Morgunblaðið - 18.04.2006, Blaðsíða 44

Morgunblaðið/Ómar Óskarsson
SÓLIN hækkar nú ótt á himni og dagarnir
lengjast. Kári farinn að slappast og Vetur kon-
ungur að leggjast í dvala. Aðeins tveir dagar
eru nú þar til fyrsti dagur sumars breiðir faðm
sinn yfir landið og er vorið farið að kippa í
landsmenn til sjávar og sveita.
Systurnar Ída og María Smáradætur, sem
eru á tuttugasta og sautjánda aldursári,
ákváðu þegar þær horfðu út í fallega veðrið í
gær að ljúka við að mála tíu metra bút af girð-
ingunni í kringum hús fjölskyldunnar í Loga-
fold í Grafarvogi.
Þær systur kveða komandi sumar leggjast
afar vel í sig, þótt það sé dálítið seint á ferð.
„En þetta er allt að koma,“ segir Ída bjartsýn.
Þrátt fyrir að veðrið væri gott í gær var hit-
inn einungis í kringum fimm gráður í höf-
uðborginni. Búist er við áframhaldandi sól og
léttskýjuðu sunnanlands í dag en éljagangi
fyrir norðan. | Miðopna
Vorverkin hafin
Morgunblaðið/Svanur Steinarsson
Brenton Birmingham smellir kossi á bikarinn
sem Njarðvíkingar fengu afhentan eftir sig-
urinn á Skallagrími í gær. Guðmundur Jóns-
son bíður eftir að röðin komi að honum.
NJARÐVÍKINGAR voru í gærkvöldi krýnd-
ir Íslandsmeistarar í Iceland Express-deild
karla í körfuknattleik þegar þeir báru sig-
urorð af Skallagrími, 81:60, í fjórða úrslita-
leik liðanna, sem háður var í Borgarnesi.
Njarðvík vann einvígið, 3:1, og hampaði Ís-
landsmeistaratitlinum í 13. sinn í sögu fé-
lagsins en Njarðvík varð síðast meistari fyrir
fjórum árum. Njarðvíkingar sýndu frábær
tilþrif í „Fjósinu“ í Borgarnesi í gærkvöldi.
Varnarleikur þeirra var magnaður og áttu
leikmenn Skallagríms ekkert svar við hon-
um. Borgnesingar geta engu að síður verið
stoltir af frammistöðu sinna manna en
Skallagrímur var klárlega spútniklið vetr-
arins og liðið náði sínum besta árangri í sögu
félagsins. | Íþróttir
Njarðvík
meistari í
13. sinn
ÁSKRIFT-AFGREIÐSLA 569 1122 ÞRIÐJUDAGUR 18. APRÍL 2006 VERÐ Í LAUSASÖLU 220 KR. MEÐ VSK.
ÍSLENSKUR ferðamaður lést þegar hann féll
um tuttugu metra niður í gil á portúgölsku
eyjunni Madeira á páskadag. Maðurinn, sem
var á áttræðisaldri, var í tíu km göngu ásamt
eiginkonu sinni og fleiri ferðamönnum þegar
slysið varð, að sögn fréttastofu AFP. Fékkst
þetta staðfest hjá utanríkisráðuneytinu í
gærkvöldi. Gönguleiðin sem um ræðir liggur
um nokkuð hrjóstrugt svæði en er talin hent-
ug fyrir byrjendur.
Maðurinn kom til Funchal á Madeira, sem
er í Atlantshafi, um 600 km vestur af Mar-
okkó, á fimmtudag og ætlaði hópurinn að
dvelja þar til 23. apríl. Ekki er unnt að greina
frá nafni hins látna að svo stöddu.
Íslenskur ferðamaður
lést á Madeira
FORMLEGAR viðræður
um kjör ófaglærðra starfs-
manna á hjúkrunarheim-
ilum hefjast kl. 14.00 í dag
í höfuðstöðvum Eflingar
stéttarfélags í Reykjavík.
Fyrir páskana var hald-
inn óformlegur fundur
með forsvarsmönnum
launanefndar Samtaka fyr-
irtækja í heilbrigðisþjónustu (SFH) og tals-
mönnum starfsmanna ásamt Eflingu.
Álfheiður Bjarnadóttir, sem hefur verið
talsmaður ófaglærðra starfsmanna á Hrafn-
istu, sagði að viðræðurnar næðu til starfs-
manna Hrafnistu, Eirar, Skógarbæjar,
Sunnuhlíðar, Áss í Hveragerði og Grundar.
Hún kvaðst telja að starfsfólkið væri fremur
bjartsýnt á að lausn fyndist á deilunni og von-
aði að barátta starfsfólksins skilaði árangri.
