Morgunblaðið - 18.04.2006, Blaðsíða 16
16 ÞRIÐJUDAGUR 18. APRÍL 2006 MORGUNBLAÐIÐ
ERLENT
PALESTÍNSKUR sjálfsvígs-
sprengjumaður sprengdi sjálfan sig
upp nærri skyndibitastað á fjöl-
mennu verslunarsvæði í Tel Avív í
gær. Ljóst er að auk sprengju-
mannsins létu minnst níu manns líf-
ið, þar af sex á sjálfum staðnum.
Tugir að auki særðust, þar af nokkr-
ir lífshættulega, að sögn lögreglu og
sjúkraliða. Þetta er þriðja sjálfs-
morðsárásin í Ísrael á þessu ári og
hin mannskæðasta í nær tvö ár.
Stjórnvöld í flestum ríkjum for-
dæmdu tilræðið.
Sama gerði Mahmoud Abbas Pal-
estínuforseti. „Þessi árás er andstæð
vilja palestínsku þjóðarinnar og er
ekki í þágu hagsmuna okkar,“ sagði í
yfirlýsingu forsetans. En ný ríkis-
stjórn hinna bókstafstrúuðu Hamas-
samtaka sagði á hinn bóginn að Ísr-
aelar ættu sjálfir sök á árásum af
þessu tagi með kúgun sinni á palest-
ínsku þjóðinni. Hún hefði rétt til að
verja sig. Er talið að árásin og við-
brögð Hamas-manna geti gert enn
erfiðara en ella að koma á viðræðum
milli þeirra og Ísraela sem krefjast
þess að Hamas viðurkenni tilveru-
rétt Ísraels og fordæmi öll hryðju-
verk.
Hamas hafa ekki staðið fyrir
hryðjuverkum í meira en ár og segj-
ast ekki ætla að rjúfa vopnahlé sitt
en önnur samtök hafa neitað að taka
þátt í því, ekki síst íslamska Jihad.
Ný samsteypustjórn Ehud Ol-
merts, forsætisráðherra Ísraels, sór
embættiseið í gær, nokkrum stund-
um eftir tilræðið. Sagði Olmert að
árásinni yrði svarað með „nauðsyn-
legum ráðstöfunum“ en Ísraelar
hafa oft gert hefndarárásir á stöðvar
meintra hryðjuverkamanna eftir
sjálfsvígsárásir í Ísrael.
Tilræðið í gær var gert á sama
veitingastað og ráðist var á 19. jan-
úar sl. en þá særðust 20 manns. Stað-
urinn er í fjölförnu verslunarhverfi í
Neve Shaanan-hverfi, nálægt aðal-
strætisvagnastöðinni í Tel Avív, en
hún var full af fólki sem var á ferð-
inni nú um páskahátíðina. Sprengju-
maðurinn var með 4,5 kílógramma
sprengju í tösku sinni og var örygg-
isvörður á veitingastaðnum að hefja
leit í henni þegar sprengingin varð.
Gert var að sárum hinna slösuðu á
gangstéttum, tvö börn á staðnum
urðu vitni að því að móðir þeirra dó.
Sjálf sluppu þau og faðirinn nær
ómeidd.
Hótun um fleiri árásir
Íslamska Jihad tilkynntu AP-
fréttastofunni símleiðis að sprengju-
maðurinn hefði verið Sami Salim
Mohammed Hamad, búsettur í Jenín
á Vesturbakkanum. Í myndbands-
upptöku sem samtökin sendu frá sér
talar Hamad, sem er 21 árs og mun
hafa hætt háskólanámi til að geta
farið að vinna og aðstoðað þannig
fjölskyldu sína. Hann segist tileinka
árásina þeim þúsundum Palestínu-
manna sem séu fangar í ísraelskum
fangelsum.
„Það eru margir aðrir sprengju-
menn á leiðinni,“ segir hann. Á
myndbandinu les Hamad úr Kóran-
inum með riffil í annarri hendi. For-
eldrar Hamads búa ásamt átta son-
um sínum í smáþorpi nálægt Jenín.
Þau sögðust vera skelfingu lostin og
þau hefðu ekki haft hugmynd um
fyrirætlanir hans. Hann hefði gerst
mjög trúaður fyrir skömmu.
Blóðugasta tilræði
í Ísrael í tvö ár
Abbas Palestínuforseti fordæmir verknaðinn og segir sjálfs-
vígstilræði ekki þjóna hagsmunum Palestínumanna
Eftir Kristján Jónsson
kjon@mbl.is
AP
Sami Salim Mohammed Hamad, 21 árs gamall Palestínumaður sem
sprengdi sig í Tel Aviv í gær og tók minnst níu Ísraela með sér í dauðann.
