orða-
forðinn orðinn mikill. „Hann er enn
að bæta við sig og hann er farinn að
búa til efsta stig af lýsingarorðunum
sem hann kann, ekki ólíkt því sem lítil
börn gera. Hann segir til dæmis góð-
astur og bestastur. Hann stigbreytir
líka stundum nafnorð eins og boltast-
rákur og segir þá boltastur strákur.
Ég er að kenna honum lengri orð,
núna er ég að reyna að fá hann til að
segja stórglæsilegur, en hann hefur
ekki viljað það. Aftur á móti virðist
hann nota forskeytið stór á önnur
orð, hann segir til dæmis: stórdugleg-
ur og stórfallegur.“
Segir uss ef hann er óánægður
Keli er búinn að læra merkingu
einstakra orða. Ef hann langar til
dæmis til að leika með boltann sinn
þá tekur hann viðbragð þegar ein-
hver segir bolti. „Ég segi uss þegar
ég skamma hann og hann notar það
sjálfur þegar hann er óánægður. Ég
lagði mig einu sinni hér á sófann í
stofunni þegar ég var ein heima og þá
koma hann fljúgandi, settist við
höfðalagið og sagði uss hvað eftir
annað með skammartón, alveg þar til
ég stóð upp og fór að sinna honum.
Hann tengir líka setningar við að-
stæður, til dæmis þegar ég er nýkom-
in heim á daginn, þá flögrar hann til
mín og segir: Allt í drasli.“
Keli er búinn að átta sig á því að
sími er tæki til að tala í og hann talar
stundum í símann við ömmu sína.
Hann er líka mjög músíkalskur og
hefur unun af að hlusta á tónlist og
hann dansar stundum við hljómfallið.
Hann er heppinn fugl, vegna þess
að hann fær að fljúga um allt húsið
heima hjá sér og er því í mjög góðu
flugformi og hamingjusamur með
frelsið. En hann sefur alltaf í búrinu
sínu og áður en háttatíminn kemur er
farið með hann inn í herbergi til
heimasætunnar Helgu Sóleyjar sem
býður honum hátíðlega góða nótt.
Þegar hann er kominn í búrið sitt
svæfir hann sjálfan sig með fagurgala
um eigið ágæti og notar einstaklega
blíða rödd.
Sólginn í rauðvín
Keli var handmataður frá fyrsta
degi og var því mjög gæfur þegar þau
fengu hann kornungan. „Hann er
mjög félagslyndur og mannblendinn.
Hann ber mikla virðingu fyrir hús-
bóndanum á heimilinu og stundum
borðar hann með honum, nartar í
brauðið hjá honum og hann er mjög
sólginn í rauðvín. Ef hér eru rauð-
vínsglös á borðum er hann strax sest-
ur á glasbrún og farinn að gæða sér á
því, þá verðum við að setja hann inn í
búr.“ Fuglinn setur greinilega mikinn
svip á heimilislífið enda er mamma
hans óspör á að hrósa honum. „Keli
hefur verið algjör draumur frá fyrsta
degi og hann á hjartað í okkur öllum.“
 GÆLUDÝR | Keli er bráðgáfaður fugl sem kann mannamál
Heldur langar ræður um eigið ágæti
Eftir Kristínu Heiðu Kristinsdóttur
khk@mbl.is
MORGUNBLAÐIÐ ÞRIÐJUDAGUR 18. APRÍL 2006 19
DAGLEGT LÍF Í APRÍL
Umbo›s- og sölua›ili
sími: 551 9239
www.birkiaska.is
Vali› fæ›ubótarefni ársins 2002 í Finnlandi
Minnistöflur