Fundur með
ófaglærðum í dag
Ellefu innbrot
um páskahelgina
ELLEFU innbrot voru til-
kynnt til lögreglunnar í
Reykjavík um páskahelg-
ina og gætu fleiri tilkynn-
ingar skilað sér í dag eða á
næstu dögum þegar fólk er
komið heim úr fríum og
vitjar eigna sinna. Inn-
brotin ellefu voru tilkynnt
frá skírdegi til dagsins í
gær og telst sá fjöldi ekki mikill miðað við
stóra ferðahelgi að sögn varðstjóra. Sérstakt
eftirlit var skipulagt af hálfu lögreglu um
helgina til að mæta mögulegri innbrotahrinu
sem búist var við á meðan margir væru í
burtu. Eftir er þó að meta fyllilega hvernig til
tókst þar sem ekki voru alveg öll kurl komin
til grafar síðdegis í gær.
Innbrotin ellefu voru framin í bíla, íbúðar-
hús, nýbyggingu og fyrirtæki. Flest innbrotin
voru í íbúðarhúsnæði, eða fjögur talsins. Þrjú
voru í bíla og fyrirtæki og eitt í nýbyggingu.
Var stolið munum allt frá bjórdollum upp í
plasmaskjái en skemmdir voru ekki meiri-
háttar þar sem þjófarnir höfðu í sumum til-
vikum komist inn um ólæstar dyr eða brotna
glugga.
LÖGREGLUMENN á Snæfellsnesi höfðu um
páskahelgina afskipti af tveimur börnum, níu
ára dreng og ellefu ára stúlku, sem voru á ferð
á litlum fjórhjólum í almennri umferð við Arn-
arstapa. Voru nöfn forráðamanna barnanna
tekin niður og verða þeim send sektarboð.
Skv. upplýsingum lögreglu lögðu margir
leið sína á Snæfellsnes um páskahelgina og fór
skemmtanahald að mestu vel fram, fyrir utan
smávægilegar stimpingar sem urðu við dans-
leik á Grundarfirði aðfaranótt laugardags.
En þegar leið á annan í páskum þótti lög-
reglunni fólki liggja nokkuð á í bæinn. Alls
stöðvaði lögreglan 12 ökumenn fyrir hrað-
akstur á leið til Reykjavíkur. Þá þurftu lög-
reglumenn að árétta það við fjölmarga ferða-
menn að ekki má aka torfæruhjólum og
fjórhjólum utan vega í náttúru landsins, enda
hefur lögreglan miklar áhyggjur af vaxandi
utanvegaakstri í umdæminu.
Tvö börn á fjórhjólum
í almennri umferð
LÖGREGLAN í Reykjavík fékk
fjóra menn úrskurðaða í þriggja
vikna gæsluvarðhald á föstudag-
inn langa vegna rannsóknar á einu
stærsta fíkniefnamáli sem upp
hefur komið hér á landi. Sam-
kvæmt heimildum Morgunblaðs-
ins hefur lögreglan lagt hald á um
og yfir 20 kg af fíkniefnum, am-
fetamíni og kannabisefnum.
Tollgæslan í Reykjavík fann
efnin í innfluttum bíl við hefð-
bundið eftirlit í Sundahöfn fyrr í
vor og var þá hafin rannsókn hjá
lögreglunni í Reykjavík sem leiddi
til handtöku fjögurra manna.
Voru efnin falin í litlum flöskum í
bensíntanki bílsins.
Þrír mannanna sem Héraðs-
dómur Reykjavíkur úrskurðaði í
gæsluvarðhald eru Íslendingar en
sá fjórði er Hollendingur.
Lögreglan handtók þrjá mann-
anna þegar þeir voru að flytja
fíkniefnin úr bíl við Höfða í
Reykjavík en fjórði grunaði aðil-
inn er eigandi bílsins. Einn hinna
handteknu var sá er þyngsta dóm-
inn hlaut í stóra fíkniefnamálinu í
héraðsdómi árið 2000, níu ára
fangelsi. Var þeim dómi ekki
áfrýjað til Hæstaréttar. Í því máli
voru tekin 24 kíló af hassi, fjögur
kíló af amfetamíni, 680 grömm af
kókaíni og tæplega 5.500 e-töflur.
Einn hinna handteknu hefur þá
komið við sögu lögreglu með því
að hann var framseldur frá Hol-
landi vegna óútskýrðs hvarfs Val-
geirs Víðissonar á sínum tíma.
Ekki fengust upplýsingar hjá
lögreglu um málið í gær, þegar
eftir því var leitað.
Teknir með á þriðja tug
kílóa af fíkniefnum
Morgunblaðið/Júlíus
Fíkniefnin fundust í bíl sem stóð á svæði tollgæslunnar í Sundahöfn.
Fjórir menn hafa verið úrskurðaðir í þriggja vikna gæsluvarðhald.
Eftir Örlyg Stein Sigurjónsson
og Ómar Friðriksson
Efnin höfðu verið falin í flöskum
í bensíntanki bifreiðar