Foreldrar hans sögðust ekki hafa haft hugmynd um fyrirætlanir hans.
MÖRG þúsund manns voru í gær
flutt á brott af hættusvæðum í
Rúmeníu vegna flóða í Dóná og
nokkrum þverám hennar sem talið
er að nái hámarki næstu daga.
Hundruð húsa hafa þegar eyði-
lagst, víða er reynt að hækka og
styrkja flóðgarða með sandpokum.
Vatnavextirnir í Dóná eru taldir
vera þeir mestu í meira en öld og
hafa valdið miklum vanda víða á
Balkanskaga, einkum í Serbíu áður
en flaumurinn færðist suður á bóg-
inn til Rúmeníu og Búlgaríu. Hér
bjargar bóndi í þorpinu Stari
Kostolac, um 80 km frá Belgrad í
Serbíu, kú sem ella hefði drukknað
í fjósinu.
Reuters
Mikil flóð í Dóná
N’Djamena. AFP. | Ráðamenn í Afr-
íkuríkinu Tsjad sökuðu í gær stjórn-
völd í grannríkinu Súdan um að vera
að skipuleggja uppreisnarher sem
ætti að steypa stjórn Tsjad. Hins
vegar drógu þeir til baka fyrri yf-
irlýsingar um að þeir myndu reka úr
landi um 200.000 flóttamenn frá
Darfur-héraði í Súdan er hafa hrak-
ist til Tsjad vegna mannskæðra
átaka síðustu þrjú árin og búa nú í
flóttamannabúðum.
Um 300.000 manns munu hafa fall-
ið í stríðinu í Darfur og alls hafa um
tvær milljónir manna misst heimili
sitt, margt af því fólki hefur hrakist
til grannlandanna.
Tsjad sleit stjórnmálatengsl við
Súdan á föstudag og kallaði heim
fulltrúa sinn í friðarviðræðum sem
fara fram í Nígeríu milli stríðandi
fylkinga í Darfur. Yfirmaður Flótta-
mannahjálpar Sameinuðu þjóðanna,
Antonio Guterres, sagði í gær að
Idriss Deby Itno, forseti Tsjad, hefði
fullvissað sig um að flóttafólkið yrði
ekki rekið burt. Hópur vopnaðra
manna gerði misheppnaða tilraun til
að leggja undir sig höfuðborg Tsjad,
N’Djamena, í liðinni viku. Er um að
ræða lið úr samtökum er nefnast
Sameinaða fylkingin um breytingar,
FUC, sem vill steypa Deby forseta.
„Súdanar eru að undirbúa nýtt
blóðbað,“ sagði varnarmálaráðherra
Tsjad, Ahmat Allami, í símaviðtali í
gær. Ljóst þykir að fulltrúum FUC
hafi tekist að fá marga nýliða í raðir
sínar í flóttamannabúðum Darfur-
fólksins, meðal annars með því að
heita ungum mönnum peningum en
einnig með hótunum.
Lofa að reka ekki
flóttamenn burt
Forseti Tsjad segir stjórnvöld í Súdan
skipuleggja uppreisn gegn sér
AP
Idriss Deby Itno (fyrir miðju), for-
seti Tsjad, ásamt lífvörðum sínum.
Veracruz. AP. | Rúta með ferðamenn
steyptist í gær fram af brattri 200
metra hárri fjallshlíð í Mexíkó og er
talið að yfir 60 manns hafi látið líf-
ið. Lögreglan telur að hemlar hafi
bilað. Mannskæð bílslys eru mjög
tíð um páskahelgina í Mexíkó enda
mikil umferð á vegunum.
Umræddur vegur er talinn einn
af fimmtán hættulegustu vegum
landsins, hann liggur í fjölmörgum
hárnálasveigjum um bratta hlíðina.
Talið er að hraðinn hafi verið 110–
115 kílómetrar á klukkustund en
víða er gert ráð fyrir að rútur aki
ekki hraðar en á 95 km hraða.
Sagði embættismaður alríkislög-
reglunnar í Mexíkó að bráðabirgða-
rannsókn benti til þess að ökuhrað-
inn hefði verið svona mikill vegna
hemlabilunar.
Rútan var á leið frá Guadalajara
til Tabasco-héraðs sem er við Kar-
íbahaf. Hundruð þúsunda Mexíkóa
voru á vegum landsins í gær á leið
heim úr páskaleyfi.
Yfir 60 fórust í
rútuslysi í Mexíkó